Isaya 21:4 - Siswati 1996 Bible

⁴ Inhlitiyo yami iyaphatamiseka, kwesaba kuyangitfutfumelisa; kuhlwa lebengiloku ngikufisa sekujike kwaba sesabiso kimi.

Isaya 21:4 Referencias Cruzadas

1 Emakhosi 1:49

Tonkhe timenywa ta-Adoniya tatsi kube tikuve loko, tetfuka tatfutfumela, tasakateka, kwaba ngulowo nalowo wabaleka ngendlela yakhe.

Esta 5:12

Wachubeka Hamani wabalandzisa nekutsi ngetulu kwako konkhe yena uhleti nje abemenywe yinkhosikati lenkhulu, Esta; ibentele lidzili bona nenkhosi bobabili. Washo nekusho kutsi nangakusasa futsi baphindze bamenywa, kwamenywa inkhosi naye Hamani kuphela, emkhatsini wato tonkhe tindvuna tenkhosi.

Tihlabelelo 55:5

Ngiphetfwe kwesaba nekutfutfumela, neluvalo selungicedze emandla.

Tihlabelelo 55:6

Ngase ngitsi: “Kube mane nginetimphiko njengelituba! Ngabe ngindizela le khashane ngiyewuhlala ekuphumuleni.

Jeremiya 4:19

Maye, tinhlungu tami, tinhlungu tami! Ngiyashumpha etinhlungwini tami. Maye, kuqaqamba kwenhlitiyo yami! Inhlitiyo yami iyaqaqamba ngekhatsi kwami, ngehluleka nekubindzisa. Ngobe ngikuvile kukhala kwelicilongo, ngikuvile kuhlatjwa kwemkhosi wemphi.

Jeremiya 51:39

Kodvwa bayawutsi nase bavutsa, ngibentele lidzili labo, ngibadzakise, kuze batewumemeta ngenjabulo, bese balala kokuphela bangaphindzi bavuke,” kusho Simakadze.

Jeremiya 51:57

Ngiyawudzakisa tindvuna tayo kanye nalabahlakaniphile bayo, nebabusi bayo, netiphatsimandla tayo, kanye nemabutfo ayo nawo. Bayawulala kokuphela bangaphindzi bavuke,” kusho iNkhosi, lelibito layo kunguSimakadze longuSomandla.

Danyela 5:1

Inkhosi Bhelshasari yenta lidzili lelikhulu yentela tindvuna tayo letatiyinkhulungwane, yanatsa nato liwayini.

Danyela 5:30

Ngabo bona lobo busuku Bhelshasari, inkhosi yemaBhabhulona, wagwazwa wafa.

Danyela 5:5

Ngekushesha kwabonakala iminwe yesandla semuntfu ibhala elubondzeni, macondzana nelutsi lwesibane esigodlweni senkhosi. Inkhosi yasibuka lesandla lesibhalako.

Nahume 1:10

Bayawugigeleka bona emanyeveni, nasekudzakweni liwayini labo. Bayawushwabudzeleka njengemahlanga lomisiwe.

Dutheronomi 28:67

“Ekuseni niyawufisa kungatsi ngabe kusebusuku, ebusuku nifise kungatsi ngabe ngusekuseni, ngenca yeluvalo loluyawube lusetinhlitiyweni tenu nangenca yaloko leniyawube nikubona ngemehlo enu.

Dutheronomi 32:11

njengelusweti lolunyakatisa sidleke salo, lundizele etikwemazini alo, lwendlale timphiko talo, kuze luwabambe ngato, luwetfwale ngetingwabha talo.