Isaya 21:3 - Siswati 1996 Bible

³ Nginelusizi ngalombono lengiwubonile, buhlungu bungibambile, njengemhelo ufikela umfati nasatawubeleka. Kuyangetfusa loko lengikuvako, ngiyamangala ngaloko lengikubona ngemehlo ami.

Isaya 21:3 Referencias Cruzadas

Tihlabelelo 48:6

Agcwala emanti emadvolweni, efikelwa buhlungu lobukhulu, njengebemfati lobelekako.

Isaya 13:8

kutfutfumela kubabambe, tinhlungu nekucacamba kubantfonye, bajilajileke njengemfati aphetfwe ngumhelo. Bayawubukana ngekumangala, buso babo buvutse emalangabi.

Isaya 15:5

Inhlitiyo yami ikhalela Mowabi, bantfu bakhe babaleka kuye bacondza eSowari, labanye bacondza e-Eglathi Shelishiya. Benyuka bahamba bakhala baya eLuhithi, bahamba ngemgwaco baya eHoronayimu, bakhaliswa kubhujiswa kwabo.

Isaya 16:11

Inhlitiyo yami ililela iMowabi, ikhala njengelihabhu, lingekhatsi lami lilila ngeKhiri Heresi.

Isaya 16:9

Ngako ngiyakhala, njengobe kukhala iJaseri, ngikhalela imivini yaseSibima. Awu! Heshboni, nawe Eleyale, nginenye etinyembetini! Kumemeta kwenjabulo ngetitselo tenu lesetivutsiwe kuthulisiwe, kwabindziswa nenjabulo ngetivuno tenu.

Isaya 26:17

Njengemfati lokhulelwe nasatawubeleka, uyajilajileka, akhale ngenca yemihelo, natsi sasinjalo ebukhoneni bakho, awu, Simakadze!

Jeremiya 4:19

Maye, tinhlungu tami, tinhlungu tami! Ngiyashumpha etinhlungwini tami. Maye, kuqaqamba kwenhlitiyo yami! Inhlitiyo yami iyaqaqamba ngekhatsi kwami, ngehluleka nekubindzisa. Ngobe ngikuvile kukhala kwelicilongo, ngikuvile kuhlatjwa kwemkhosi wemphi.

Jeremiya 48:41

Emadolobha atawutfunjwa, kudliwe netinqaba tawo. Ngalelo langa tinhlitiyo tetihlabani takaMowabi tiyawufanana nenhlitiyo yemfati nasaphetfwe ngumhelo.

Jeremiya 49:22

Njengelusweti lwendlele timphiko talo uyawujubalata antjweze ehlele etikweBhosra. Ngalelo langa tinhlitiyo tetingwazi taka-Edomu tiyawuba njengenhlitiyo yemfati, nakaphetfwe ngumhelo.”

Jeremiya 50:43

Inkhosi yaseBhabhulona ive imibiko ngabo, nyalo imikhono yayo seyiyalenga nje, kucacamba kwenhlitiyo sekuyibambile, iminjunju lenjengeyemfati nakaphetfwe ngumhelo.

Jeremiya 6:24

Siyivile imibiko ngabo, saphela emandla, imikhono yetfu iyalenga nje kitsi, sibanjwe kudzabuka nekwesaba lokukhulu, tinhlungu letifanana netemfati lobelekako.

Habakhuki 3:16

Ngeva, nenhlitiyo yami yabhakuta, netindzebe temlomo wami tavevetela ngalomsindvo, kubola kwakhasabela ematsanjeni ami, imilente yami yachachatela. Noko ngiyakulilindzela ngekubeketela lilanga lesehlakalo leliyawusifikela sive lesisihlasele.

Johane 16:21

Nangabe umfati asatawubeleka, ubaselusizini, ngobe sikhatsi sebuhlungu sesifikile. Kodvwa nasambelekile umntfwana, ubukhohlwa bonkhe lobo buhlungu, ngobe ujatjuliswa kutalwa kwemntfwana.

Dutheronomi 28:67

“Ekuseni niyawufisa kungatsi ngabe kusebusuku, ebusuku nifise kungatsi ngabe ngusekuseni, ngenca yeluvalo loluyawube lusetinhlitiyweni tenu nangenca yaloko leniyawube nikubona ngemehlo enu.

1 kubaseThesalonika 5:3

Ngesikhatsi bantfu batsi: “Kunekuthula nenhlalakahle,” ngekushesha lokukhulu kubhujiswa kuyawubatuma njengemhelo ufikela umfati nasatawubeleka; futsi kute loyawusindza.