Isaya 21:1 - Siswati 1996 Bible

¹ Leli livi lesembulo lelimacondzana neBhabhulona, lihlane lelingaselwandle: Njengetiwunguwungwana tihhusha tendlula eveni laseningizimu, kanjalo umhlaseli uchamuka ngasehlane, eveni lelesabekako.

Isaya 21:1 Referencias Cruzadas

Jobe 37:9

Sihhushuhhushu sihoshobe siphume emgodzini waso, nelichwa liphume emoyeni lowendlulako.

Isaya 13:1

Leli livi lesembulo ngeBhabhulona, lelefika ku-Isaya, umsa wa-Amose, ngembono:

Isaya 13:13

Ngako-ke emazulu ngiyakuwenta atfutfumele, nemhlaba utanyatanyiswe usuke endzaweni yawo, ngenca yelulaka lwaSimakadze longuSomandla, ngalelo langa lentfukutselo yakhe levutsako.

Isaya 14:1

Simakadze utawubonakalisa sihawu sakhe kuJakobe, utawuphindza futsi akhetse ema-Israyeli, awabuyisele eveni lawo. Betive batawutihlanganisa nawo, batihlanganise nendlu yaJakobe.

Isaya 14:14

Ngiyakwenyukela ngetulu kweticongo temafu. Ngiyawutenta ngifanane naNkulunkulu Losetikwako Konkhe.’

Isaya 14:23

“Ngiyawuyenta ibe yindzawo yetikhova, kube yindzawo lelichaphoti. Ngiyawuyishanyela ngemshanyelo wembhubhiso,” usho njalo Simakadze longuSomandla.

Isaya 17:1

Livi lesembulo lelimacondzana neDamaseko: “Buka la, iDamaseko ingeke isaba lidolobha, kodvwa seyitawuba yindvundvuma nje yetindzala.

Isaya 47:1

Simakadze utsi: “Yehla, uhlale elutfulini, wena Ndvodzakati yaseBhabhulona. Hlala emhlabatsini, ungasahlali esihlalweni sebukhosi, Ndvodzakati yebaseBhabhulona. Awusayikubitwa ngekutsi ungulobutsakatsaka nalotsambile.

Isaya 5:28

imicibisholo yabo iyakhalipha, bonkhe butjoki babo sebugotjiwe, tinselo temahhashi abo tilukhuni njengematje, emasondvo etincola tabo temphi afanana nesiwunguwungwana semoya.

Jeremiya 51:1

Naku lokushiwo nguSimakadze, utsi: “Buka la, ngiyawuvusa umoya wembhubhisi usukele iBhabhulona kanye nebantfu baseLebu Khamayi.

Jeremiya 51:42

Lwandle luyawukhuphukela etikweBhabhulona, emagagasi alo ladvumako ayawuyisibekela.

Jeremiya 51:51

“Sihlazekile, ngobe setfukiwe, lihlazo lisimbonye buso betfu, ngobe bantfu bekuhamba bangenile etindzaweni letingcwele tendlu yaSimakadze.”

Hezekeli 1:4

Ngabuka, ngabona sivunguvungu sichamuka ngasenyakatfo, bekulifu lelikhulukati linebumanyamanya bembane, lalitungeletwe kukhanya lokumengetelako. Ekhatsi enkhabeni yalomlilo kwakukhona lokwakufanana nelitfusi lelimanyatelako,

Hezekeli 30:11

Yena nemphi yakhe, bantfu labanelunya lolukhulu etiveni tonkhe, bayawuletfwa batewubhubhisa live. Bayawukhokha tinkemba tabo batibhekise eGibhithe, bagcwalise live ngetidvumbu talabagwaziwe.

Hezekeli 31:12

kwase kutsi tive tangaphandle letinelunya kakhulu tawujuba, tase tiyawushiya. Emagala awo lamakhulu awela etintsabeni nasetigodzini tonkhe; emagala awo asala phansi ephukile kuto tonkhe tihosha telive. Tonkhe tive temhlaba taphuma ngaphansi kwemtfunti wawo, tawushiya.

Hezekeli 38:9

Wena kanye nawo onkhe emabutfo akho netive letinyenti letinawe niyawukhuphuka, nishulungane njengesihhuhhula semoya, niyawuba njengelifu lelimbonya live.

Danyela 11:40

“Ngesikhatsi sekugcina, inkhosi yaseningizimu iyawuhlaselana nayo emphini, kodvwa inkhosi yasenyakatfo iyawuyidvumela iyekulwa nayo ngetincola temphi nangemasotja lagibele emahhashi emphi, nangalelikhulu lifu lemikhumbi yemphi. Iyawungenela emave lamanyenti, iwakhukhule kube shangatsi ngungesihhuhhula semvula.

Zakhariya 9:14

Simakadze uyawube sewuyabonakala kubo, umcibisholo wakhe uyawugijima njengembane. INkhosi Simakadze iyawushaya impalampala, iyawushuca ngetivunguvungu taseningizimu,