Isaya 20:4 - Siswati 1996 Bible

⁴ kanjalo inkhosi yase-Asiriya iyawuhola baseGibhithe nebaseSudani labatfunjwe bangcunu, bangakafaki lutfo nasetinyaweni, labancane nalabadzala, bayawushwebheta ngetibunu tabo tisebaleni, kube lihlazo laseGibhithe.

Isaya 20:4 Referencias Cruzadas

2 Samuweli 10:4

Ngako Hanuni wawabamba lamadvodza akaDavide, wawahhula, nguleyo naleyo incenye yesilevu sayo, wahhumbula netembatfo tawo macondzana netibunu tawo, wase uyawayekela, ahamba.

1 Tikhronike 19:4

Ngako Hanuni wawabamba lamadvodza akaDavide, wawahhula tilevu, wase uhhumbula netembatfo tawo ekhatsi macondzana netibunu, wase uyawayekela, ahamba.

Isaya 19:4

BaseGibhithe ngitabanikela etandleni tenkhosi lenemandla nalenelulaka. Bayawubuswa yinkhosi leyesabekako,” kusho iNkhosi Simakadze lenguSomandla.

Isaya 3:17

Ngako-ke Simakadze utawuveta tilondza etinhloko tebafati baseSiyoni; Simakadze utawucotfula tinhloko tabo, tibe timphandla.”

Isaya 31:2

Noko naye uhlakaniphile, futsi angayehlisa inhlekelele, emavi akhe akaphindzi awabuyise. Uyawusukuma amelane nendlu yalababi, emelane nalabo labasita labenta lokubi.

Isaya 31:3

Kodvwa baseGibhithe bantfu nje, abasiye Nkulunkulu, nemahhashi abo ayinyama nje, akasiwo umoya. Simakadze utsi nakaphakamisa sandla sakhe, kutsi lowo lositako akhubatele, nalowo lositwako yena awe, babhubhe bonkhe kanyekanye.

Isaya 47:2

Tsatsa ematje ekusila, usile fulaha, yembula liveyili lakho. Phakamisa tidvwaba takho, uhlubule imilente yakho, wewele udzabule imifula.

Isaya 47:3

Bungcunu bakho buyawubekeka ebaleni, lihlazo lakho lembuleke. Ngiyawuphindzisela, futsi kute loyawusala.”

Jeremiya 13:22

Nawutibuta utsi: “Loku kwentekeleni kimi?” phela kungenca yetono takho letinyenti, lokutsi tidvwaba takho tidzatjulwe, nemtimba wakho uphatseke kabi.

Jeremiya 13:26

“Ngitawugwabula tidvwaba takho tibuye ebusweni, khona kutewubonakala bungcunu bakho:

Jeremiya 46:19

Butsani timphahla tenu tekudzingiswa, nine lenihlala eGibhithe, ngobe iMemfisi iyawusala yodvwa isale ingemabolela langasahlali muntfu.

Jeremiya 46:26

Ngitabanikela kulabo labafuna timphilo tabo, nakuNebukhadnezari, inkhosi yaseBhabhulona, kanye netindvuna tayo. Noko emvakwaloko, iGibhithe iyawuphindza ibe nebantfu njengasetikhatsini takadzeni,” kusho Simakadze.

Hezekeli 30:18

Lilanga liyawuba bumnyama eThaphanesi, mhlazana ngigamula lijoko laseGibhithe; lapho-ke emandla ayo letigabatisa ngawo ayawuphela. Iyawusibekelwa ngemafu, netabelo tayo tiyawutfunjwa.

Amose 9:7

“Nine, ma-Israyeli, anifanani yini kimi nemaKushe?” kusho Simakadze. “Angizange ngimkhiphe yini Israyeli eGibhithe, nemaFilisti eKhaftori ngakhipha nemaSiriya eKhiri?”

Mikha 1:11

Nine takhamiti taseShafiri, tidzingiseni nihlazekile, ningcunu. Takhamiti taseSanani tesaba kuphuma edolobheni lato. Nawuva takhamiti taseBethi Eseli tilila, uyawuvele ubone kutsi kute siphephelo lapho.

Nahume 3:10

Noko, yatfunjwa yesuswa eveni layo, yadzingiswa. Bantfwabayo labancane bashaywa baphihlitwa kuwo onkhe emakona etitaladi, baholi bayo bashayelwa inkatho; bonkhe bahlonishwa bayo baboshwa ngetinketane.

Zefaniya 2:12

“Nani futsi, maKushe, niyawubulawa ngenkemba yami.”

Sembulo 3:18

Ngako-ke ngiyakuyala kutsi utsenge kimi igolide lelolongwe ngemlilo, khona utewuceba, utsenge tingubo letimhlophe tekwembatsa, khona utewufihla bungcunu bakho kutsi bungabonakali, utsenge nemutsi wekugcobisa emehlo akho kutsi ubone.