Isaya 20:3 - Siswati 1996 Bible

³ Simakadze wase utsi: “Njengobe inceku yami, Isaya, beyihamba ngcunu ingakafaki lutfo nasetinyaweni iminyaka lemitsatfu, lokusibonakaliso nemhlolo kwalokutawuvelela iGibhithe neSudani,

Isaya 20:3 Referencias Cruzadas

Isaya 19:4

BaseGibhithe ngitabanikela etandleni tenkhosi lenemandla nalenelulaka. Bayawubuswa yinkhosi leyesabekako,” kusho iNkhosi Simakadze lenguSomandla.

Isaya 37:9

Senaheribi watfola umbiko wekutsi Thihakha, inkhosi yaseKushe, nayo iyashuca itewuhlasela yena. Watsi nakeva loku, watfumela tigijimi kuHezekiya nelivi lelitsi:

Isaya 43:3

Ngobe mine nginguSimakadze Nkulunkulu wakho, Longcwele waka-Israyeli, uMsindzisi wakho, ngitawuhlawula ngelive laseGibhithe, ngishintjiselane iKushe neSheba ngawe.

Isaya 8:18

Ngilapha mine kanye nalabo bantfwana Simakadze langiphe bona. Sitibonakaliso netimangaliso taSimakadze longuSomandla, esiveni sema-Israyeli, yena lohlala eNtsabeni iSiyoni.

Jeremiya 13:1

Naku lokwashiwo nguSimakadze kimi, watsi: “Hamba uyewutsenga libhande lelineni ulivunule elukhalweni lwakho, kodvwa lingawatsintsi emanti.”

Hezekeli 12:6

Tetjatse ehlombe lakho babukile uhambe nato nakucala kuhwalala, buso bakho ubumbonyile, khona ungetulibona live, ngobe sengikwente sibonakaliso kuyo indlu yaka-Israyeli.”

Hezekeli 30:4

Inkemba iyawubefikela baseGibhithe, nebuhlungu benhlitiyo buyawubehlela baseKushe. Ngesikhatsi lasebagwaziwe bawa eGibhithe, umcebo wayo uyawutfunjwa, netisekelo tayo tiyawucheketwa ekhatsi.

Hezekeli 30:6

“ ‘Naku lokushiwo nguSimakadze, utsi: “ ‘Labo labalekelelana nebaseGibhithe, bayakuwa, nemandla ayo letigabatisa ngawo ayawukwehluleka. Bayakuwela ekhatsi kuyo ngenkemba, kusukela eMigdoli kuye e-Aswani, kusho iNkhosi Simakadze.

Hezekeli 4:1

“Manje-ke, ndvodzana yemuntfu, tsatsa sibhelekeca selibumba, usibeke embikwakho, bese udvweba lidolobha laseJerusalema kuso.

Hezekeli 4:3

ubobe sewutsatsa lipani lensimbi ulibeke libe njengelubondza lwensimbi emkhatsini wakho nalelidolobha, bese uyagucuka uyalibuka. Liyawube selivimbetelekile, futsi uyawulivimbetela. Loku kuyawuba sibonakaliso kuyo indlu yaka-Israyeli.

Zefaniya 2:12

“Nani futsi, maKushe, niyawubulawa ngenkemba yami.”

Zakhariya 3:8

“ ‘Lalela, wena mPhristi Lomkhulu Jeshuwa, kanye nalabo bangani bakho labahleti embikwakho, labangemadvodza lasibonakaliso setintfo letitako: Ngitawuletsa inceku yami, Ligala.

Numeri 14:34

Niyawuhlupheka kuze kuphele iminyaka lengema-40 ngenca yetono tenu, umnyaka umele lilanga linye lalawo langema-40, lenawacitsa nihlolisisa lelive, kuze nati kahle kutsi kuyini kumelana kwenu nami.’