Isaya 20:2 - Siswati 1996 Bible

² ngaleso sikhatsi Simakadze wakhuluma nga-Isaya, umsa wa-Amose. Wakhuluma kuye, watsi: “Khumula lamasaka emtimbeni wakho, naletincabule lapha etinyaweni takho.” Wakwenta loko Isaya, wahamba asangcunu, angakafaki lutfo nasetinyaweni.

Isaya 20:2 Referencias Cruzadas

2 Samuweli 15:30

Kodvwa Davide yena wachubeka wenyuka iNtsaba Yemincumo, ahambe akhala; inhloko yakhe yayimbonyiwe, nasetinyaweni angakafaki lutfo. Bonkhe bantfu lababenaye lapho babembonye tinhloko tabo, nabo benyuka bakhala.

2 Samuweli 6:20

Watsi Davide nasabuyele ekhaya lakhe kuyawubusisa indlu yakakhe, wahlangatjetwa nguMikhali, indvodzakati yaSawula, wafike watsi: “Inkhosi yema-Israyeli itentele ligama lelikhulu lamuhla, itivete njengalesikhulu silima emehlweni aletidzandzane tetindvuna tayo!”

2 Emakhosi 1:8

Tayiphendvula tatsi: “Bekuyindvodza leyembetse ingubo yeboya, ibophe libhande lesikhumba lapha elukhalweni.” Inkhosi yatsi: “Lowo bekungu-Elija waseThishbe.”

Tihlabelelo 30:11

Ugucule kulila kwami kwaba ngumgidvo, ungikhumule ingubo yenzilo, wangembatsisa ngekungibopha ngenjabulo.

Eksodusi 3:5

Nkulunkulu watsi: “Ungasasondzeli, khumula tincabule takho, ngobe lendzawo lome kuyo ingumhlabatsi longcwele.

Isaya 1:1

Lona ngumbono lowabonwa ngu-Isaya, umsa wa-Amose, ngebakaJuda nangebaseJerusalema ngesikhatsi kusabusa bo-Uziya, naJothamu, na-Ahazi, naHezekiya, emakhosi akaJuda.

Isaya 13:1

Leli livi lesembulo ngeBhabhulona, lelefika ku-Isaya, umsa wa-Amose, ngembono:

Isaya 37:2

Watfumela bo-Eliyakimu, indvuna yasesigodlweni, naShebna, labengumabhalane, kanye nebaholi bebaphristi, bonkhe bagcoke emasaka baya kumphrofethi Isaya, umsa wa-Amose.

Jeremiya 48:37

Tonkhe tinhloko tawo titimphandla, nato tonkhe tilevu tihhuliwe, tonkhe tandla tijutjiwe, nato tonkhe tinkhalo tembeswe emasaka.

Hezekeli 24:17

Bubula nje uthule; ungamlileli lowo lofile. Umshuculo wakho awuhlale uboshelwe enhloko, netincabule takho tihlale etinyaweni takho; ungalimbonyi lingentansi lebuso bakho, futsi ungakudli kudla kwelisiko kwalabalilako.”

Hezekeli 24:23

Imishuculo yenu nitakuyiyekela ibesetinhloko tenu netincabule tenu tisetinyaweni tenu. Ningeke nizile nome nilile, kodvwa niyawukondza ngenca yetono tenu, nibubule lomunye kulomunye.

Hezekeli 4:1

“Manje-ke, ndvodzana yemuntfu, tsatsa sibhelekeca selibumba, usibeke embikwakho, bese udvweba lidolobha laseJerusalema kuso.

Hezekeli 4:5

Ngikumisele emalanga langangeminyaka yekona kwabo. Ngako kutawuphela emalanga langema-390 wetfwele sono sendlu yaka-Israyeli.

Mikha 1:11

Nine takhamiti taseShafiri, tidzingiseni nihlazekile, ningcunu. Takhamiti taseSanani tesaba kuphuma edolobheni lato. Nawuva takhamiti taseBethi Eseli tilila, uyawuvele ubone kutsi kute siphephelo lapho.

Mikha 1:8

Mikha wase utsi: “Ngenca yaloko ngitawukhala ngilile kuze ngikhombise kudzabuka kwami, ngitawuhamba ngcunu ngingafaki ngisho neticatfulo, ngishaye umkhulungwane njengenja, ngikhale njengesahhukulu, ngikekele njengenshi.

Zakhariya 13:4

“Ngalelo langa ngulowo nalowo mphrofethi uyawuba nemahloni ngembono wakhe. Angeke aphindze ayembatse ingubo yeboya yebuphrofethi kuze atekukhohlisa.

Matewu 16:24

Jesu wakhuluma kubafundzi bakhe watsi: “Umuntfu nakafuna kungilandzela, akatidzele, etjatse siphambano sakhe, angilandzele.

Matewu 3:4

Johane abegcoka ingubo yeboya belikamela, avunule libhande lesikhumba elukhalweni lwakhe. Kudla kwakhe kwakutintsetse neluju lwetinyosi tesiganga.

Johane 21:7

Lomfundzi labetsandvwa nguJesu watsi kuPhetro: “YiNkhosi!” Simoni Phetro neva kutsi yiNkhosi, waphutfuma timphahla takhe, wembatsa, (phela abekhumulele kusebenta angcunu,) wase ugcumkela emantini.

Imisebenti yebaPhostoli 19:16

Lomuntfu labekhwelwe ngumoya lomubi wabesukela wabadladlabula ngelulaka nangemandla wabehlula. Babaleka bonkhe baphuma kuleyondlu bangcunu balimele kakhulu.

Imisebenti yebaPhostoli 21:11

Wefika kitsi watsatsa libhande laPawula walibopha etinyaweni nasetandleni takhe watsi: “Naku lokushiwo nguMoya Longcwele: ‘Umnikati walelibhande utawuboshwa ngemaJuda kanje eJerusalema amnikele etandleni tebetive.’ ”

Joshuwa 5:15

Indvuna yemphi yaSimakadze yaphendvula, yatsi: “Khumula tincabule takho, ngobe lendzawo lome kuyo ingcwele.” Joshuwa wenta njengobe atjeliwe.

Sembulo 11:3

Bofakazi bami lababili labembetse emasaka ngiyawubanika emandla ekuphrofetha emalanga layi-1 260.”

1 Samuweli 19:24

Naye wakhumula tingubo takhe, asahhungulekile njengalaba labanye, naye waphrofetha embikwaSamuweli. Walala angcunu, lonkhe lilanga nebusuku bakhona. Ngiko nje bantfu baze batsi: “Kantsi naSawula sewusemkhatsini webaphrofethi yini?”