Isaya 2:2 - Siswati 1996 Bible

² Ngemalanga ekugcina intsaba yelithempeli laSimakadze iyawucina, ibe ngulephakeme kwendlula tonkhe tintsaba; iyawuphakanyiswa ibe ngetulu kwemagcuma, tonkhe tive tiyawubekelela tiye kuyo tingasakhawuli.

Isaya 2:2 Referencias Cruzadas

Genesisi 49:1

Jakobe wabita onkhe emadvodzana akhe wakhuluma nawo, watsi: “Buyani la kimi nonkhe, ngitenitjela lokutanehlela ngemuso.

Jobe 19:25

Kodvwa mine ngiyati kutsi uMhlengi wami uyaphila, nekutsi ekugcineni utakuma etikwalomhlaba.

Tihlabelelo 102:23

Wacedza emandla ami ngisesemkhatsini, wafinyeta emalanga ekuphila kwami.

Tihlabelelo 2:8

Cela kimi, mine ngiyawukunika tive tibe lifa lakho, nemhlaba wonkhe ube yingcebo yakho;

Tihlabelelo 22:27

Umhlaba wonkhe uyakukhumbula ugucukele kuSimakadze, yonkhe imindeni netive temhlaba tiyawukhotsama embikwakhe,

Tihlabelelo 22:28

ngobe bukhosi baSimakadze, nguye lobusa etikwetive.

Tihlabelelo 48:2

Yinhle ngekuphakama kwayo, ikujabula kwemhlaba wonkhe. INtsaba iSiyoni isemaphetselweni enyakatfo, ilikhaya leNkhosi lenkhulu.

Tihlabelelo 68:17

Tincola taNkulunkulu titinkhulungwane letingemashumi netinkhulungwane ngetinkhulungwane, Simakadze usemkhatsini wato ngebukhosi bakhe lobunjengebungcwele baseSinayi.

Tihlabelelo 72:8

Shangatsi bukhosi bayo bungagcwala umhlaba, busuke elwandle buye bufike elwandle lolunye; busuke eMfuleni, buze bufike ekugcineni kwemhlaba.

Tihlabelelo 86:9

Tonkhe tive lotentile tiyawuta kuwe, tikhotsame embikwakho, Nkhosi yami, tibabate libito lakho.

Tihlabelelo 87:1

Simakadze ubeke likhaya lakhe etikwentsaba lengcwele.

Tihlabelelo 87:2

Emasango aseSiyoni uwatsandza kakhulu kunayo yonkhe imiti yakaJakobe.

Isaya 11:10

Ngalelo langa iMphandze yaJese iyakuma ibe siboniso kubetive, tive tiyawuhlangana kuyo, indzawo yayo yekuphumula ibe neludvumo.

Isaya 25:6

Kulentsaba Simakadze longuSomandla utakwentela bantfu bonkhe lidzili lalokukhuluphele, lelimnandzi, yebo, lidzili leliwayini lelidzala lakadzeni, inyama lenhle kakhulu, netinhlobo letimnandzi teliwayini.

Isaya 27:13

Ngalelo langa kuyawukhala licilongo lelikhulu. Labo lababelahlekile bedukela e-Asiriya, nalabo lababetfunjelwe eGibhithe bayakuta batewukhonta Simakadze entsabeni lengcwele, eJerusalema.

Isaya 30:29

Niyawuhlabela njengalobo busuku lenenta ngabo lidzili lelingcwele, tinhlitiyo tenu tiyawujabula njengesikhatsi bantfu bakhuphuka ngemintjingo, bakhuphukela eNtsabeni yaSimakadze, eDvwaleni lema-Israyeli.

Isaya 49:6

utsi: “Kuyintfo lelula kakhulu kuwe kuba yinceku yami kubuyisela tive takaJakobe, nekubuyisa labo labasasele bema-Israyeli lengitigcinele bona. Ngitakwenta futsi ube kukhanya kubetive, kuze utewumikisa insindziso yami emikhawulweni yonkhe yemhlaba.”

Isaya 56:5

labo ngiyakubanika sikhumbuto ekhatsi ethempelini lami nasemkhatsini wetibondza talo, ngiyakubanika nelibito lelihle kwengca emadvodzana nemadvodzakati. Ngiyakubanika libito laphakadze, libito lelingasoze laphela nakadzeni.

Isaya 56:7

labo ngiyakubayisa entsabeni yami lengcwele, ngibanike kujabula endlini yami yekukhuleka. Iminikelo yabo yekushiswa nemihlatjelo yabo iyakwemukeleka elatini lami, ngobe indlu yami iyawutsiwa yindlu yemkhuleko yato tonkhe tive.”

Isaya 60:3

Tive tiyawusondzela ekukhanyeni kwakho nemakhosi ete ebukhatikhatini bekusa kwakho.

Isaya 65:11

“Kodvwa nine lenilahla Simakadze, nikhohlwe intsaba yami lengcwele, nine lenendlala litafula nendlalele sithico lesinguNhlanhla, nigcwalise tindziwo ngeliwayini lelididiyelwe, nitigcwalisele sithico lesinguSimiselo,

Isaya 66:20

Bayawuletsa bonkhe bomnakenu, babakhipha kuto tonkhe tive, babayise entsabeni yami lengcwele eJerusalema, babe ngumnikelo kuSimakadze. Bayawubetfwala ngemahhashi, nangetincola temphi, nangetinkalishi, nangeminyuzi, nangemakamela,” kusho Simakadze. “Bayawuta nabo njengema-Israyeli nakaletsa iminikelo yawo yalokutinhlavu ngetitja letihlantekile ngekwemtsetfo, ateyetfula ethempelini laSimakadze.

Isaya 66:23

Kusukela ekwetfwaseni kwenyanga kuye kulelandzelako, nekusukela kulelinye liSabatha kuye kulelinye, bonkhe bantfu bayakuta bakhotsame embikwami,” kusho Simakadze.

Jeremiya 16:19

Awu Simakadze, mandla ami nesiphephelo sami, nqaba yami ngesikhatsi sekuhlupheka, tive tiyakuta kuwe tisuka emikhawulweni yonkhe yemhlaba, titsi: “Bobabe betfu babengenalutfo ngaphandle kwabonkulunkulu labalite, tithico letingenamsebenti letingazange setibentele lutfo loluhle.

Jeremiya 23:20

Intfukutselo yaSimakadze ingeke incandzeke, aze akufeze loko lokujongwe yinhlitiyo yakhe. Kulawo malanga letako niyawukucondzisisa kahle loko.

Jeremiya 26:18

“Mikha waseMoreshethi waphrofetha ngetikhatsi taboHezekiya, inkhosi yakaJuda. Watjela bonkhe bantfu bakaJuda watsi: ‘Naku lokushiwo nguSimakadze longuSomandla, utsi: “ ‘ISiyoni iyawulinywa njengensimi. IJerusalema iyawuba yincumbi yencintsakalo, intsaba yelithempeli ibe yindvundvuma lehlume lihlatsi letinchachabutane.’

Jeremiya 3:17

Ngalawo malanga iJerusalema bayawuyibita ngekutsi Sihlalo Sebukhosi SaSimakadze, tonkhe tive tiyawubutsana eJerusalema, tiyewuhlonipha Libito laSimakadze. Bangeke basayilandzela inkhani yetinhlitiyo tabo letimbi.

Jeremiya 30:24

Lulaka lolwesabekako lwaSimakadze lungeke luncandzeke, aze asiphumelelise ngalokuphelele sifiso lesisenhlitiyweni yakhe. Loku niyawukucondza kahle ngemalanga letako.

Jeremiya 31:12

Bayawufika bamemete ngenjabulo eticongweni tentsaba yaseSiyoni; bayawutfokota ngekwephana kwaSimakadze: lokusatinhlavu, neliwayini lelisha, nemafutsa, nemazinyane emihlambi yetimvu netimbuti, nemankhonyane emihlambi yetinkhomo. Bayawufanana nengadze leniselwa kahle, bangeke baphindze babe lusizi.

Jeremiya 48:47

“Noko ngiyawubuyisela tibusiso takaMowabi ngemalanga letako,” kusho Simakadze. Kuphelela lapha-ke kwehlulelwa kwaMowabi.

Jeremiya 49:39

“Noko, ngiyawuphindze ngitibuyisele tibusiso tase-Elamu, ngemalanga letako,” kusho Simakadze.

Jeremiya 51:44

Ngiyakumjezisa Bheli eBhabhulona, ngimente akuhlantele phansi konkhe loko lakumitile. Tive atisayikubekelela tiye kuye, nelubondza lwaseBhabhulona luyakuwa.

Hezekeli 38:16

Uyawushuca usukele sive sami, ema-Israyeli, njengelifu lelisibekela live. Kulamalanga letako wena, Gogi, ngitakuyisa eveni lami, kuze tive titewungati mine nase ngitibonakalisa bungcwele bami ngawe tibukile.

Hezekeli 40:2

Emibonweni yaNkulunkulu wangitsatsa wangiyisa eveni laka-Israyeli, wafike wangimisa entsabeni lephakeme kakhulu, lekwatsi ngaseningizimu kwayo kwakunetindlu letatibukeka shangatsi ngulelikhulu lidolobha.

Danyela 10:14

Manje-ke sengitele kutakuchazela kutsi kutakwentekani kubantfu bakini ngemalanga letako, ngobe lombono umayelana netikhatsi letiseta.”

Danyela 2:28

kodvwa ukhona Nkulunkulu losezulwini lowembula timfihlakalo. Nguye lobonise inkhosi Nebukhadnezari loko lokutakwenteka kulamalanga letako. Liphupho lakho nemibono yakho leyendlule lapha engcondvweni yakho usalele embhedzeni wakho ngunaku:

Danyela 2:35

Lensimbi, nalelibumba, nalelitfusi, nalesiliva, nalegolide kwabhidlika kwaba ticucu ngasikhatsi sinye, kwaze kwafanana nemakhoba lasebaleni lekubhula ehlobo. Umoya wakuphephula konkhe, kwangete kwasala lutfo. Kodvwa lelidvwala lelalishaye lesitfombe lakhula laba yintsaba lenkhulu, lagcwala wonkhe umhlaba.

Danyela 2:45

Ngiyo leyo-ke inchazelo yalombono welidvwala lelahleshulwa entsabeni, kodvwa hhayi ngetandla temuntfu, ngilo lelidvwala lelabhidlita insimbi, nelitfusi, nelibumba, nesiliva kanye negolide, kwaba ticucu. “Nkulunkulu lomkhulu wembulele inkhosi loko lokutakwenteka kuletikhatsi letitako. Leliphupho liliciniso, nalokuchazwa kwalo kwetsembekile.”

Hoseya 3:5

Emvakwaloko ema-Israyeli ayawuphendvuka afune Simakadze, Nkulunkulu wawo, naDavide, inkhosi yawo. Bayawubuyela batitfobe kuSimakadze nakuto tibusiso taSimakadze ngemalanga ekugcina.

Zakhariya 14:10

Lonkhe live, kusukela eGeba kuye eRimoni, eningizimu neJerusalema, liyawufanana ne-Arabha. Kodvwa iJerusalema iyawuphakanyiswa ihlale isendzaweni yayo, kusukela eSangweni lakaBhenjamini kuye endzaweni yeliSango Lekucala, eSangweni Lasekoneni, nekusukela eMbhoshongweni waHananeli kuye ematjeni enkhosi ekuhluta liwayini.

Zakhariya 14:9

Simakadze uyawuba yinkhosi emhlabeni wonkhe. Ngalelo langa kuyawuba naSimakadze munye, Libito lakhe kube Libito lakhe kuphela.

Zakhariya 8:22

Tive letinyenti netive letinemandla tiyawuta eJerusalema titewufunisisa Simakadze longuSomandla, timncenge.”

Zakhariya 8:3

Naku lokushiwo nguSimakadze, utsi: “Ngiyawubuyela eSiyoni, ngihlale eJerusalema. Lapho-ke iJerusalema sekuyawutsiwa Lidolobha Lekwetsembeka, nentsaba yaSimakadze longuSomandla iyawubitwa ngekutsi yiNtsaba Lengcwele.”

Malakhi 3:12

“Lapho-ke tonkhe tive tiyawutsi nine ningulababusisiwe, ngobe live lenu liyakuba live lelihle,” kusho Simakadze longuSomandla.

Numeri 24:14

“Sengiyancandzeka ngibuyela eveni lakitsi, kodvwa kota lapha ngikutjele kutsi yini letakwentiwa ngulesive kulesive sakho kulamalanga letako.”

Imisebenti yebaPhostoli 2:17

“ ‘Utsi Nkulunkulu: “Naku lengiyawukwenta ngetikhatsi tekugcina: Ngiyakutfululela Moya wami etikwabo bonkhe bantfu. Emadvodzana nemadvodzakati enu ayawuphrofetha, emajaha enu ayawubona imibono, emakhehla ayawuphupha emaphupho.

2 kuThimothi 3:1

Khumbula naku: Emalangeni ekugcina kuyawufika tikhatsi letimatima.

KumaHebheru 1:2

Kodvwa kulamalanga ekugcina sewukhulume kitsi ngeNdvodzana yakhe ladala ngayo umhlaba nako konkhe lokukhona; wayimisa kutsi ibe yindlalifa yako konkhe.

2 yaPhetro 3:3

Kwekucala nje yatini kutsi ngemalanga ekugcina kuyawufika baphukuti labahamba ngetinkhanuko tabo, banihleke bulima,

Sembulo 11:15

Ingilosi yesikhombisa yashaya licilongo layo, kwase kuba nemisindvo lemikhulu kakhulu ezulwini itsi: “Umbuso walomhlaba sengumbuso weNkhosi yetfu, naKhristu wakhe; iyawubusa kuze kube phakadze naphakadze!”

Sembulo 20:4

Ngase ngibona tihlalo tebukhosi, labo bebahleti kuto banikwa emandla ekwehlulela. Ngabona nemiphefumulo yalabo bebancunywe tinhloko ngenca yekufakaza kwabo ngaJesu, nangenca yekushumayela kwabo livi laNkulunkulu. Abazange bavume kusikhonta lesilo nome umfanekiso waso, abazange balwemukela neluphawu lwaso emabuntini abo nasetandleni tabo. Bavuka ekufeni, babusa naKhristu iminyaka leyinkhulungwane.