Isaya 2:19 - Siswati 1996 Bible

¹⁹ Bantfu bayawubalekela emigedzeni yasemadvwaleni, nasemigodzini lesemhlabatsini, babalekele kwesabeka kwaSimakadze nebumengemenge bebukhosi bakhe, nakasukumela kunyakatisa umhlaba.

Isaya 2:19 Referencias Cruzadas

2 Samuweli 22:46

Bonkhe baphelelwa ngemandla, beta bachachatela, baphuma emigedzeni yabo.

Jobe 9:6

Unyikanyisa umhlaba netisekelo tawo, tinsika tawo tichachatele.

Tihlabelelo 7:6

Simakadze! Sukuma ngentfukutselo yakho. Vuka ungimele elulakeni lwetitsa tami. Nkulunkulu wami, vuka ungisite. Nguwe wedvwa lonesehlulelo lesimsulwa.

Isaya 13:13

Ngako-ke emazulu ngiyakuwenta atfutfumele, nemhlaba utanyatanyiswe usuke endzaweni yawo, ngenca yelulaka lwaSimakadze longuSomandla, ngalelo langa lentfukutselo yakhe levutsako.

Isaya 2:10

Hambani niyewungena emadvwaleni, nibhace elutfulini, nibalekele kwesabeka kwaSimakadze nebumengemenge bebukhosi bakhe!

Isaya 2:21

Bayawubalekela emihumeni lesemadvwaleni kanye naseticongweni tetihhehle, babalekela kwesabeka kwaSimakadze nebumengemenge bebukhosi bakhe, nakasukumela kunyakatisa umhlaba.

Isaya 24:1

Bukani la, Simakadze utawubhubhisa umhlaba, awente ube lihlane. Umhlaba utawenta ubhidlike, asakate bonkhe labahlala kuwo.

Isaya 24:18

Lowo lobalekela umsindvo wekwesabisa, uyakuhholokoshela emgodzini; lowo loyawukhuphuka kulomgodzi, uyawubanjwa lugibe. Tivalo temanti emazulwini tivuliwe, tisekelo temhlaba tiyanyikatiswa.

Isaya 24:19

Umhlaba wephukile, umhlaba uchekeke ekhatsi, umhlaba unyakatiswa kakhulu.

Isaya 30:32

Kuyawutsi njalo indvuku yaSimakadze nayehlela e-Asiriya, ngisho loluswati lwakhe lwekujezisa, kuyawuhambisana nekushaywa kwemafahlawane nemahabhu, asalwa nabo emphini ngengalo yakhe lematima.

Isaya 33:10

Simakadze utsi: “Nyalo sengitawusukuma, nyalo sengitawuphakanyiswa, nyalo sengitakwenyuselwa etulu.

Isaya 7:19

Tiyawubuya tonkhe titewubutsana etihosheni letehlelako kanye nasemifantfwini yemadvwala, nasetikwato tonkhe tihlahla temanyeva nasetimbotjeni tonkhe temanti.

Jeremiya 16:16

“Kodvwa nyalo sengitawutfumela badwebi babe banyenti, futsi batababamba baka-Israyeli. Emvakwaloko ngitawutfumela batingeli babe banyenti, batawubatingela yonkhe indzawo, ngisho nasetintsabeni, nasemagcumeni, nasemifantfwini yemadvwala,” kusho Simakadze.

Jeremiya 4:29

Kutsi nakuvakala umsindvo webagibeli bemahhashi nalabanemba ngebutjoki, onkhe emadolobha abaleke. Labanye bantfu babaleka bayewubhaca emahlatsini, labanye bekhwela etulu emadvwaleni. Onkhe emadolobha asele akhala libhungane, kute namunye lohlala kuwo.

Jeremiya 48:28

Shiyani emadolobha enu niyewuhlala emkhatsini wemadvwala, nine lenihlala kaMowabi. Lingisani lituba, lona lakha sidleke salo ekungeneni kwemgedze.

Hezekeli 33:27

“Khuluma kubo, utsi: ‘Naku lokushiwo yiNkhosi Simakadze, itsi: Ngifunga kuphila kwami, labo labasemadzilikelweni bayawubulawa ngenkemba, labo labasemaphandleni ngiyawubanikela etilwaneni tesiganga kutsi tibashwabudzele, kutsi labo labasetinqabeni nasemigedzeni babulawe sifo lesibulalanako.

Hoseya 10:8

Tindzawo letiphakeme tebubi tiyawubhujiswa, leso sono sa-Israyeli. Emanyeva nemitfuma kuyawukhula kumbonye emalati abo. Bayawube sebakhuluma etintsabeni batsi: “Simbonyeni!” nasemagcumeni batsi: “Dzilikelani etikwetfu!”

Mikha 7:17

Tiyawuhuma phansi elutfulini njengetinyoka; tiyawuphuma etinqabeni tato titfutfumela ngenca yekwesaba. Ngekwesaba tiyawugucukela kuSimakadze longuNkulunkulu wetfu.

Nahume 3:11

Nawe-ke, Nineve, utawudzakwa, uhambe uyekubhaca, ufune kukhoseliswa titsa.

Hagayi 2:6

“Naku lokushiwo nguSimakadze longuSomandla, utsi: ‘Kusetakuba sikhashana lesincane futsi ngibuye ngiwanyakatise emazulu, nemhlaba, nelwandle, nelive lelomile.

Hagayi 2:7

Ngitawunyakatisa tonkhe tive, nako konkhe lokulangatelelwa tive tonkhe kutawufika, ngitawugcwalisa lendlu ngenkhatimulo,’ kusho Simakadze longuSomandla.

Lukha 23:30

“Ngaleso sikhatsi bayakutsi etintsabeni: “ ‘Welani etikwetfu!’ Nasemagcumeni batsi: ‘Simbonyeni!’

2 kubaseThesalonika 1:9

Bayawujeziswa ngekubhujiswa kwaphakadze balunyulwe ebukhoneni beNkhosi nasenkhatimulweni yemandla ayo.

KumaHebheru 11:38

Live lalingakabafaneli; bazulazula emahlane, nasetintsabeni, nasemihumeni, nasemigedzeni yemhlaba.

KumaHebheru 12:26

Livi lakhe lanyakatisa umhlaba; kodvwa nyalo sewetsembisile watsi: “Ngitawuphindze nginyakatise, hhayi umhlaba kuphela, kodvwa nelizulu.”

Sembulo 11:13

Ngaso leso sikhatsi kwaba khona kutamatama lokukhulu kwemhlaba, incenye yelishumi yelidolobha yabhidlika. Kwafa bantfu lababeti-7 000 kuloko kutamatama, laba labanye batfutfumela badvumisa Nkulunkulu welizulu.

Sembulo 11:19

Kwavuleka lithempeli laNkulunkulu ezulwini, kwabonakala libhokisi lesivumelwane lingekhatsi kwelithempeli lakhe. Kwaba nemibane, nemisindvo lemikhulu, nekudvuma, nekutamatama kwemhlaba, nesangcotfo lesikhulu.

Sembulo 16:18

Kwaba nebumanyamanya bemibane, nemisindvo lemikhulu, nekudvuma, nekutamatama kwemhlaba lokungazange sekube khona seloku kwadalwa umuntfu; ngempela kwaba kutamatama kwemhlaba lokukhulu kakhulu.

Sembulo 20:11

Ngase ngibona lesikhulu sihlalo sebukhosi lesimhlophe, nalohleti kuso. Lizulu nemhlaba kwambalekela kwanyamalala ebusweni bakhe, akuzange kuphindze kutfolakale ndzawo.

Sembulo 9:6

Kulawo malanga bantfu bayawukufuna kufa, kodvwa bangete bakutfola; bayawufisa kutsi bafe, kodvwa kufa kuyakubabalekela.

1 Samuweli 13:6

Atsi kube emadvodza aka-Israyeli abone kutsi simo sawo sasisibi kakhulu, kantsi futsi abesabandzetelekile, abese abhaca emigedzeni, nasetincumatsini, nasemifantfwini yemadvwala, nasemigodzini, nasemitfonjeni.

1 Samuweli 14:11

Ngako bahamba bobabili, bafike batibonakalisa enkambu yemaFilisti. EmaFilisti atsi: “Ase nibuke! EmaHebheru akhokhotela aphuma emigodzini labebhace kuyo.”