Isaya 2:18 - Siswati 1996 Bible

¹⁸ netithico tiyawunyamalala tiphele nya.

Isaya 2:18 Referencias Cruzadas

Isaya 2:17

Kutiphakamisa kwebantfu kuyakwehliselwa phansi, nekutigcabha kwebantfu kutfotjiswe; Simakadze yena yedvwa uyawuphakanyiswa ngalelo langa,

Isaya 21:9

Asubuke nje, naku kuta umuntfu ugibele incola yakhe yemphi, lenemahhashi laboshelwe ngamabili. Lomuntfu waphendvula watsi: ‘IBhabhulona seyiwile, iwile! Tonkhe titfombe tetithico tayo setibhidlikele phansi emhlabatsini!’ ”

Isaya 27:9

Ngaloku-ke licala lakaJakobe liyawube selihlawulelwe, loku kuyawuba sitselo lesiphelele sekwesulwa kwesono sakhe: Ngesikhatsi enta onkhe emalati ematje, kutsi abe njengematje emcakaco, aphushuke abe timvutfu, kute nayinye insika ya-Ashera nome lilati lemphepho leliyawusala limile.

Isaya 46:1

Beli uyaguca, Nebo uyakhotsama. Titfombe tabo tetfwelwe tilwane tekwetfwala. Letitfombe tabo lababetetfwala setiyasindza, tingumtfwalo kuletilwane letidziniwe.

Jeremiya 10:11

“Batjele naku: ‘Labonkulunkulu labangazange sebalibumbe lizulu nemhlaba, batawubhubha baphele emhlabeni, ngisho nangaphansi kwemazulu.’ ”

Jeremiya 51:18

Atinamsebenti walutfo, tintfo nje tekuhlekisa. Tiyawuphela mhlazana kufika kwehlulelwa kwato.

Hezekeli 30:13

“ ‘Naku lokushiwo yiNkhosi Simakadze, itsi: “ ‘Ngiyawutibhubhisa tithico, ngiticedze tonkhe titfombe eMemfisi. Akusayikuba nambusi eGibhithe, futsi ngiyawusakata kwesaba kulo lonkhe live.

Hezekeli 36:25

Ngiyawunifafata ngemanti lahlobile, bese niyahlanteka; ngiyawunihlanta kuko konkhe kungcola kwenu nakuto tonkhe tithico tenu.

Hezekeli 37:23

Abasayikutingcolisa bona ngetithico tabo nangetitfombe letinengekako, nanganome ngusiphi setono tabo, ngobe ngiyawubasindzisa kuto tonkhe tono tabo tekuhlubuka, ngibageze. Bayakuba bantfu bami, mine ngibe nguNkulunkulu wabo.

Hezekeli 6:6

Nome ngukuphi lapho nihlala khona, emadolobha enu ayawudzilitelwa phansi, asale atindzala, netindzawo letiphakeme tibhidlitwe, kuze emalati enu asale angemabolela, tithico tenu tiyawuphihlitwa tibe tindvundvuma, nemalati enu emphepho adzilitelwe phansi, naloko lenikubumbile kwesulwe kungabikho.

Hoseya 14:8

Awu, Efrayimu, ngisenandzabani netithico? Ngiyawukuphendvula, ngikunakekele. Ngifanana nesihlahla lesiluhlata sesipheshula; kutsela kahle kwakho kuphuma kimi.”

Mikha 1:7

Tonkhe tithico talo letiligugu ngiyakutifohlota tibe ticucu, nako konkhe lokunikwe tingwadla telithempeli kubhujiswe ngemlilo, bese kutsi tonkhe tithico letibatiwe kube libibi lesiganga. Konkhe loku iSamariya ikucokelele ngemali leyitfole ngebugwadla bayo ethempelini, ngako titsa tayo titakwetfwala tikuyise lapho kuyawubhadala bugwadla khona.”

Mikha 5:13

Ngiyawubhidlita tithico takho kanye netinsika tato tematje langcwele. Ungeke uphindze utikhonte letintfo letibatwe nguwe matfupha.

Zefaniya 1:3

“Ngiyawutsanyela bonkhe bantfu netilwane; ngiyawutsanyela tinyoni tasemoyeni kanye netinhlanti taselwandle. Lababi ngiyakubacedza kanye nato tonkhe tikhubekiso, nase ngisusa bonkhe bantfu ebusweni bemhlaba,” kusho Simakadze.

Zefaniya 2:11

Simakadze uyakwesabeka kubo, nase abhubhisa bonkhe bonkulunkulu balelo live. Tive letikulo lonkhe lusentse lwelwandle tiyakumkhonta, nguleso naleso sive eveni laso.

Zakhariya 13:2

“Ngalelo langa ngiyakuwadzingisa emabito etithico kulelive, futsi tingeke tiphindze tikhunjulwe. Baphrofethi nemoya wekungahlanteki kokubili, ngiyawukususa eveni,” kusho Simakadze longuSomandla.