Isaya 2:12 - Siswati 1996 Bible

¹² Simakadze longuSomandla umise lilanga, ulibekele bonkhe labatigcabhako nalabatiphakamisako, nako konkhe lokuphakanyisiwe, kuze kutfotjiswe;

Isaya 2:12 Referencias Cruzadas

2 Samuweli 22:28

Uyabasindzisa labatfobekile, kodvwa emehlo akho akulabatiphakamisako, kuze ubatfobise.

Jobe 24:1

“Somandla akatimisi ngani tikhatsi tekwehlulela? Kwentiwa yini kutsi labo labamatiko bangabi nalo lwati ngetikhatsi takhe?

Tihlabelelo 131:1

Simakadze, inhlitiyo yami ayitigabatisi, nemehlo ami akaphakanyiswa ngumgcabho. Angitilibatisi ngetintfo letibonakala titinkhulu kimi nome letisimangaliso kakhulu kimi.

Tihlabelelo 18:28

Nguwe lowokhela sibane sami, Simakadze, Nkulunkulu wami; ugucula bumnyama bami abente bube kukhanya.

Tihlabelelo 37:13

Kodvwa Simakadze uyamhleka lona lomubi, ngobe uyabona kutsi sekuyamphelela.

Tihlabelelo 94:2

Phakama, Mehluleli wemhlaba, uphindzisele kubemhlaba labatidlako.

Taga 16:5

Umuntfu lotiphakamisako usinengiso kuSimakadze; nome kanjani uyawujeziswa.

Isaya 10:12

Simakadze nase acedzile yonkhe imisebenti yakhe lemelene nentsaba iSiyoni neJerusalema, uyakutsi: “Ngiyakuyijezisa inkhosi yase-Asiriya ngenca yeligcabho layo langemabomu lelisenhlitiyweni yayo nangenca yekutiphakamisa kwayo lokusemehlweni ayo.

Isaya 10:33

Bukani la, iNkhosi Simakadze lenguSomandla iyawujuba emagala ngemandla lamakhulu. Tihlahla letiphakeme tiyawugawulwa, leto letidze tiyawuwiswa phansi.

Isaya 13:11

“Umhlaba ngiyakuwujezisa ngenca yebubi bawo, ngijezise nalababi ngenca yetono tabo. Ngiyakulicedza ligcabho lalabo labatigcabhako, ngikutfobise kutigcabha kwalabo labanelunya.

Isaya 13:6

“Lilani, ngobe lilanga laSimakadze selisondzele, litawufika liyimbhubhiso levela kuSomandla.

Isaya 13:9

Bukani, lilanga laSimakadze liyasondzela, lilanga lelinelulaka, nentfukutselo, nelulaka lolwesabekako; litekwenta live libe lihlane, libuye libhubhise netoni letikulo.

Isaya 14:15

Kodvwa sewehliselwe phansi endzaweni yalabafile, emajukujukwini emgodzi.

Isaya 23:9

NguSimakadze longuSomandla lokuhlelile kutsi entele phansi ligcabho labo bonkhe bukhatikhati, nekutsi atfobise bonkhe labadvumile emhlabeni.

Isaya 24:21

Ngalelo langa Simakadze uyawujezisa tiphatsimandla tasemazulwini etulu, nemakhosi asemhlabeni phansi.

Isaya 24:4

Umhlaba uyoma ubune, live lonkhe liyahhohhobala libune, labaphakeme bemhlaba nabo bayahhohhobala.

Isaya 40:23

Utsatsa tikhulu atente lite, ehlise babusi bakulomhlaba babe lite.

Isaya 42:15

Ngitawucitsa tintsaba nemagcuma, ngomise konkhe lokumila kuto, ngitawugucula imifula ibe tichingi, ngomise emachibi.

Isaya 5:15

Ngako umuntfu uyakwehliselwa phansi, neluntfu lonkhe lutfotjiswe; nemehlo alabanekutigcabha ayawutfotjiswa.

Isaya 61:2

Ungitfume kutsi ngitewumemetela umnyaka wemusa waSimakadze, nelilanga lekuphindzisela kwaNkulunkulu wetfu, nelekudvudvuta bonkhe labalilako,

Jeremiya 12:9

Lifa lami alifanani yini kimi nenyoni yekuhlasela lengemabhadvubhadvu letungeletwa nguletinye tinyoni tekuhlasela? Hambani niyewubutsa tonkhe tilwane tesiganga, nitiletse titewudla.

Jeremiya 13:9

“Naku lokushiwo nguSimakadze, utsi: ‘Ngalokufananako ngitalibhidlita ligcabho lakaJuda kanye neligcabho lelikhulu laseJerusalema.

Jeremiya 30:7

Maye, liyesabeka lelo langa, kute leliyawuse libe njengalo. Kuyawuba sikhatsi senhlupheko kaJakobe, kodvwa uyawusindziswa kuso.

Jeremiya 46:10

Kodvwa lelo langa ngilo lilanga laSimakadze, Simakadze longuSomandla, lilanga lemphindziselo, lekutiphindzisela etitseni takhe. Inkemba itawudla idzimate yesutse, idzimate ikucedze ngekudla ingati koma kwayo. Ngobe Simakadze, Simakadze longuSomandla, utawunikela ngemhlatjelo eveni lasenyakatfo, ngasemfuleni iYufrathe.

Jeremiya 50:31

“Buka la, ngimelene nawe, live lemaBhabhulona, awu, wena lotiphakamisako, ngobe lilanga lakho selifikile, sikhatsi sakho sekutsi ujeziswe,” kusho iNkhosi Simakadze lenguSomandla.

Hezekeli 13:5

Anikenyukeli etulu etikhaleni letiselubondzeni lwendlu yaka-Israyeli, kutsi nitivale khona lutakuma lucine lulungele imphi ngelilanga laSimakadze.

Danyela 4:37

Manje, mine Nebukhadnezari, ngibabata ngiphakamise ngekudvumisa iNkhosi yelizulu, ngobe konkhe lekwentako kulungile, nato tonkhe tindlela tayo tiphelele ngekulunga. Labo labahamba ngekutigcabha, uyakwati kubatfobisa.”

Amose 5:18

Nako kini nine lenifisa lilanga laSimakadze! Nilifiselani lilanga laSimakadze? Lelo langa liyawuba bumnyama, lingabi kukhanya.

Mikha 2:3

Ngako Simakadze utsi: “Ngitanehlisela sehlakalo, futsi kuyawubate loyawuphepha kuso. Niyawutikhandza senisekhatsi elubishini, lapho ningaseyiwuhamba ngekutigabatisa lokungaka.

Mikha 5:11

Ngiyawubhubhisa emadolobha elive lakho, ngidzilite tonkhe tinqaba takho.

Zefaniya 1:16

lilanga lelicilongo nelekuhlaba inyandzaleyo yekumelana nemadolobha latinqaba neyekumelana nemibhoshongo yemakona.

Zefaniya 3:11

Ngalelo langa ungeke udliwe ngemahloni ngako konkhe lokubi lokwentile kimi, ngobe kulelidolobha ngiyawubesusa labo labajabula ngeligcabho labo. Ungeke uphindze utigcabhe etikwaleligcuma lami lelingcwele.

Malakhi 4:1

“Impela lilanga liyeta; liyawushisa njengemlilo lowesabekako nalohhumako. Bonkhe labatigcabhako bangangihloniphi nalabenta lokubi bayawuba tinhlanga, lelo langa lelitako liyawubalumekela ngemlilo,” kusho Simakadze longuSomandla. “Kute imphandze nome ligala leliyawusala kubo.

Malakhi 4:5

“Bukani la, ngiyawunitfumelela umphrofethi Elija, lingakefiki lelo langa lelikhulu nalelesabekako laSimakadze.

Matewu 23:12

Ngobe wonkhe umuntfu lotiphakamisako uyawutfotjiswa, nalotitfobako uyawuphakanyiswa.”

Lukha 14:11

Ngobe wonkhe umuntfu lotiphakamisako uyawutfotjiswa, nalotitfobako uyawuphakanyiswa.”

1 kubaseKorinthe 5:5

lowo muntfu mnikeleni kuSathane ekufeni kwemtimba wakhe, khona kuyawusindziswa umoya wakhe ngelilanga leNkhosi Jesu.

1 kubaseThesalonika 5:2

Ngobe nine ngekwenu nati kahle kamhlophe kutsi lilanga leNkhosi liyawufika, njengelisela lifika ebusuku.

YaJakobe 4:6

Kodvwa Nkulunkulu wephana ngemusa lomkhulu, ngako umBhalo utsi: “Nkulunkulu umelana nalabatigcabhako, kepha labatfobekile ubapha umusa.”