Isaya 19:6 - Siswati 1996 Bible

⁶ Imisele yemanti iyawunuka luvundze, yebo, imifula yonkhe yaseGibhithe iyawubotja yome. Umhlanga nelikhwane kuyawubuna,

Isaya 19:6 Referencias Cruzadas

Genesisi 41:2

Wabona tinkhomati letisikhombisa letatibukeka kahle tikhuluphele tichamuka, tikhuphuka emfuleni, tefike tadla emhlangeni.

2 Emakhosi 19:24

Ngimbe imitfombo emaveni etive, nganatsa nemanti ayo khona lapho. Ngetitsendze tetinyawo tami ngomise yonkhe imifula yaseGibhithe.”

Jobe 8:11

Sitfombo sephaphira singakhula yini sibe sidze, nasingakamili echaphotini? Umhlanga wona ungakhula yini, nakute emanti?

Jobe 8:12

Kutsi kusakhula kahle kungakagawulwa nangumuntfu, bese kusheshe kuyabuna kwendlula ngisho tjani imbala.

Eksodusi 2:3

Kodvwa lwatsi kube lufike esigabeni sekungafihleki, wase ulufaka esitjeni lesaselukwe ngelikhwane, wasihuca ngalokusalibumba nangelitiyela, kuze singangenwa ngemanti. Walufaka ekhatsi loluswane, wase ulubeka emhlangeni elusentseni lwemfula iNayili.

Eksodusi 7:18

Tonkhe tinhlanti titakufa, bese lomfula unuka luvundze kangangobe emaGibhithe atakwehluleka ngisho nekunatsa emanti awo.’ ”

Isaya 15:6

Emanti aseNimrimu omile, netjani bubunile; lokumilako sekuphele konkhe, sekute lokuluhlata lokusasele.

Isaya 18:2

lelitfumela titfunywa ngelwandle, tintante ngetikebhe temhlanga etikwemanti, ngitsi: “Hambani masinyane, mancusa lanematubane, nibuyele esiveni sakini lesibantfu baso babadze, kantsi banesikhumba semtimba lesibusheleleti, sive lesesatjwa kuyo yonkhe indzawo, sive lesineluchweba nelulwimi lolungatiwa, sive lesilive laso lehlukaniswe ngimifula.

Isaya 37:25

Ngimbe imitfombo emaveni etive, nganatsa nemanti ayo khona lapho. Ngetitsendze tetinyawo tami ngomise yonkhe imifula yaseGibhithe.’

Nahume 3:8

Wena Nineve, uncono yini kuneThebesi, lekuyindlunkhulu yaseGibhithe, letungeletwe ngemanti? Lawo manti bekulubondza lwayo.