Isaya 19:2 - Siswati 1996 Bible

² “Ngitawuchukuluta umGibhithe avukele umGibhithe, umnakabo uyakulwa nemnakabo, makhelwane acabane namakhelwane, lidolobha lihlasele lidolobha, umbuso uvukele umbuso.

Isaya 19:2 Referencias Cruzadas

1 Emakhosi 16:21

Sive saka-Israyeli sase sehlukana ekhatsi, labanye bema ngakuThibni, umsa waGinathi, kutsi nguye inkhosi, labanye bema ngaku-Omri.

2 Tikhronike 15:6

Leso naleso sive sasincotjwa ngulesinye sive, lidolobha lincotjwe ngulelinye, ngobe Nkulunkulu abebahlupha ngato tonkhe tinhlobo tetinhlupheko.

Isaya 3:5

Bantfu bayawucindzetelana, umuntfu acindzetele lomunye, makhelwane acindzetele makhelwane. Labasha bayawuvukela labadzala, bantfu phaca bavukele lababaphetse.

Isaya 9:21

bakaManase bayawutondla ngebaka-Efrayimu, nebaka-Efrayimu batondle ngebakaManase, bonkhe bayawugucukela bakaJuda. Noko ngako konkhe loku, lulaka lwakhe alukagucuki, sandla sakhe sisephakeme.

Jeremiya 46:12

Tive tiyawuva ngelihlazo lakho, kukhala kwakho kuyawugcwalisa wonkhe umhlaba. Ingwazi lenye iyawugilwa ngulenye, tikhubatele tiwe tonkhe kanyekanye.”

Jeremiya 51:46

Ningajabhi, futsi ningesabi, nakuvakala emahemuhemu eveni. Lenye indzaba itawufika lonyaka, lenye ifike nyakenye, emahemuhemu ebudlwangudlwangu eveni, newembusi lovukela umbusi.

Hezekeli 38:21

Ngiyawumbitela inkemba Gogi, imelane naye kuto tonkhe tintsaba tami. Inkemba yalowo nalowo muntfu iyawumelana nemnakabo, kusho iNkhosi Simakadze.

Zakhariya 8:10

Ngaphambili kwalawo malanga kwakute inkhokhelo yebantfu nome yetilwane. Kute namunye labengaphuma angene ngenca yesitsa sakhe, ngobe ngagucula wonkhe umuntfu kutsi emelane namakhelwane wakhe.

Matewu 10:21

“Kepha umuntfu uyawunikela umnakabo ekufeni, neyise umntfwanakhe; bantfwana bayawuvukela batali babo babanikele ekufeni.

Matewu 10:36

Titsa letinkhulu temuntfu kuyawuba bakabo.

Matewu 12:25

Kepha Jesu ayati imicabango yabo, watsi kubo: “Wonkhe umbuso lowehlukene ekhatsi, uyacitseka. Kute lidolobha nome likhaya lelingema nalehlukene ekhatsi.

Matewu 24:7

Ngobe sive siyawuvukela lesinye sive, nembuso uyawuvukela lomunye umbuso. Kuyawuba khona tindlala nekutamatama kwemhlaba tindzawo ngetindzawo.

Makho 3:24

Nangabe umbuso wehlukene ekhatsi, lowo mbuso ngeke ume.

Tikhulu 7:22

Atsi kube lamacilongo langema-300 akhale, Simakadze wasanganisa onkhe lawo madvodza labekuleyo nkambu yemaMidiyani, agucukelana odvwana, agwazana. Imphi yonkhe yesuka yabaleka yacondza eBhethi Shitha kuya eSerera, kuze kuyewufika emnyeleni we-Abela Mehola, eceleni kweThabhathi.

Tikhulu 9:23

Nkulunkulu watfumela umoya lomubi emkhatsini wa-Abimeleki nesive saseShekhemu, savuka indlwabane, savukela Abimeleki.

1 Samuweli 14:16

Tinhloli takaSawula tatsi tiyabuka tiseseGibeya kulakaBhenjamini, tabona emabutfo emaFilisti asakateka yonkhe indzawo.

1 Samuweli 14:20

Sawula nawo onkhe emadvodza akhe bahlangana, baviva, baya emphini. Bakhandza emaFilisti asasangene, agwazana odvwana ngetikhali tawo.