Isaya 19:1 - Siswati 1996 Bible

¹ Livi lesembulo lelimacondzana nelive laseGibhithe: Buka la, Simakadze ugibela lifu leligijima kakhulu, ubange kulaseGibhithe. Tithico taseGibhithe tiyawutfutfumela embikwakhe, netinhlitiyo tebantfu baseGibhithe tiyancibilika ngekhatsi kwabo.

Isaya 19:1 Referencias Cruzadas

Tihlabelelo 104:3

indlu yakho yebukhosi, uyakhe etikwemanti lasetulu. Emafu lamnyama lahlomile ayincola yakho, ugibele emaphiko emoya.

Tihlabelelo 104:34

Shangatsi kuzindla kwami kungamjabulisa, ngiyawutfokota kuSimakadze.

Tihlabelelo 18:9

Wabhobosa emazulu, wehlela phansi. Emafu lamnyama abengaphansi kwetinyawo takhe.

Tihlabelelo 68:4

Hlabelani kuNkulunkulu, nidvumise libito lakhe. Nimlungiselele umgwaco, yena lodzabula ematsafa elugwadvule; nguSimakadze libito lakhe, nihlabele ngenjabulo embikwakhe!

Eksodusi 12:12

“Ngalobo busuku ngiyawuhamba ngidzabule emkhatsini welive laseGibhithe ngishaye onkhe ematubulo lamadvuna aseGibhithe ebantfu newetifuyo, ngehlulele tonkhe tithico taseGibhithe; nginguSimakadze!

Isaya 13:1

Leli livi lesembulo ngeBhabhulona, lelefika ku-Isaya, umsa wa-Amose, ngembono:

Isaya 13:7

Ngenca yaloko, tonkhe tandla tiyawujikita, inhlitiyo yabo bonkhe bantfu iphelelwe ngemandla,

Isaya 19:16

Ngalelo langa baseGibhithe bayawuba njengebafati. Bayawutfutfumela ngenca yekwesaba ingalo yaSimakadze longuSomandla leyawube iphakanyiselwe kumelana nabo.

Isaya 21:9

Asubuke nje, naku kuta umuntfu ugibele incola yakhe yemphi, lenemahhashi laboshelwe ngamabili. Lomuntfu waphendvula watsi: ‘IBhabhulona seyiwile, iwile! Tonkhe titfombe tetithico tayo setibhidlikele phansi emhlabatsini!’ ”

Jeremiya 25:19

Faro, inkhosi yaseGibhithe, netinceku takhe, netiphatsimandla takhe kanye nabo bonkhe bantfu bakhe,

Jeremiya 4:13

Bukelani, usondzela ukhephuka njengemafu, tincola takhe temphi tiyayalutela njengesiwunguwungwana, emahhashi akhe agijima kwendlula tinsweti.

Jeremiya 44:8

Ningicunulelani ningitfukutselise ngaloko lokwentiwe tandla tenu, nangekutfuncisa imphepho kulabanye bonkulunkulu baseGibhithe, lapho nitewuhlala khona? Nitatibhubhisa nine, nitente nibe yintfo yekucalekisa nelihlazo etiveni tonkhe temhlaba.

Jeremiya 50:2

“Memetelani nikhulume emkhatsini webetive, phakamisani siboniso semphi, nimemetele, ningafihli lutfo, kodvwa tsanini: ‘IBhabhulona itawutfunjwa, Bheli utawuhlazeka, Maduki yena agcwale kwesaba. Titfombe tayo tiyawuhlazeka netithico tayo tigcwale kwesaba.’

Jeremiya 51:44

Ngiyakumjezisa Bheli eBhabhulona, ngimente akuhlantele phansi konkhe loko lakumitile. Tive atisayikubekelela tiye kuye, nelubondza lwaseBhabhulona luyakuwa.

Hezekeli 30:13

“ ‘Naku lokushiwo yiNkhosi Simakadze, itsi: “ ‘Ngiyawutibhubhisa tithico, ngiticedze tonkhe titfombe eMemfisi. Akusayikuba nambusi eGibhithe, futsi ngiyawusakata kwesaba kulo lonkhe live.

Joweli 3:19

Kodvwa iGibhithe iyawuphundleka ibe lihlane, i-Edomu ibe lihlane lelingenalutfo, ngenca yebudlova lobentiwe esiveni sakaJuda, eveni labacitsa kulo ingati lengenacala.

Nahume 1:1

Leli livi lesembulo macondzana neNineve, yincwadzi yembono waNahume wase-Elkhoshi.

Nahume 1:3

Simakadze akasheshi atfukutsele, kodvwa unemandla lamakhulu. Simakadze angeke ahlale angabajezisi labanelicala. Indlela yakhe isesiwunguwungwini nasesivunguvungwini; emafu alutfuli lwetinyawo takhe.

Zakhariya 10:11

Bayakwendlula elwandle lwetinhlupheko, lwandle loludlondlobele luyawubindziswa, nako konkhe kujula kweNayili kuyawukoma. Kutigcabha kwase-Asiriya kuyawudzilitwa, nendvuku yebukhosi yaseGibhithe iyawunyamalala.

Zakhariya 14:18

Nangabe emaGibhithe akenyuki kuyawuhlanganyela, nawo ayawubate imvula. Simakadze uyakwehlisela etikwabo leso sishayo lashaya ngaso tive letingenyuki kuyewugubha uMkhosi Wemadlangala.

Numeri 33:4

EmaGibhithe abengcwaba ematubulo awo onkhe labeshaywe nguSimakadze emkhatsini wawo; ngobe Simakadze abebehlulele bonkhe bonkulunkulu bawo.

Dutheronomi 33:26

“Kute lonjengaNkulunkulu, Jeshuruni, logibela emazulu kuze atewusita wena, agibele nemafu ngebukhosi bakhe.

Joshuwa 2:11

Satsi kube sikuve loko, tinhlitiyo tetfu tashona phansi, kwabate namunye lowasala anesibindzi emkhatsini wetfu ngenca yenu, ngobe Simakadze Nkulunkulu wenu nguye longuNkulunkulu ezulwini etulu, nasemhlabeni phansi.

Joshuwa 2:24

Letinhloli takhuluma kuJoshuwa, tatsi: “Ngempela Simakadze lonkhe lelive ulinikele etandleni tetfu; bonkhe bantfu bakulelive bayatfutfumela ngatsi.”

Joshuwa 2:9

wafike wakhuluma kuto, watsi: “Ngiyati kutsi Simakadze uniphe lelive. Sonkhe sehlelwe kwesaba lokukhulu ngani, kantsi futsi tonkhe tive letakhile kulelive setingenwe ngemanti emadvolweni, ngenca yekwesaba nine.

Sembulo 1:7

Lalelani la, uyeta ngemafu, onkhe emehlo ayawumbona, ngisho nabo bonkhe labamgwaza, nato tonkhe tive temhlaba tiyawukhala tilile ngaye. Yebo, akube njalo. Amen.