Isaya 18:4 - Siswati 1996 Bible

⁴ Naku lokushiwo nguSimakadze kimi: ‘Ngitawuhlala nje ngithule, ngibuke nje ngisendzaweni yami yekuhlala, nakuphakama sivuvu ekushiseni kwelilanga, yebo, sivuvu sematolo lakhuntsisa sivuno.’

Isaya 18:4 Referencias Cruzadas

2 Samuweli 23:4

ufanana nekukhanya kwekusa nakuphuma lilanga, lakute khona emafu; unjengekukhanya emvakwemvula lokumilisa tjani emhlabatsini.’

2 Tikhronike 6:21

Vani kuncusa kwenceku yakho kanye nekwesive sakho, ema-Israyeli, nasithandaza sibheke kulendzawo. Vani usetulu ezulwini, indzawo yakho yekuhlala, ubotsi ungeva, bese uyatsetselela.

Tihlabelelo 72:6

Shangatsi inkhosi ungayenta ibe njengemvula nayehlela emadlelweni, nanjengemvula nayinisela umhlabatsi.

Taga 19:12

Intfukutselo yenkhosi ifanana nekubhodla kwelibhubesi; kodvwa umusa wayo ufanana nematfonsi emvula.

Isaya 12:6

Memetani kakhulu, nihlabele ngenjabulo, nine bantfu baseSiyoni, ngobe mkhulu lowo Longcwele waka-Israyeli losemkhatsini wenu.”

Isaya 14:32

“Sitawuphendvula sitsini kuletitfunywa letiphuma kulesive? Sitawusho, sitsi: Simakadze sewuyakhile yatinta iSiyoni, ngulapho sive sakhe lebesihlushwa sitawuphephela khona.”

Isaya 18:7

Ngaleso sikhatsi tipho tiyakwetfulwa kuSimakadze longuSomandla, letiphuma esiveni lesibantfu baso babadze, kantsi banesikhumba semtimba lesibusheleleti, sive lesesatjwa kuyo yonkhe indzawo, sive lesineluchweba nelulwimi lolungatiwa, sive lesilive laso lehlukaniswe ngimifula. Letipho tiyawumikiswa entsabeni iSiyoni, indzawo yeLibito laSimakadze longuSomandla.

Isaya 26:19

Kodvwa labafile bakho bayawuphila; imitimba yabo iyawuvuka. Nine lenihleti elutfulini lwemhlaba, vukani nimemete ngenjabulo. Ematolo akho anjengematolo asekuseni laphilisako, umhlaba uyawubakhipha labafile bawo.

Isaya 26:21

Bukani, Simakadze uphumela ngephandle kwendzawo yakhe yekuhlala, utewujezisa tive temhlaba ngenca yetono tato. Umhlaba utawuveta ebaleni yonkhe ingati leyacitsekela kuwo, lababulewe kuwo ungeke usabafihla.

Isaya 31:9

Inqaba yawo iyawudzilika ngenca yekwesaba, netindvuna tawo tiyawutfutfumela kakhulu ekubonakaleni kwesiboniso semphi,” usho Simakadze, lomlilo wakhe useSiyoni, nembutfuma yakhe yemlilo iseJerusalema.

Isaya 46:13

Ngisondzeta kulunga kwami edvutane, akusekho khashane, nekusindzisa kwami kungeke kwephute. Ngitawupha iSiyoni insindziso, nenkhatimulo yami kuma-Israyeli.”

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Hoseya 14:5

Ngiyawufanana nematolo ku-Israyeli; uyawuchakaza njengembali. Njengemsedari waseLebanoni uyawutishonisa phansi timphandze takhe;

Hoseya 5:15

Ngiyawube sengibuyela endzaweni yami, baze balivume licala labo. Bayawufuna buso bami; baseselusizini lwabo bayawungifunisisa.”

Joweli 3:17

“Niyawube seniyati-ke kutsi: Mine, Simakadze, Nkulunkulu wenu, ngihlala eSiyoni, intsaba yami lengcwele. IJerusalema iyawuba ngcwele, kute betive labayawuphindze bayihlasele.

Amose 3:7

Ngempela iNkhosi Simakadze kute lekwentako ingakayembuli inhloso yayo etincekwini tayo, baphrofethi.