Isaya 18:2 - Siswati 1996 Bible

² lelitfumela titfunywa ngelwandle, tintante ngetikebhe temhlanga etikwemanti, ngitsi: “Hambani masinyane, mancusa lanematubane, nibuyele esiveni sakini lesibantfu baso babadze, kantsi banesikhumba semtimba lesibusheleleti, sive lesesatjwa kuyo yonkhe indzawo, sive lesineluchweba nelulwimi lolungatiwa, sive lesilive laso lehlukaniswe ngimifula.

Isaya 18:2 Referencias Cruzadas

2 Tikhronike 14:9

Zera, umKushe, waviva ngembutfo lomkhulu wayawubahlasela kanye netincola temphi letingema-300, beta baze befika eMaresha.

2 Tikhronike 16:8

EmaKushe nemaLibhiya abengesiyo yini imphi lenemandla nalenetincola letinyenti nebagibeli bemahhashi labanyenti? Noko watsi kube wetsembele kuSimakadze, Simakadze wase ubanikela esandleni sakho.

Jobe 9:26

Endlula ngelihubo njengemikhumbi yetitfombo tephaphira, nanjengelusweti lusukela kudla kwalo lokuphansi luphatima njengembane.

Eksodusi 2:3

Kodvwa lwatsi kube lufike esigabeni sekungafihleki, wase ulufaka esitjeni lesaselukwe ngelikhwane, wasihuca ngalokusalibumba nangelitiyela, kuze singangenwa ngemanti. Walufaka ekhatsi loluswane, wase ulubeka emhlangeni elusentseni lwemfula iNayili.

Isaya 18:7

Ngaleso sikhatsi tipho tiyakwetfulwa kuSimakadze longuSomandla, letiphuma esiveni lesibantfu baso babadze, kantsi banesikhumba semtimba lesibusheleleti, sive lesesatjwa kuyo yonkhe indzawo, sive lesineluchweba nelulwimi lolungatiwa, sive lesilive laso lehlukaniswe ngimifula. Letipho tiyawumikiswa entsabeni iSiyoni, indzawo yeLibito laSimakadze longuSomandla.

Jeremiya 49:14

Ngive umlayeto lovela kuSimakadze. Kwatfunyelwa emancusa etiveni atewutsi: “Hlanganani niteyihlasela! Sukumelani imphi!”

Hezekeli 30:9

“ ‘Ngalelo langa kuyawuphuma titfunywa kimi, tiphume ngemikhumbi tiyekwesabisa baseKushe, kuze baphelelwe kutamasa kwabo. Bayakwehlelwa kwesaba lokukhulu, mhlazana baseGibhithe behlelwa sehlakalo, ngobe ngempela siyawufika.

Obadiya 1:1

Umbono wa-Obadiya: Loku ngulokwakhulunywa yiNkhosi Simakadze ngesive saka-Edomu: Sivile livi leliphuma kuSimakadze. Utfumele lincusa lakhe etiveni, watsi: “Sukumani, sambe siyekulwa na-Edomu.”

Habakhuki 1:7

Basive lesesatjwako nalesitfutfunyelelwako, bona bangumtsetfo wabo cobo lwabo, batibabatela bona ludvumo lwabo.

Lukha 10:19

Bukani la! Ngininike emandla ekunyatsela tinyoka, nabofecela, nemandla ekuncoba sitsa; kute lokuyawunilimata.