Isaya 17:8 - Siswati 1996 Bible

⁸ Bangeke basabuka emalatini, lekungimisebenti yetandla tabo, futsi bangeke basatihlupha ngekunaka tinsika ta-Ashera nemalati emphepho labentiwa ngimino yabo.

Isaya 17:8 Referencias Cruzadas

2 Samuweli 22:42

Bakhala bacela lusito, kodvwa kwabate lobasindzisako. Bahlaba inyandzaleyo kuSimakadze, kodvwa akazange abaphendvule.

2 Tikhronike 14:5

Wesusa tindzawo letiphakeme nemalati emphepho kuwo onkhe emadolobha akaJuda, nembuso waba nekuthula ngesikhatsi kusabusa yena.

2 Tikhronike 31:1

Kwatsi kube kuphele konkhe loko, ema-Israyeli labekhona lapho aphumela kuwo onkhe emadolobha akaJuda, abhidlita ematje lekwakutsiwa angcwele, agawula naletinsika ta-Ashera, atilahla phansi. Abhubhisa naletindzawo letiphakeme tekukhontela tithico kanye nemalati kulo lonkhe lakaJuda nelakaBhenjamini, nelaka-Efrayimu kanye nelakaManase. Kwatsi nase bakubhubhise konkhe loko baka-Israyeli, base babuyela bonkhe emadolobheni abo nasemafeni abo.

2 Tikhronike 34:4

Ngekuyala kwakhe emalati aboBhali abhidlitwa, wagawula nalamalati ekutfuncisela timphepho labesetikwawo, wawajuba aba ticucu, wabhidlita naletinsika ta-Ashera, netithico, netitfombe. Loko wakubhidlita kwaba timvutfu, wakusakatela emadlizeni alabo labebahlabela kuwo imihlatjelo.

Eksodusi 34:13

Emalati abo nibowabhidlita, nephule tinsika tawo tematje, nibhidlite konkhe kwalo-Ashera longunkulunkulukati wabo.

Isaya 1:29

“Niyakudliwa ngemahloni ngenca yema-okhi latithico, lese nitijabulise ngawo; niyawuhlazeka ngenca yetingadze tekukhontela tithico, lese nitikhetsile.

Isaya 10:20

Ngalelo langa insali yaka-Israyeli, ngisho labo labasasele bendlu yakaJakobe, bangeke basetsembela kuye lowo lowabashaya balahleka phansi; kodvwa bayakwetsembela ngeliciniso kuSimakadze, Longcwele waka-Israyeli.

Isaya 17:9

Ngalelo langa emadolobha abo latinqaba, lababewashiyiswe ngema-Israyeli, ayawufanana netindzawo lesetishiyelwe tinchachabutane nemitfuma. Onkhe ayawubate bantfu.

Isaya 2:8

Live labo ligcwele tithico; bakhotsamela umsebenti wetandla tabo, loko lokwentiwe ngemino yabo.

Isaya 27:9

Ngaloku-ke licala lakaJakobe liyawube selihlawulelwe, loku kuyawuba sitselo lesiphelele sekwesulwa kwesono sakhe: Ngesikhatsi enta onkhe emalati ematje, kutsi abe njengematje emcakaco, aphushuke abe timvutfu, kute nayinye insika ya-Ashera nome lilati lemphepho leliyawusala limile.

Isaya 30:22

Niyawube seniyatedzelela letithico tenu letembeswe ngesiliva, naletitfombe tenu letimbonywe ngegolide, niyakutilahla khashane, kube shangatsi tidvwedvwe letingcolile, nitsi kuto: “Sukani la.”

Isaya 37:19

Bajikijele bonkulunkulu bato emlilweni, bababhubhisa, ngobe bebangesibo bonkulunkulu sibili, bekutingodvo nje nematje labatwe tandla tebantfu.

Isaya 41:29

Bukani la, bonkhe balite! Tento tabo tilite; titfombe tabo tingumoya nesiphitsiphitsi.”

Isaya 44:15

Umuntfu ukusebentisa ekubaseni umlilo; lokunye kwako akutsatse atifutfumete ngako, ubasa umlilo apheke sinkhwa. Kodvwa uphindze abate nkulunkulu wakhe, bese uyamkhonta; wenta sithico, bese ukhotsama kuso.

Jeremiya 17:2

Ngisho nebantfwababo bakhumbula emalati abo netinsika tabo-Ashera, eceleni kwetihlahla letendlala emagala ato, nasemagcumeni laphakeme,

Hezekeli 36:25

Ngiyawunifafata ngemanti lahlobile, bese niyahlanteka; ngiyawunihlanta kuko konkhe kungcola kwenu nakuto tonkhe tithico tenu.

Hoseya 14:8

Awu, Efrayimu, ngisenandzabani netithico? Ngiyawukuphendvula, ngikunakekele. Ngifanana nesihlahla lesiluhlata sesipheshula; kutsela kahle kwakho kuphuma kimi.”

Hoseya 14:9

Ngubani lohlakaniphile? Uyawutibona letintfo. Ngubani lokwati kubona tintfo letifihlakele? Utaticondza kahle letintfo. Tindlela taSimakadze tilungile, labalungile bahamba ngato, kodvwa labahlubukako bayakhubeka kuto.

Zefaniya 1:3

“Ngiyawutsanyela bonkhe bantfu netilwane; ngiyawutsanyela tinyoni tasemoyeni kanye netinhlanti taselwandle. Lababi ngiyakubacedza kanye nato tonkhe tikhubekiso, nase ngisusa bonkhe bantfu ebusweni bemhlaba,” kusho Simakadze.

Zakhariya 13:2

“Ngalelo langa ngiyakuwadzingisa emabito etithico kulelive, futsi tingeke tiphindze tikhunjulwe. Baphrofethi nemoya wekungahlanteki kokubili, ngiyawukususa eveni,” kusho Simakadze longuSomandla.

Dutheronomi 7:5

Naku-ke lenitakwenta kuto: Bhidlitani emalati ato, nephule netinsikamatje tato lekutsiwa tingcwele, nijube tinsika tato tabo-Ashera losithicokati sabo, nishise netithico tato ngemlilo.