Isaya 17:13 - Siswati 1996 Bible

¹³ Naloku tive tihokoma njengekuhokoma kwemabhudlo emanti, Nkulunkulu nakabatsetsisa, babaleka baye khashane, bapheshulwe emoyeni njengemakhoba, nakaphephuka etulu emagcumeni, nanjengelukhula loluzushuniwe, nalukhukhulwa sihhuhhula semoya.

Isaya 17:13 Referencias Cruzadas

Jobe 21:18

Kukangakhi bafanana netinhlanga emoyeni, babe njengemakhoba lapheshulwa sivunguvungu?

Jobe 38:11

ngesikhatsi ngitsi: ‘Ungahamba ugcine lapha, ungabe usachubekela embili, emagagasi akho latigcabhako atawugcina lapha’?

Tihlabelelo 1:4

Lababi-ke bona abanjalo, banjengemakhoba wona lapheshulwa ngumoya.

Tihlabelelo 35:5

Ababe njengemakhoba wona apheshulwa ngumoya, ingilosi yaSimakadze isabadvungulula.

Tihlabelelo 65:7

Ubindzisa kudvuma kwetilwandle, uthulise kugubha nekuhlokoma kwemagagasi, ubindzise siphitsiphitsi lesicokotelisa tive.

Tihlabelelo 65:8

Ngako bonkhe bantfu emhlabeni wonkhe bayawutfutfumela ngenca yetibonakaliso takho; tento takho tiletse kujabula lokukhulu, emini nasebusuku, emhlabeni wonkhe jikelele.

Tihlabelelo 9:5

Emahedeni uwatsetsisile, lababi wababhubhisa, wesula libito labo phakadze naphakadze.

Isaya 14:25

Ema-Asiriya ngitakuwapitjita eveni lami, ngiwagcobagcobele etintsabeni tami. Lelijoko lawo belibekwe etikwesive sami litawususwa etikwaso; nalomtfwalo besetfweswe wona utakwetfulwa ususwe etikwaso.

Isaya 21:15

Babalekela tinkemba, yebo, tinkemba letiphakanyisiwe, nebutjoki lobucishiwe, nekushisa kwemphi.

Isaya 22:18

Utakugicita kamatima njengebhola, akujikijele eveni lelikhulu. Ngulapho-ke uyawufela khona, lapho tincola takho letinhle tiyawusala khona, wena hlazo lendlu yenkhosi yakho!

Isaya 27:1

Ngalelo langa Simakadze uyawujezisa ngenkemba yakhe leyesabekako, lenkhulu nalenemandla lamakhulu, uyawujezisa Leviyathani, inyoka lenyelelako, yebo, Leviyathani, inyoka letibutsako; yena uyawubulala silo saselwandle.

Isaya 29:5

Kodvwa titsa takho letinyenti titawuba njengelutfuli lwemhlabatsi, leticumbi tebantfu labanelunya tiyawuba njengemakhoba lapheshulwa ngumoya. Ngekushesha, ngekuphatima kweliso

Isaya 30:28

Kuphefumula kwakhe kunjengesikhukhula semanti lesigeletako, nasikhuphuka size sifike ngasentsanyeni. Unyakatisa tive esisefeni sakhe sembhubhiso; ubeka emihlatsini yebantfu litomu lekubaholela ekwedukeni.

Isaya 34:17

Ukunika tabelo tako ngenkatho, sandla sakhe siyakwabela live njengekwesilinganiso, seliyawuba lako kokuphela, kuhlale khona situkulwane ngesitukulwane.

Isaya 40:15

Buka, tive tifanana nelitfonsi embiteni, titsatfwa njengelutfuli esikalweni; ukala tichingi kube shangatsi tilutfuli lolucolisakele.

Isaya 40:24

Batsi basengakahlanyelwa, basengakatjalwa nekutjalwa, basengakasimi ngisho nasemhlabatsini, bese uyabaphuphutsa, babune, kutsi umoya losiwunguwungwane ubaphephule, ubalahle khashane njengemakhoba.

Isaya 41:11

“Bonkhe labakubhavumulelako, impela, bayakudliwa ngemahloni, bahlazeke; labo labemelene nawe bayawuba lite, babhubhe baphele.

Isaya 8:7

ngako-ke Simakadze sewutakwehlisela etikwaso sikhukhula semanti lanemandla emfula iYufrathe, yinkhosi yase-Asiriya nabo bonkhe bukhosi bayo. Lomfula uyawugcwala uphuphume kuyo yonkhe imifula yakhona, netihoshana takhona, ugole tintsetse,

Danyela 2:35

Lensimbi, nalelibumba, nalelitfusi, nalesiliva, nalegolide kwabhidlika kwaba ticucu ngasikhatsi sinye, kwaze kwafanana nemakhoba lasebaleni lekubhula ehlobo. Umoya wakuphephula konkhe, kwangete kwasala lutfo. Kodvwa lelidvwala lelalishaye lesitfombe lakhula laba yintsaba lenkhulu, lagcwala wonkhe umhlaba.

Hoseya 13:3

Ngako-ke bayawufanana nenkhungu yasekuseni, babe njengematolo asekuseni lanyamalalako, bafanane nemakhoba laphephuka ebaleni lekubhula, babe njengentfutfu lephuma ngelifasitelo ibaleke.

Zefaniya 2:2

sikhatsi lesibekiwe sisengakefiki nisengakapheshulwa njengemakhoba, lusengakehleli etikwenu lulaka lwaSimakadze lolwesabekako, lisengakefiki lilanga lelulaka lwaSimakadze etikwenu.