Isaya 17:10 - Siswati 1996 Bible

¹⁰ Umkhohliwe Nkulunkulu uMsindzisi wakho; awukalikhumbuli lidvwala lelisiphephelo sakho. Ngako-ke nome ungahlanyelela tithico takho titfombo letinhle kakhulu, uhlanyele tivini letiphuma kulamanye emave,

Isaya 17:10 Referencias Cruzadas

1 Tikhronike 16:35

Khalani kuye nitsi: ‘Sisindzise, Nkulunkulu longuMsindzisi wetfu, sibutse usikhulule etiveni, kuze sibonge Libito lakho lelingcwele, kuze sigungubale ngeludvumo lwakho.’

Tihlabelelo 106:13

Kodvwa basheshe bayikhohlwa imisebenti yakhe, abazange basatilindzela teluleko takhe.

Tihlabelelo 106:21

Bamkhohlwa Nkulunkulu, uMsindzisi wabo, labebentele tintfo letinkhulu eGibhithe,

Tihlabelelo 18:2

Simakadze, ulidvwala lami, nenqaba yami, neMkhululi wami. Nkulunkulu wami, ulidvwala lami lengiphephela kulo. Usihlangu sami sekungivikela nemandla ensindziso yami. Yena ungumgedze wami wekubhaca.

Tihlabelelo 31:2

Sondzeta indlebe yakho, ungephule ngekushesha, bani lidvwala lesiphephelo sami nenqaba yekungisindzisa.

Tihlabelelo 65:5

Usiphendvule ngemisebenti lemangalisako, wena Sokulunga; wena unguNkulunkulu wensindziso yetfu. Bonkhe bantfu emhlabeni wonkhe, nangesheya kwetilwandle, betsembele kuwe.

Tihlabelelo 79:9

Sisite, Nkulunkulu wensindziso yetfu, sisite ngenca yenkhatimulo yelibito lakho, sihlenge usitsetselele tono tetfu, ngenca yelibito lakho lelihloniphekile.

Tihlabelelo 85:4

Sibuyise, Nkulunkulu wensindziso yetfu! Lahla kucansuka kwakho ngatsi.

Tihlabelelo 9:17

Lababi baya ekufeni, yebo, bonkhe labafulatsela Nkulunkulu.

Isaya 12:2

Impela, Nkulunkulu uyinsindziso yami; ngiyakumetsemba ngingesabi, Simakadze, Simakadze ungemandla ami nengoma yami; nguye loyinsindziso yami.”

Isaya 17:9

Ngalelo langa emadolobha abo latinqaba, lababewashiyiswe ngema-Israyeli, ayawufanana netindzawo lesetishiyelwe tinchachabutane nemitfuma. Onkhe ayawubate bantfu.

Isaya 18:5

Ngobe, kusengakavunwa, nase kuhhohloke tishakato, netimbali setiba titselo lesetivutsiwe temagelebisi, uyawujuba emahlumela ngesikelo sekutsena tihlahla, awalalise phansi, esuse lemiliba leyenabako.

Isaya 25:4

Bewusiphephelo salabamphofu, siphephelo salabeswele elusizini lwabo, siphephelo sekuvikela etivunguvungwini, nemtfunti ekushiseni kwelilanga. Ngobe kuphefumula kwalabanelunya kufanana nesivunguvungu lesitimukula elubondzeni;

Isaya 26:4

Yetsembelani kuSimakadze kuze kube phakadze, ngobe Simakadze nguSimakadze loLidvwala laphakadze.

Isaya 30:29

Niyawuhlabela njengalobo busuku lenenta ngabo lidzili lelingcwele, tinhlitiyo tenu tiyawujabula njengesikhatsi bantfu bakhuphuka ngemintjingo, bakhuphukela eNtsabeni yaSimakadze, eDvwaleni lema-Israyeli.

Isaya 33:2

Awu Simakadze, bani nemusa kitsi; tsine silangatelela wena. Bani ngemandla etfu njalo nje ekuseni, nensindziso yetfu ngesikhatsi selusizi.

Isaya 44:8

Ningatfutfumeli, ningesabi. Angizange ngikumemetele yini loku, ngakhuluma ngako kungakenteki kadzeni? Nine nibofakazi bami. Kukhona yini lomunye Nkulunkulu ngaphandle kwami? Cha, kute lelinye Lidvwala, kute nalinye lengilatiko.”

Isaya 51:13

kutsi ningakhohlwa Simakadze, uMenti wenu, loweneka emazulu, wabeka tisekelo temhlaba, kutsi seningahlala ngekutfutfumela onkhe emalanga ngenca yelulaka lwemcindzeteli, lotilungiselela kunibhubhisa? Ngobe lukuphi nje lulaka lwemcindzeteli?

Isaya 61:10

Ngiyajabula kakhulu ngaSimakadze; umphefumulo wami uyajabula ngaNkulunkulu wami. Ngobe ungembatsise ngetingubo tensindziso, wangihlobisa ngemjiva wekulunga, njengemyeni ahlobisa inhloko yakhe njengemphristi, nanjengamakoti lotihlobise ngebuhlalu bakhe.

Isaya 62:11

Lalelani la: Simakadze sewente simemetelo lesiya emikhawulweni yonkhe yemhlaba, lesitsi: “Tjela iNdvodzakati yaseSiyoni, utsi: ‘Buka, nanguya uMsindzisi wakho uyeta! Bukela, umvuzo wakhe ukuye, nenkhokhelo yakhe ihamba embikwakhe.’ ”

Jeremiya 12:13

Bayawuhlanyela kolo, kodvwa bavune emanyeva; bayawutikhandla, kodvwa bangazuzi lutfo ngako. Ngako yetfwalani lihlazo ngesivuno senu, ngenca yentfukutselo leyesabekako yaSimakadze.”

Jeremiya 17:13

Awu, Simakadze, tsemba lema-Israyeli, bonkhe labakushiyako bayawuhlazeka. Labo labakufulatselako bayawubhalwa elutfulini, ngobe bamshiyile Simakadze, umtfombo wemanti laphilako.

Jeremiya 2:32

Intfombi iyabukhohlwa yini buhlalu bayo lobuligugu, nome makoti imihlobiso yakhe nakashada? Noko sive sami singikhohlwe emalanga lamanyenti langeke abalwe.

Jeremiya 3:21

Kuvakala sililo etindzaweni letiphakeme letingamili lutfo, yebo, kukhala nekuncenga kwesive saka-Israyeli, ngobe siphambukise tindlela taso, samkhohlwa Simakadze Nkulunkulu waso.

Hezekeli 22:12

Kuwe kunemadvodza lemukela imidizo entele kucitsa ingati; utsatsa intalo ugale inzuzo lenkhulu, wente intalo yebutulujane kumakhelwane wakho ngekumcindzetela. Sewungikhohliwe mine, kusho iNkhosi Simakadze.

Hezekeli 23:35

“Ngako-ke naku lokushiwo yiNkhosi Simakadze, itsi: Njengobe sewungikhohliwe wangilahla ngemuva kwakho, ufanele uwetfwale umphumela weluntjingintjingi lwakho lwenkhanuko nebugwababane bakho.”

Hoseya 4:6

bantfu bami bayabhujiswa ngenca yekweswela lwati. “Njengobe nikulahlile kwati mine, nami-ke sengiyanilahla kutsi ningete naba baphristi bami; njengobe niwutsalalisele umtsetfo waNkulunkulu wenu, nami-ke ngiyawubatsalalisela bantfwabenu.

Hoseya 8:14

Israyeli sewumkhohliwe uMenti wakhe, wakha tigodlo; Juda sewubiyele emadolobha lamanyenti. Kodvwa ngitawutfumela umlilo etikwalamadolobha abo, loyawushisa letinqaba tabo uticedze.”

Joweli 1:17

Inhlanyelo seyiyabuna ngaphansi kwemagadze ayo. Tingungumakamelo setiyimfuhlululu, kanjalo netingungu setibhidlikile, ngobe naloku lokutinhlavu sekomile.

Levithikusi 26:16

ngiyawunijezisa nganaku: Ngiyawunehlisela kutfutfumela lokwesabekako, netifo letingelapheki, nemikhuhlane lephumphutsekisa emehlo, nginente nihusheke. Niyawulima nihlanyelele lite, ngobe titsa tenu tiyawunehlula tidle konkhe loko kudla.

Levithikusi 26:20

Konkhe kusebenta kwenu kamatima kungeke kunibuyisele lutfo, ngobe emasimi enu angeke abe nesivuno, netihlahla tingeke titsele titselo.

Amose 5:11

Nigcobagcoba labamphofu nibacindzetele kutsi baninike kudla. Ngako-ke, nome nakhe tindlu letinkhulu tematje, ningeke nihlale kuto; nome nihlanyele tivini letikhulu, ningeke nilinatse liwayini lato.

Habakhuki 3:18

noko ngitawujabula ngaSimakadze, ngijabulele Nkulunkulu, uMsindzisi wami.

Zefaniya 1:13

Ingcebo yabo iyawuphangwa, netindlu tabo tibhidlitwe. Bayawukwakha tindlu, kodvwa bangahlali kuto; bayawuhlanyela tivini, kodvwa bangalinatsi liwayini lato.”

Dutheronomi 28:30

“Uyakushaywa ngekutsi wetsembise intfombi kusuke lenye indvodza iyidlwengule. Uyawukwakha indlu, kodvwa ungahlali kuyo. Uyawulima sivini, kodvwa ungafinyeleli ekudleni emagelebisi aso.

Dutheronomi 32:15

“Jeshuruni wazimuka wakhahlela; wesutsa kudla, wesuleka, watamasa. Wamfulatsela Nkulunkulu lowamenta, walala Lidvwala lelinguMsindzisi wakhe.

Dutheronomi 32:18

Nalilahla Lidvwala lelaba nguyihlo kini, namkhohlwa Nkulunkulu lowanitala.

Dutheronomi 32:31

Ngobe lidvwala labo alifanani neLidvwala letfu, ngisho netitsa tetfu tiyakuvuma loko.

Dutheronomi 32:4

“Yena uLidvwala, imisebenti yakhe iphelele; yebo, netindlela takhe tonkhe tilungile. Nkulunkulu lowetsembekile longakwenti lokubi, ucotfo akakhetsi muntfu.

Dutheronomi 6:12

nicaphele kutsi ningamkhohlwa Simakadze lowanikhipha eGibhithe, eveni lebugcili.

Dutheronomi 8:11

“Caphelani-ke kutsi ningamkhohlwa Simakadze Nkulunkulu wenu ngekungagcini imiyalo yakhe, nemitsetfo yakhe kanye netimiso takhe lengininika tona lamuhla.

Dutheronomi 8:14

inhlitiyo yenu bese iyakhukhumala, nize nikhohlwe Simakadze Nkulunkulu wenu, lowanikhipha eGibhithe, eveni lebugcili.

Dutheronomi 8:19

“Nanike nakhohlwa Simakadze Nkulunkulu wenu nalandzela labanye bonkulunkulu nabakhonta naze nakhotsama kubo, ngiyanecwayisa lamuhla kutsi nakanjani niyawubhujiswa.