Isaya 17:1 - Siswati 1996 Bible

¹ Livi lesembulo lelimacondzana neDamaseko: “Buka la, iDamaseko ingeke isaba lidolobha, kodvwa seyitawuba yindvundvuma nje yetindzala.

Isaya 17:1 Referencias Cruzadas

Genesisi 14:15

Kwatsi ebusuku wahlelembisa libutfo lakhe ngeticheme talo. Wawahlasela wawehlula, wawacosha waze wawabeka eHoba, enyakatfo neDamaseko.

Genesisi 15:2

Kodvwa Abrama watsi: “Awu, Simakadze Nkulunkulu, utangiphani, ngobe seloku anginamntfwana? Indlalifa yami kutawuba ngu-Eliyezeri waseDamaseko.”

1 Emakhosi 11:24

Wabutsa emadvodza amsingatsa, waba ngumholi welicembu lemavukelambuso. Ngesikhatsi Davide abhubhisa emabutfo aseSobha, lamavukelambuso ehlela eDamaseko, lapho efika ahlala khona aba baholi.

2 Emakhosi 16:9

Thiglathi Phileseri, inkhosi yase-Asiriya, wasemukela sicelo sa-Ahazi, washuca nemphi yakhe wayawuhlasela iDamaseko, wayitfumba, wabulala Resini, wase utfumba labantfu bakhe wabayisa eKhiri.

1 Tikhronike 18:5

Atsi ayeta emaSiriya aseDamaseko, atsi etekwelekelela Hadadezeri, inkhosi yaseSobha, Davide wabulala aba ti-22 000 kuwo,

2 Tikhronike 28:23

Wanikela ngemihlatjelo etithicweni tebantfu baseDamaseko lebase bamehlulile; ngobe abecabange watsi: “Njengobe tithico temakhosi aseSiriya tiwasitile emaSiriya, nami ngitakwenta umhlatjelo kuto, khona titakungisita.” Kodvwa ngito kanye letamwisa, taphindze tawisa onkhe ema-Israyeli.

2 Tikhronike 28:5

Ngako-ke Simakadze Nkulunkulu wakhe wamnikela esandleni senkhosi yaseSiriya. EmaSiriya amehlula, atfumba bantfu bakhe labanyenti, baba titfunjwa, eta nabo eDamaseko. Waphindze waniketwa etandleni tenkhosi yaka-Israyeli, leyamehlula kabuhlungu, kwafa bantfu labanyenti.

Isaya 10:9

IKhalno ayikafanani yini neKhakhemishi? IHamathi ayifanani yini ne-Aphadi? ISamariya yona ayifanani yini neDamaseko?

Isaya 13:1

Leli livi lesembulo ngeBhabhulona, lelefika ku-Isaya, umsa wa-Amose, ngembono:

Isaya 15:1

Leli livi lesembulo lelimacondzana neMowabi: Ngebusuku lekwabhujiswa ngabo i-Ari, live lonkhe lakaMowabi laphela laba tindzala. Ngebusuku lekwabhujiswa ngabo iKhiri, live lonkhe lakaMowabi lasala selitindzala.

Isaya 19:1

Livi lesembulo lelimacondzana nelive laseGibhithe: Buka la, Simakadze ugibela lifu leligijima kakhulu, ubange kulaseGibhithe. Tithico taseGibhithe tiyawutfutfumela embikwakhe, netinhlitiyo tebantfu baseGibhithe tiyancibilika ngekhatsi kwabo.

Isaya 25:2

Lidolobha ulente laba yindvundvuma yemfuhlululu, yebo, lidolobha lelibiyelwe laba tindzala; siphephelo sebetive sangabe sisaba ngilo lidolobha, lingeke liphindze lakhiwe kabusha.

Isaya 37:26

“Awuzange uve yini? Ngakumisa kadzeni. Ngakuhlela ngemalanga asendvulo, manje sesikhatsi sekutsi kwenteke, kutsi ugucule emadolobha latinqaba, wawaphihlita aba tindvundvuma tematje.

Isaya 7:16

Kodvwa kuyawutsi lomfana asengakakwati kwala lokubi akhetse lokuhle, lelo live lalamakhosi lamabili lowesabako, liyawube selingasenalutfo.

Isaya 7:8

Ngobe inhloko yaseSiriya yiDamaseko, nenhloko yeDamaseko nguResini kuphela. Kusengakapheli iminyaka lengema-65, baka-Efrayimu bayawube sebahlakateke kakhulu, sebangasesiso sive.

Isaya 8:4

Kwatsi lomfanyana asengakakwati nakahle kutsi ‘Babe’ nome ‘Make’, umcebo waseDamaseko nemphango yaseSamariya kuyawube sekutfunjwa yinkhosi yase-Asiriya.”

Jeremiya 49:2

Simakadze utsi: “Kodvwa ayeta emalanga, lapho ngiyakwenta kutsi kuhlatjwe umkhosi, ngimelane neRabha yema-Amoni; iyawuba yindvundvuma yemadzibikelo, netabelo tayo letiyitungeletile tiyawulunyekwa ngemlilo. Israyeli-ke uyawubadvungulula labo labamkhipha ngendlovuyangena,” kusho Simakadze.

Mikha 1:6

Ngako Simakadze utsi: “ISamariya ngitayenta ibe tindzala tesikhotsa, kube yindzawo yekuhlanyela umvini. Tindlu letitindzala ngiyakutitfulula tigeletele etigodzini, kutsi tisekelo telidolobha ngitihlubule tibesebaleni.

Mikha 3:12

Ngako-ke ngenca yenu, iSiyoni iyawulinywa njengensimi, iJerusalema iyakuba yincumbi yencitsakalo, intsaba yelithempeli ibe lihlatsi.

Zakhariya 9:1

Livi lesembulo: Livi laSimakadze limelene nelive lakaHadraki; nayo iDamaseko iyawuba yindzawo yekuhlala kwalelivi, ngobe emehlo aSimakadze asetikwabo bonkhe bantfu nakuto tonkhe tive tema-Israyeli,

Imisebenti yebaPhostoli 9:2

Wafike wacela tincwadzi tekumetfula emasinagogeni emaJuda aseDamaseko, kuze atsi nakakhandza lapho nobe bobani lababalandzeli baleNdlela yeNkhosi, abe nemandla ekubabopha, labadvuna nalabasikati, abatsatse abamikise eJerusalema.

Dutheronomi 13:16

Butsani konkhe loko lokuphangwe kulo nikubutsele ndzawonye enkhundleni yelidolobha, nilishise lonkhe lelo dolobha kanye nemphango yalo kube ngumnikelo wekushiswa samuku kuSimakadze Nkulunkulu wenu. Liyawusala litindzala phakadze naphakadze, aliseyiwuphindze lakhiwe kabusha.