Isaya 16:6 - Siswati 1996 Bible

⁶ Sivile ngekutiphakamisa kwebakaMowabi, nangekuchosha kwabo lokukhulu nekutigcabha kwabo, nangekutigabatisa kwabo, nekucolosha kwabo; noko kutishaya sifuba kwabo kulite.

Isaya 16:6 Referencias Cruzadas

Taga 21:24

Ligama lelitsi “sidvwaladvwala” lisho umuntfu longahloniphi nalotigcabhako, nalongabanaki bantfu.

Isaya 15:1

Leli livi lesembulo lelimacondzana neMowabi: Ngebusuku lekwabhujiswa ngabo i-Ari, live lonkhe lakaMowabi laphela laba tindzala. Ngebusuku lekwabhujiswa ngabo iKhiri, live lonkhe lakaMowabi lasala selitindzala.

Isaya 2:11

Emehlo ebantfu labatikhukhumetako ayawutfotjiswa, kutsi kutigcabha kwebantfu kwehliswe; Simakadze yena yedvwa uyawuphakanyiswa ngalelo langa.

Isaya 25:10

Emandla aSimakadze ayakuyengama lentsaba, kodvwa Mowabi utawunyatselwa phansi ngetinyawo, njengetibi natigcotjwagcotjwa emcubeni.

Isaya 25:11

Bayawukweneka tandla tabo ekhatsi kuwo njengemuntfu lohlambako nakeneka tandla takhe. Nkulunkulu uyakulidzilita ligcabo labo, abubukele phansi bucwepheshe betandla tabo.

Isaya 28:15

Niyatigabatisa nitsi: “Sesente sivumelwane nekufa, sente sivumelwane nelithuna. Ngesikhatsi sivunguvungu lesishisako siphephula sendlula kitsi, singeke sisitsintse tsine, ngobe sente emanga aba siphephelo setfu, sente emacebo aba yindzawo yetfu yekubhaca.”

Isaya 28:18

Sivumelwane senu lenisente nekufa siyakwentiwa sibe lite; sivumelwane senu lenisente nelithuna singeke sime. Kuyawutsi sivunguvungu sekushisa nasiphephula sendlula kini, sinishaye sinilahle phansi.

Isaya 44:25

lophuntisa tibonakaliso tebaphrofethi bemanga, labaphengulako abente tilima, acitse kufundza kwalabahlakaniphile, akugucule akwente kube ngumbhedvo.

Jeremiya 48:14

“Ningasho kanjani kutsi: ‘Sitingwazi tsine, emadvodza labokadzebona bemphi’?

Jeremiya 48:26

“Mdzakiseni, ngobe wedzelele Simakadze. Mowabi akabhucute emahlanteni akhe, akabe yintfo yekuhlekisa.

Jeremiya 48:42

Mowabi uyawubhujiswa angabe asaba sive, ngobe wedzelela Simakadze.

Jeremiya 50:36

“Kulengela inkemba etikwebaphrofethi bayo bemanga, bayawuba tilima. Inkemba ilengela etikwemabutfo ayo, agcwale kwesaba.

Amose 2:1

Naku lokushiwo nguSimakadze, utsi: “Bantfu bakaMowabi bone kwaze kwengca, ngaleso sizatfu ngingeke ngihlale ngingabajezisi. Bashise ematsambo enkhosi yaka-Edomu, adzimate aba njengemcakaco.

1 yaPhetro 5:5

Nani-ke, labasha, batfobeleni babonisi. Nonkhe yembatsani kutfobeka, nitfobelane, ngobe: “Nkulunkulu umelana nalabatigcabhako, kodvwa labatfobekile ubapha umusa.”