Isaya 16:10 - Siswati 1996 Bible

¹⁰ Injabulo nekutsakasa kususiwe emahlatsini etitselo lahlanyelwe; kute namunye losahlabela amemete etivinini, sekute losahluta liwayini ematjeni ekulihluta, ngobe ngikucedzile kumemeta.

Isaya 16:10 Referencias Cruzadas

Jobe 24:11

Bafihlita titselo temincumo etibebesini, bahlikihle ngematje ekuhluta liwayini; noko bajinge babulawe koma.

Isaya 24:11

Etitaladini bakhalela liwayini; konkhe kujabula sekugucuke kwaba lusizi, konkhe kutsakasa sekudzingisiwe emhlabeni.

Isaya 32:10

Ngesikhatsi nje lesingetudlwana kwemnyaka nine lenitiva niphephile nitawutfutfumela; sivuno semagelebisi siyawuba sibi, kutawubate nesivuno setitselo.

Jeremiya 48:33

Kutsakasa nenjabulo sekusukile emahlatsini etitselo nasemasimini akaMowabi. Ngikumisile kugeleta kweliwayini ematjeni ekuhlutela, kute nalosawagcobagcoba ngekumemeta kwenjabulo. Nome-ke kukhona lokumemeta, kodvwa akusiko kwenjabulo.

Hezekeli 7:7

Kubhujiswa sekufikile kuwe, wena lohlala eveni. Sikhatsi sesifikile, lilanga selisondzele, kunekwesaba, hhayi kujabula etikwetintsaba.

Joweli 1:12

Umvini sewomile, nemkhiwa sewubunile kanjalo nemahananandza, nemasundvu, nesihlahla semahhabhula kanye nato tonkhe tihlahla tensimi setomile. Ngempela kujabula kweluntfu sekuphelile.

Amose 5:11

Nigcobagcoba labamphofu nibacindzetele kutsi baninike kudla. Ngako-ke, nome nakhe tindlu letinkhulu tematje, ningeke nihlale kuto; nome nihlanyele tivini letikhulu, ningeke nilinatse liwayini lato.

Amose 5:17

Kuyawuba khona kudzindza sililo kuto tonkhe tivini, ngobe ngiyakwendlula emkhatsini wenu nginijezise.”

Amose 9:13

Naku-ke lokushiwo nguSimakadze, utsi: “Ayeta emalanga, lapho bavuni bayakwengcelelwa ngulabalimako, nalabahlanyelako bengcelelwe ngulabahluta liwayini. Liwayini lelisha liyawuntfontsa etintsabeni, ligelete kuwo onkhe emagcuma.

Zefaniya 1:13

Ingcebo yabo iyawuphangwa, netindlu tabo tibhidlitwe. Bayawukwakha tindlu, kodvwa bangahlali kuto; bayawuhlanyela tivini, kodvwa bangalinatsi liwayini lato.”

Tikhulu 9:27

Batsi kube baphume bonkhe baye emasimini abo bayewuvuna emagelebisi, babuya bawahluta, base benta lidzili ethempelini lesithico sabo. Babetsi ngesikhatsi banatsa, badla, bacalekise Abimeleki.