Isaya 16:1 - Siswati 1996 Bible

¹ Tfumelani emazinyane etimvu lesuka eSela, ngasehlane, aye entsabeni yeNdvodzakati yaseSiyoni, abe setfulo enkhosini yelive.

Isaya 16:1 Referencias Cruzadas

2 Samuweli 8:2

Davide wachubeka wahlasela nemaMowabi, wawehlula. Abebalalisa phansi emhlabatsini, bese ubulala babili njalo kulabatsatfu baletitfunjwa. Ngako emaMowabi ase aba ngaphansi kwakhe, aletsa imitselo yawo kuDavide.

2 Emakhosi 14:7

Nguye lowehlula ti-10 000 tema-Edomu eSigodzini Seluswayi, watfumba iSela emphini, wayetsa libito watsi yiJokthiyeli, lelo kuselibito layo nalamuhla loku.

2 Emakhosi 3:4

Mesha, inkhosi yakaMowabi, abefuye timvu, abevamise kwetfula enkhosini yaka-Israyeli emazinyane ato lati-100 000 kanye navolo wetihhanca letiti-100 000.

Ezra 7:17

“Ngayo lemali kufanele utsenge tinkunzi, netihhanca, nemazinyane lamadvuna etimvu, utsenge neminikelo yalokutinhlavu neminikelo yetinatfo, uyinikelele elatini lelithempeli laNkulunkulu wakho eJerusalema.

Isaya 10:32

Lamuhla nje ema-Asiriya ayawumisa eNobi; ayawujikitisa tibhakela tawo entsabeni yeNdvodzakati yaseSiyoni, egcumeni laseJerusalema.

Isaya 42:11

Lihlane nemadolobha alo akuphakamise emaphimbo ako; tabelo, lapho kuhlala khona bakaKhedari, atijabule. Bantfu baseSela abahlabele ngekujabula, abamemete baseticongweni tetintsaba.

Hezekeli 45:16

“ ‘Bonkhe bantfu bakulelive kufanele bayitsatse leminikelo bayimikise kumbusi lobusako ka-Israyeli.

Mikha 4:8

Nawe Jerusalema, njengobe bewuyinqaba yekulondvolota umhlambi wakho, wena ntsaba yaseSiyoni uyawuphindza futsi ube yinhlokodolobha yalowo mbuso, lowawuvele ungiyo.