Isaya 15:4 - Siswati 1996 Bible

⁴ Bantfu baseHeshboni nebase-Eleyale bayakhala, emaphimbo esililo sabo evakala khashane, ngisho naseJahasi. Ngako-ke nemabutfo emphi akaMowabi lahlomile ayakhala, tinhlitiyo tawo tiyatfutfumela.

Isaya 15:4 Referencias Cruzadas

Genesisi 27:46

Rebheka watsi ku-Isaka: “Ngidziniwe kuphila ngenca yalabalukatana baka-Esawu labatsatsa kumaHethi. Nangabe naJakobe angatsatsa umfati emkhatsini walamaHethi, lafanana nalawa lengihleti nawo, kungaba ncono ngimane ngife lokungenani!”

1 Emakhosi 19:4

yena wachubeka wahamba luhambo lolwamtsatsa lilanga lonkhe, aya ekhatsi ehlane. Wefika wahlala ngaphansi kwesihlahla semtsanyelo, wathandazela kutsi asale asafela khona lapho. Wathandaza watsi: “Simakadze, sekwenele, sale utsatsa kuphila kwami; kute lengincono ngakho kunabokhokho bami.”

Jeremiya 20:18

Ngangiphumelani vele esiswini? Ngaphumela kubona inhlupheko nelusizi, nekucedzela emalanga ami ehlazweni yini?

Jeremiya 48:21

Sijeziso sehlele emadolobha lasetsafeni: iHoloni, neJahasi, neMefathi,

Jeremiya 48:34

“Umsindvo wekukhala kwabo uyenyuka usuka eHeshboni uye e-Eleyale naseJahasi, kusukela eSowari kuze kuyewufika eHoronayimu nase-Eglathi Shelishiya, ngobe ngisho nemanti aseNimrimu asomile.

Jeremiya 8:3

Yonkhe indzawo lapho ngiyakuyicoshela khona lensali yalesive lesibi iyawucolela kufa kunekuphila, kusho Simakadze longuSomandla.’ ”

Jona 4:3

Ngako-ke Simakadze, ngiyakuncenga kutsi ukususe kuphila kwami kimi; ngobe kuncono kimi kutsi ngife kunekutsi ngiphile.”

Jona 4:8

Nakuphuma lilanga, Nkulunkulu walungisa umoya loshisako wasemphumalanga; lilanga lashaya enhloko yaJona, wadzimate waba nesiyeti, wafisa kufa; wase utsi: “Kuncono ngimane ngife kunekutsi ngiphile.”

Numeri 11:15

Nangabe utangiphatsa kanjena, ngiyacela kutsi usale sewungibulala khona manje nje, nangizuze umusa ebusweni bakho, khona ngingasayiwuphindze ngibone lusizi lwami.”

Numeri 21:23

Kodvwa Sihoni wala kutsi bendlule badzabule live lakhe. Wahlanganisa emabutfo akhe onkhe, wawahlomisa wawavivisa awacondzise ehlane kuyawulwa nema-Israyeli. Watsi nakefika eJahasi, walwa nema-Israyeli.

Numeri 21:28

“KuleHeshboni kwase kuphuma umlilo, lilangabi lelidolobha laSihoni. Lashisa i-Ari yakaMowabi, takhamiti tasetintsabeni, e-Anoni.

Dutheronomi 2:32

“Sihoni nemabutfo akhe waphuma atewusihlasela emphini yaseJahasi,

Joshuwa 13:18

neJahasi, neKhedemothi, neMefathi,

Sembulo 9:6

Kulawo malanga bantfu bayawukufuna kufa, kodvwa bangete bakutfola; bayawufisa kutsi bafe, kodvwa kufa kuyakubabalekela.

Tikhulu 11:20

Kodvwa Sihoni akazange awetsembe ema-Israyeli kutsi angendlula eveni lakhe. Wabutsa yonkhe imphi yakhe wayakumisa eJahasi, walwa nawo ema-Israyeli.