Isaya 15:1 - Siswati 1996 Bible

¹ Leli livi lesembulo lelimacondzana neMowabi: Ngebusuku lekwabhujiswa ngabo i-Ari, live lonkhe lakaMowabi laphela laba tindzala. Ngebusuku lekwabhujiswa ngabo iKhiri, live lonkhe lakaMowabi lasala selitindzala.

Isaya 15:1 Referencias Cruzadas

2 Emakhosi 3:25

Abhubhisa emadolobha, kwatsi leyo naleyo ndvodza yajikijela litje kuwo onkhe emasimi lavundzile, aze avaleka angabonakali. Avimba yonkhe imitfombo, agawula tonkhe tihlahla letinhle. Kwaba yiKhiri Heresi yodvwa leyasala inematje asetindzaweni tawo. Kodvwa emadvodza labehlome ngetidubulelo ayitungeleta nayo, ayihlasela.

Isaya 11:14

Bayawukwehla emaceleni aseFilistiya bawahlasele enshonalanga, bobabili bayawuphanga bantfu labahlala emphumalanga. Bayawulidla live laka-Edomu nelakaMowabi, babuse etikwema-Amoni.

Isaya 13:1

Leli livi lesembulo ngeBhabhulona, lelefika ku-Isaya, umsa wa-Amose, ngembono:

Isaya 14:28

Leli livi lesembulo lelefika ngemnyaka wekufa kwenkhosi Ahazi, latsi:

Isaya 16:11

Inhlitiyo yami ililela iMowabi, ikhala njengelihabhu, lingekhatsi lami lilila ngeKhiri Heresi.

Isaya 16:6

Sivile ngekutiphakamisa kwebakaMowabi, nangekuchosha kwabo lokukhulu nekutigcabha kwabo, nangekutigabatisa kwabo, nekucolosha kwabo; noko kutishaya sifuba kwabo kulite.

Isaya 16:7

Ngako-ke emaMowabi ayawutikhalela; ayawulila ndzawonye ngelakaMowabi. Lilani nidzabuke ngenca yemakhekhe emagelebisi lomisiwe langasatfolakali eKhiri Heresi.

Isaya 25:10

Emandla aSimakadze ayakuyengama lentsaba, kodvwa Mowabi utawunyatselwa phansi ngetinyawo, njengetibi natigcotjwagcotjwa emcubeni.

Isaya 25:12

Uyakudzilitela phansi tibondza takaMowabi letiphakeme naletitinqaba, atihhihlitele phansi; uyakutihhihlitela phansi elutfulini.

Jeremiya 9:26

baseGibhithe, nebakaJuda, nebaka-Edomu, nebaka-Amoni, nebakaMowabi, nabo bonkhe labahlala ehlane etindzaweni letikhashane. Ngobe tonkhe leto tive empeleni atikasoki, ngisho nayo yonkhe indlu yaka-Israyeli ayikasoki enhlitiyweni.”

Numeri 21:28

“KuleHeshboni kwase kuphuma umlilo, lilangabi lelidolobha laSihoni. Lashisa i-Ari yakaMowabi, takhamiti tasetintsabeni, e-Anoni.

Dutheronomi 2:18

‘Lamuhla nitakwewelela ngesheya kwe-Ari lekungumnyele welive lakaMowabi.

Dutheronomi 2:19

Nase nifike esiveni sema-Amoni, ningawachukuluti futsi ningawakhubi, ngobe ngingeke ngininike, ngisho nencenye nje yalelive lawo kutsi libe lifa lenu, ngobe phela ngalipha titukulwane taLoti kutsi libe lifa lato.’ ”

Dutheronomi 2:9

Simakadze wakhuluma kimi, watsi: ‘Ningawahlaseli emaMowabi, futsi ningawachukuluti kutsi aze alwe, ngobe ngingeke ngininike, ngisho nencenye nje yelive lawo. I-Ari yona ngiyiphe titukulwane taLoti kutsi ibe yato.’ ”