Isaya 14:6 - Siswati 1996 Bible

⁶ labahlasele tive ngelulaka, batigadla ngaphandle kwesihe, batigcobagcoba phansi ngentfukutselo, baphekehla lutfutfuva bahlasela.

Isaya 14:6 Referencias Cruzadas

2 Tikhronike 36:17

Simakadze wabavusela inkhosi yaseBhabhulona leyafike yabulala onkhe emajaha abo ngenkemba, iwabulalela endzaweni lengcwele, ingashiyi lutfo loluselusha labadvuna nalabasikati nome talukati nemakhehla. Nkulunkulu wabaniketela bonkhe kuNebukhadnezari.

Jobe 9:13

Nkulunkulu akajiki angatfukutsela, ngisho nemabutfo akaRahabi akhotsama etinyaweni takhe.

Taga 21:30

Kuhlakanipha kwemuntfu, nekucondza kanye nemyalo longiwo sibili kungeke kukusite, nangabe kucondzene nekumelana naSimakadze.

Taga 28:15

Njengelibhubesi lelibhodlako nelibhele lelihhongako, unjalo umbusi lomubi lobusa bantfu labeswele.

Isaya 10:14

Njengalofinyelela esidlekeni senyoni, kanjalo sandla sami safinyelela kuyo imicebo yetive; njengobe bantfu babutsa emacandza lashiyiwe, kanjalo nami ngawabutsa onkhe emave, kute nalinye lelake labhengutisa luphiko nome lavula umlomo lantjilota.’ ”

Isaya 14:5

Simakadze uyephulile indvuku yalababi, yebo, uyephulile indvuku yebabusi,

Isaya 33:1

Maye kuwe, wena mbhubhisi, wena losengakabhujiswa! Maye kuwe, wena lolimbuka, wena losengakatsengiswa! Nawuyekela kubhubhisa, uyakubhujiswa nawe. Nawuyekela kutsengisa bantfu, uyakutsengiswa nawe.

Jeremiya 25:26

nawo onkhe emakhosi asenyakatfo, edvutane nakhashane, lenye emvakwalenye, nayo yonkhe imibuso lesebusweni bemhlaba. Kuyawutsi emvakwabo bonkhe inkhosi yaseSheshaki nayo iyawulinatsa.

Jeremiya 25:9

ngitawubita tonkhe tive tangasenyakatfo kanye nenceku yami Nebukhadnezari, inkhosi yaseBhabhulona, ngibaletse batekulwa nalelive kanye netakhamiti talo nato tonkhe tive letibomakhelwane,” kusho Simakadze. “Ngiyawubabhubhisa ngibacedze nya, ngibente intfo yekwesabisa, nenhlekisa, nencitsakalo yaphakadze.

Jeremiya 48:17

Mdvudvuteni nine nonkhe labahlala edvute naye, nonkhe nine lenati ludvumo lwakhe, tsanini: ‘Yephuke njani lendvuku lenemandla kangaka; yephuke kanjani lendvuku yebukhosi!’

Jeremiya 50:31

“Buka la, ngimelene nawe, live lemaBhabhulona, awu, wena lotiphakamisako, ngobe lilanga lakho selifikile, sikhatsi sakho sekutsi ujeziswe,” kusho iNkhosi Simakadze lenguSomandla.

Sililo 1:21

“Bantfu bakuvile kububula kwami, kodvwa kute namunye longidvudvutako. Tonkhe titsa tami tivile ngekuhlupheka kwami. Tiyajabula ngaloko lokwentile. Mane sale uliletsa lelilanga lowalimemetela, kuze nabo batewuba njengami.

Danyela 4:35

Tonkhe tive temhlaba titsatfwa njengelite. Wenta njengobe yena atsandza kuwo emandla asezulwini nakuto tive temhlaba. Kute namunye longavimbela sandla sakhe, nome atsi kuye: ‘Sewenteni?’

Habakhuki 1:17

Kungabe batawuchubeka yini, batfulule emanetha abo, babhubhise tive ngelunya?

Habakhuki 2:5

Yebo, liwayini liyamyenga, ungumuntfu lotigcabhako, futsi akasenakuphumula. Njengobe ungugubhela kusakhe njengelidliza nanjengekufa akaze eneliseke, utibutsela kuye tonkhe tive, atfumbe bonkhe bantfu, babe bakhe.

YaJakobe 2:13

Ngobe kwehlulela akunabo bubele kulowo longenabo bubele; kodvwa bubele buyawucoloshela kwehlulela.