Isaya 14:28 - Siswati 1996 Bible

²⁸ Leli livi lesembulo lelefika ngemnyaka wekufa kwenkhosi Ahazi, latsi:

Isaya 14:28 Referencias Cruzadas

2 Emakhosi 16:20

Ahazi wase uyakhotsama, wafihlwa kuboyisemkhulu eDolobheni laDavide. Hezekiya, umsa wakhe, waba yinkhosi esikhundleni sakhe.

2 Tikhronike 28:25

Kuwo onkhe emadolobha akaJuda wakha tindzawo letiphakeme tekutfuncisela imphepho etithicweni; wachukuluta Simakadze Nkulunkulu waboyisemkhulu, kutsi atfukutsele.

2 Tikhronike 28:27

Ahazi wase uyakhotsama, wafihlwa edolobheni laseJerusalema, kodvwa akazange afihlwe emadlizeni emakhosi aka-Israyeli. Hezekiya, umsa wakhe, waba yinkhosi esikhundleni sakhe.

Isaya 13:1

Leli livi lesembulo ngeBhabhulona, lelefika ku-Isaya, umsa wa-Amose, ngembono:

Isaya 6:1

Kwatsi ngemnyaka wekufa kwenkhosi Uziya, ngabona Simakadze ahleti esihlalweni sakhe sebukhosi, naso lesisetulu futsi siphakeme, umsila wesembatfo sakhe ugcwalise lonkhe lithempeli.

Hezekeli 25:15

“Naku lokushiwo yiNkhosi Simakadze, itsi: ‘Njengobe emaFilisti enta imphindziselo, akhipha sibhongo ngebubi lobusetinhlitiyweni tawo, nangenzondo yakadzeni leyayicondze kubhubhisa Juda,

Zakhariya 9:5

I-Ashkeloni iyawukubona loko, yesabe; iGaza iyawujilajileka ngenca yeminjunju, kanye ne-Ekroni futsi, ngobe litsemba layo liyawubuna liphele. IGaza iyawulahlekelwa yinkhosi yayo, ne-Ashkeloni iyawushiywa itindzala.