Isaya 14:27 - Siswati 1996 Bible

²⁷ Ngobe Simakadze longuSomandla sewutimisele ngaloko, ngubani nje longamvimbela kuloko? Sandla sakhe selulekile, ngubani nje longasijikisa?

Isaya 14:27 Referencias Cruzadas

2 Tikhronike 20:6

watsi: “Yebo, Simakadze, Nkulunkulu wabokhokho, wena awusiye yini Nkulunkulu losezulwini? Ubusa yonkhe imibuso yetive temhlaba. Emandla nemagunya kusesandleni sakho, futsi kute longamelana nawe.

Jobe 11:10

“Nangefika lapha akuhhodlele ejele, akubitele ekugwetjweni, ngubani longamelana naye?

Jobe 23:13

“Kodvwa nasancumile yena yedvwa, ngubani longamelana naye? Wenta loko lakutsandzako.

Jobe 40:8

“Ungakukhombisa yini kungalungi kwami? Ungangilahla yini ngelicala mine, khona utetitfola ungenacala wena?

Jobe 42:2

“Ngiyati kutsi wena unemandla ekwenta konkhe, kute muntfu longaphatamisa loko lese uhlose kukwenta.

Jobe 9:12

Nakukhona lamhlwitsako, ngubani longaba nemandla ekummisa? Ngubani kona longambuta atsi: ‘Wentani?’

Tihlabelelo 33:11

Emasu aSimakadze ayawuhlala emile kuze kube phakadze; nemicabango yakhe iyawuhlala imile kuto tonkhe titukulwane.

Taga 19:21

Umuntfu angaba netinhloso letinyenti engcondvweni yakhe; kodvwa kugcina kuphumelele inhloso yaSimakadze.

Taga 21:30

Kuhlakanipha kwemuntfu, nekucondza kanye nemyalo longiwo sibili kungeke kukusite, nangabe kucondzene nekumelana naSimakadze.

Isaya 23:9

NguSimakadze longuSomandla lokuhlelile kutsi entele phansi ligcabho labo bonkhe bukhatikhati, nekutsi atfobise bonkhe labadvumile emhlabeni.

Isaya 43:13

“Yebo, kusukela endvulo solomane Nginguye. Kute longakhulula esandleni sami. Nangenta lutfo, ngubani longakujikisa loko?”

Isaya 46:11

Ngibita lingce emphumalanga, eveni lelikhashane ngibite umuntfu atewufeza injongo yami. Loko lese ngikushito, nguloko lengiyawukuphumelelisa; loko lese ngikuhlelile, nguloko lengiyawukwenta.

Isaya 8:10

Takheleni emasu enu, kodvwa atakwehlulekiswa; yentani emachinga enu, kodvwa ngeke aphumelele; ngobe Nkulunkulu unatsi.

Isaya 9:12

EmaSiriya ngasemphumalanga nemaFilisti ngasenshonalanga, asakhamisele kushwabudzela ema-Israyeli. Noko ngako konkhe loku lulaka lwakhe alukagucuki; sandla sakhe sisephakeme.

Jeremiya 4:28

Ngako-ke umhlaba utawulila, nemazulu ngetulu agucuke abe mnyama, ngobe sengikhulumile, futsi ngingeke ngibuye ngigucuke, sengincumile, futsi ngingeke ngijike.”

Jeremiya 44:28

Labo labayawubalekela inkemba babuyele eveni lakaJuda besuke eGibhithe, bayawuba mbalwa kakhulu. Kuyawutsi-ke yonkhe insali yakaJuda leyeta kutawuhlala eGibhithe iyawukwati kutsi labani livi leliyawuma, lingagucuki, lami nome labo.

Jeremiya 49:20

Ngako-ke, vanini losekulungiswe nguSimakadze engcondvweni yakhe nge-Edomu, loko lasatimisele kukwenta kulabo labahlala eThemani: Ematfole emhlambi ayawuhudvulwa, uyakuwabhubhisa awacedze emadlelo abo ngenca yabo.

Jeremiya 51:59

Lona ngumlayeto Jeremiya umphrofethi lawutjela Seraya, umsa waNeriya, umsa waMahaseya, ngesikhatsi aya eBhabhulona, ahamba naSedekiya, inkhosi yakaJuda, ngemnyaka wesine wekubusa kwakhe. Seraya abeyindvuna yekulungisa tindzawo tekuphumula neyekwaba kudla netimphahla temabutfo emphi.

Hezekeli 26:14

Ngiyawukwenta ube lidvwala lelingenalutfo, uyawuba yindzawo yekweneka emanetha ekudweba. Awusayiwuphindza wakhiwe kabusha, ngobe mine Simakadze sengikhulumile, kusho iNkhosi Simakadze.

KubaseRoma 8:28

Siyati kutsi Nkulunkulu usebentisa konkhe kube lusito kulabo labamtsandzako, lababitwe ngekwenjongo yakhe.

KubaseRoma 8:31

Siyawutsini-ke ngaloku? Nangabe Nkulunkulu angakitsi ngubani longamelana natsi?