Isaya 14:24 - Siswati 1996 Bible

²⁴ Simakadze longuSomandla ufungile, watsi: “Impela, loku sengikuhlelile, futsi nakanjani kutakwenteka; njengobe sengikuhlosile nje, nakanjani kungeke kugucuke.

Isaya 14:24 Referencias Cruzadas

Genesisi 41:32

Lokuphindzaphindzeka kwaleliphupho laFaro kuchaza kutsi loku kumiswe nguNkulunkulu, futsi Nkulunkulu utakwenta masinyane.

Jobe 23:13

“Kodvwa nasancumile yena yedvwa, ngubani longamelana naye? Wenta loko lakutsandzako.

Tihlabelelo 110:4

Simakadze wafunga, futsi angeke agucuke, watsi: “Wena ungumphristi loyawuhlala akhona kuze kube phakadze ngekuma kwaMelkhisedeki.”

Tihlabelelo 33:10

Simakadze ucitsa emacebo etive; ushabalalisa imicabango yebantfu.

Tihlabelelo 92:5

Maye, mikhulu imisebenti yakho, Simakadze! Imicabango yakho ijule kakhulu.

Eksodusi 17:16

Mosi wachubeka watsi: “Ngobe tandla taphakanyiselwa kuSimakadze wasipha kuncoba. Simakadze uyawuchubeka nekulwa nema-Amaleki titukulwane ngetitukulwane.”

Taga 19:21

Umuntfu angaba netinhloso letinyenti engcondvweni yakhe; kodvwa kugcina kuphumelele inhloso yaSimakadze.

Taga 21:30

Kuhlakanipha kwemuntfu, nekucondza kanye nemyalo longiwo sibili kungeke kukusite, nangabe kucondzene nekumelana naSimakadze.

Isaya 10:5

“Maye kulo lase-Asiriya, indvuku yelulaka lwami, lelisandla salo sifumbetse sagila selulaka lwami.

Isaya 19:12

Aphi nyalo emadvodza akho lahlakaniphile? Akakukhombise, akwatise loko, Nkulunkulu longuSomandla lasahlose kukwenta ngeGibhithe.

Isaya 19:17

Live lakaJuda liyawutsela kwesaba kubantfu baseGibhithe; bonkhe labayakuva nje kuphatfwa lelibito laJuda, bayakwetfuka, ngenca yaloko Simakadze longuSomandla losahlose kukwenta kubo.

Isaya 55:8

“Ngobe imicabango yami ayisiyo imicabango yenu, netindlela tenu akusito tindlela tami,” kusho Simakadze.

Isaya 55:9

“Njengobe emazulu aphakeme kunemhlaba, kanjalo netindlela tami tiphakeme kunetenu, nemicabango yami iphakeme kuneyenu.

Jeremiya 23:20

Intfukutselo yaSimakadze ingeke incandzeke, aze akufeze loko lokujongwe yinhlitiyo yakhe. Kulawo malanga letako niyawukucondzisisa kahle loko.

Jeremiya 29:11

Ngobe ngiyawati emasu lenginawo ngani, yebo, emasu ekuniphumelelisa, hhayi ekunilimata, emasu ekuninika litsemba nelikusasa.

Jeremiya 44:26

Kodvwa vanini livi laSimakadze, nonkhe nine maJuda lenihlala eGibhithe: Simakadze utsi: ‘Ngifunga ngeLibito lami lelikhulu kutsi ngingeke ngiphindze ngimvumele nome munye nje umuntfu wakaJuda emkhatsini wenu kutsi afunge ngeLibito lami atsi: “Ngifunga kuphila kweNkhosi Simakadze.”

Jeremiya 49:20

Ngako-ke, vanini losekulungiswe nguSimakadze engcondvweni yakhe nge-Edomu, loko lasatimisele kukwenta kulabo labahlala eThemani: Ematfole emhlambi ayawuhudvulwa, uyakuwabhubhisa awacedze emadlelo abo ngenca yabo.

Jeremiya 50:45

Ngako-ke, vanini losekulungiswe nguSimakadze engcondvweni yakhe ngeBhabhulona, loko lasatimisele kukwenta kulabo labahlala eBhabhulona: Ematfole emhlambi ayawuhudvulwa, uyakuwabhubhisa awacedze emadlelo abo ngenca yabo.

Sililo 3:37

Ngubani longakhuluma, ente kwenteke, nangabe Simakadze angakakumiseli kutsi kube njalo?

Hezekeli 12:25

Kodvwa mine, Simakadze, ngiyawukhuluma loko lengikutsandzako, futsi kuyagcwaliseka ngaphandle kwekulibala. Ngobe ngemalanga enu, ninendlu lehlubukako, ngiyawukufeza konkhe lengikukhulumile, kusho iNkhosi Simakadze.’ ”

Hezekeli 39:4

Uyakuwa etintsabeni taka-Israyeli, wena kanye nawo onkhe emabutfo akho netive letikanye nawe. Ngiyawukwenta ube kudla kuto tonkhe tinhlobonhlobo tetinyoni letidla letinye tilwane, nasetilwaneni tesiganga.

Amose 3:6

Nakukhala impalampala edolobheni, abatfutfumeli yini bantfu? Inhlekelele iyalehlela yini lidolobha, ingakatfunyelwa nguSimakadze?

Amose 8:7

Simakadze loludvumo lwaka-Israyeli utifunge yena, watsi: “Ngingeke ngikukhohlwe nakunye kwalabakwentile.

Matewu 11:25

Ngaleso sikhatsi Jesu wakhuluma watsi: “Ngiyabonga, Babe, Nkhosi yelizulu nemhlaba, ngobe ukufihlile loku kulabahlakaniphile nalabanekucondza, wakwembula kulabo lababantfwana.

Imisebenti yebaPhostoli 4:28

Bahlangana benta konkhe loko, wena ngemandla nentsandvo yakho, wawuvele ukumisenchanti kutsi kwenteke.

Kubase-Efesu 1:9

Nkulunkulu wakubona kufanele kutsi asatise imfihlakalo yentsandvo yakhe, labeyimisile ngaKhristu kwasekucaleni.

KumaHebheru 4:3

Tsine lesikholwako siyangena ekuphumuleni kwakhe, njengobe washo watsi: “Ekutfukutseleni kwami ngafunga ngatsi: ‘Bangeke basangena ekuphumuleni kwami.’ ” Noko imisebenti yakhe yase iphelelisiwe kusukela ekudalweni kwemhlaba.

Joshuwa 11:20

Ngobe kwaba nguSimakadze matfupha lowenta tinhlitiyo talamadolobha taba lukhuni ngekutsi tihlasele ema-Israyeli, entela kutsi atekuwabhubhisa onkhe, aphele ngaphandle kwemusa, njengobe Simakadze abeyale Mosi.