Isaya 14:19 - Siswati 1996 Bible

¹⁹ Kodvwa wena ulahliwe wangete wangcwatjwa, walahlwa njengeligala lelaliwe, walala encunjini yetidvumbu tebantfu, lababulewe ngenkemba, lese bewukele phansi emgodzini wematje. Njengesidvumbu lesinyatselwa phansi ngetinyawo,

Isaya 14:19 Referencias Cruzadas

1 Emakhosi 21:19

Ufike umtjele utsi: ‘Naku lokushiwo nguSimakadze: “Awukasontsi umuntfu yini kuze utsatse lomhlaba wakhe?” ’ Bese utsi kuye: ‘Naku lakushoko Simakadze: “Kuleyo ndzawo, lapho tinja tacapha khona ingati yaNabothi, tinja tiyawuphindze ticaphe khona ingati yakho; yebo, yakho ingati.” ’ ”

1 Emakhosi 21:24

“Tinja tiyakudla labo baka-Ahabi labayawufela ekhatsi edolobheni, tinyoni tasemoyeni tiyawutondla ngalabo labayawufela etigangeni.”

2 Emakhosi 9:25

Jehu wakhuluma kuBidkari, umshayeli wencola yakhe, watsi: “Tsatsa lesidvumbu sakhe usijike lapha kulesivini lebesisaNabothi waseJezreyeli. Khumbula kutsi tsine nawe sasihamba sobabili sigibele incola yinye sidledlemuka emvakwa-Ahabi, uyise, ngesikhatsi Simakadze akhuluma lesiphrofetho ngaye, watsi:

Isaya 13:15

Lowo loyawutfunjwa uyawugwazwa; bonkhe labayawubanjwa bayawudliwa yinkemba.

Isaya 14:18

Onkhe emakhosi etive angcwatjwe ngeludvumo, nguleyo naleyo ethuneni layo.

Isaya 34:3

Lababulewe bawo bayawulahlwa ngephandle, tidvumbu tawo tiyawunuka luboti; tintsaba tiyawucwila engatini yawo.

Isaya 5:25

Ngako-ke intfukutselo yaSimakadze yasivutsela sive sakhe; waphakamisa sandla sakhe wabashaya wabalahla phansi, tintsaba tatamatama. Tidvumbu tabo taba njengemfuhlululu etitaladini. Noko ngako konkhe loku lulaka lwakhe alukagucuki, sandla sakhe sisephakeme.

Jeremiya 16:6

“Labaphakeme nalabaphansi bayawufela kulelive. Bangeke bangcwatjwe, futsi abayiwukhalelwa, futsi kute labayawubazilela nalabayawuhhula ngenca yabo.

Jeremiya 22:19

Uyawungcatjwa njengembongolo, ahudvulwe alahlwe le khashane, ngephandle kwemasango aseJerusalema.”

Jeremiya 41:7

Atsi kube angene ngekhatsi edolobheni, Ishmayeli, umsa waNethaniya, nalabehamba nabo wawabulala, tidvumbu tawo watijikijela emgodzini wemanti.

Jeremiya 41:9

Lomgodzi lapho alahla khona tonkhe letidvumbu talamadvodza labesawabulele kanye naGedaliya, bekungiwo lowo mgodzi lomkhulu lowawentiwe yinkhosi Asa, nakativikela ekuhlaselweni nguBhasha, inkhosi yaka-Israyeli. Nguwo-ke Ishmayeli, umsa waNethaniya, lawugcwalisa ngaletidvumbu.

Jeremiya 51:4

Bayakuwela phansi bagwaziwe eveni lemaBhabhulona, balimele bamancebanceba etitaladini talo.

Hezekeli 32:23

Emathuna abo asekujuleni kwemgodzi, nemphi yayo ilala itungelete lithuna layo. Bonkhe labo lababange kutfutfumela eveni lalabaphilako bagwaziwe, balahlwa phansi ngenkemba.

Hezekeli 32:27

Abalali yini kanye nalamabutfo langakasokwa lasabulewe, lehlele phansi ethuneni kanye netikhali tawo temphi, latinkemba tawo tabekwa ngaphansi kwetinhloko tawo? Sijeziso ngetono tawo sahlala ematsanjeni awo, lite nome kwesatjwa kwalamabutfo kwase kulisibekele lelive lalabaphilako.