Isaya 14:14 - Siswati 1996 Bible

¹⁴ Ngiyakwenyukela ngetulu kweticongo temafu. Ngiyawutenta ngifanane naNkulunkulu Losetikwako Konkhe.’

Isaya 14:14 Referencias Cruzadas

Genesisi 3:5

Kepha Nkulunkulu uyati kutsi mhlazana nisidla, emehlo enu ayawuvuleka, bese nifanana naNkulunkulu nikwati lokuhle nalokubi.”

Jobe 20:6

Nome kuphakama kwalomubi kuze kuphikelele emazulwini nje, nenhloko yakhe itsi ayitsintse emafu,

Isaya 21:1

Leli livi lesembulo lelimacondzana neBhabhulona, lihlane lelingaselwandle: Njengetiwunguwungwana tihhusha tendlula eveni laseningizimu, kanjalo umhlaseli uchamuka ngasehlane, eveni lelesabekako.

Isaya 47:1

Simakadze utsi: “Yehla, uhlale elutfulini, wena Ndvodzakati yaseBhabhulona. Hlala emhlabatsini, ungasahlali esihlalweni sebukhosi, Ndvodzakati yebaseBhabhulona. Awusayikubitwa ngekutsi ungulobutsakatsaka nalotsambile.

Isaya 47:8

“Nyalo-ke, lalela, wena mtsandzi wekukhibika, wena lotibusa ngekuvikeleka kwakho, ucabange utsi: ‘Ngimi ngimi, futsi kute lomunye. Ngingeke ngize ngibe ngumfelokati, nome ngive kufelwa bantfwana.’

Jeremiya 51:1

Naku lokushiwo nguSimakadze, utsi: “Buka la, ngiyawuvusa umoya wembhubhisi usukele iBhabhulona kanye nebantfu baseLebu Khamayi.

Hezekeli 28:2

“Ndvodzana yemuntfu, shano kumbusi waseThire, utsi: ‘Naku lokushiwo yiNkhosi Simakadze, itsi: “ ‘Ukhuluma ngekutigcabha enhlitiyweni yakho, utsi: “Mine ngingunkulunkulu; ngihlala esihlalweni sebukhosi sankulunkulu ekhatsi nekhatsi elwandle.” Kodvwa ungumuntfu, awusiye nkulunkulu, nome nje uticabanga kutsi uhlakaniphe njengankulunkulu.

Hezekeli 31:10

“ ‘Ngako-ke naku lokushiwo yiNkhosi Simakadze, itsi: Njengobe wawuphakeme, wengamele onkhe emacembe lahlangene, nanjengobe bewutigcabha ngalobudze bawo,

Danyela 11:36

“Inkhosi yasenyakatfo iyawukwenta njengekutsandza kwayo. Iyawutikhukhumeta, itibongelele yona, itibeke ngetulu kwato tonkhe tithico, ikhulume tintfo letingazange tikhulunywe ngumuntfu ngaNkulunkulu wabonkulunkulu. Iyawuphumelela kudzimate kuphelele sikhatsi selulaka, ngobe loko lokuhlosiwe kufanele kwenteke.

Danyela 11:37

Ayiyiwubanaka bonkulunkulu baboyise nome lowo lotsandvwa ngulabasikati, futsi ingeke inake nome ngumuphi nkulunkulu, kodvwa iyawutigabatisa yona itibeke ngetulu kwabo bonkhe.

2 kubaseThesalonika 2:4

Lowo uyakuhlala aphika atiphakamise ngetulu kwako konkhe lokubitwa ngaNkulunkulu nome lokukhontwako, kuze atewuhlala endzaweni lengcwele yaNkulunkulu, atigabatise yena ngekutsi unguNkulunkulu.