Isaya 14:1 - Siswati 1996 Bible

¹ Simakadze utawubonakalisa sihawu sakhe kuJakobe, utawuphindza futsi akhetse ema-Israyeli, awabuyisele eveni lawo. Betive batawutihlanganisa nawo, batihlanganise nendlu yaJakobe.

Isaya 14:1 Referencias Cruzadas

Esta 8:17

Kuwo onkhe emadolobha nemave lapho kwefika khona lesimemetelo sasebukhosini emaJuda ajabula aze aba nelilanga lekubonga, kwaba nemadzili, kwajatjulwa kwaba njeya. Empeleni bantfu labanyenti bavele bagucula iminyango baba ngemaJuda, ngobe phela abesanesitfunti, esatjwa.

Tihlabelelo 102:13

Uyawusukuma uhawukele iSiyoni, ngobe sengiso sikhatsi sekuyiphatsa ngemusa, yebo, sikhatsi lesimiselwe loko sesifikile.

Tihlabelelo 102:14

Tinceku takho tiyitsandza ngisho nematje ayo; tihawukela lutfuli lwayo.

Tihlabelelo 143:12

Bhubhisa tonkhe titsa tami ngekwemusa wakho, ubacedze bonkhe labemelene nami, ngobe mine ngiyinceku yakho.

Tihlabelelo 98:3

Uwukhumbulile umusa wakhe nekwetsembeka kwakhe kubaka-Israyeli. Imikhawulo yonkhe yemhlaba iyibonile insindziso yaNkulunkulu.

Isaya 19:18

Ngalelo langa emadolobha lasihlanu aseGibhithe ayawukhuluma siHebheru, lulwimi lwaseKhenani, ente sifungo kuSimakadze longuSomandla. Lelinye lawo kuyawutsiwa liDolobha Lembhubhiso.

Isaya 21:1

Leli livi lesembulo lelimacondzana neBhabhulona, lihlane lelingaselwandle: Njengetiwunguwungwana tihhusha tendlula eveni laseningizimu, kanjalo umhlaseli uchamuka ngasehlane, eveni lelesabekako.

Isaya 27:6

Ngemalanga letako, Jakobe uyawumila timphandze asime, Israyeli uyawuhluma achakaze timbali, agcwalise umhlaba wonkhe ngetitselo.

Isaya 41:8

“Kodvwa wena, Israyeli, nceku yami, Jakobe, wena lengikukhetsile, wena situkulwane sa-Abrahama umngani wami,

Isaya 41:9

ngakutsatsa emaphetselweni emhlaba, ngakubita emagunjini awo lakhashane. Ngakubita ngatsi: ‘Wena uyinceku yami,’ ngikukhetsile, ngangete ngakwala.

Isaya 44:1

“Kodvwa lalela, wena Jakobe, nceku yami, Israyeli, wena lengikukhetsile.

Isaya 45:14

Naku lokushiwo nguSimakadze, utsi: “Umkhicito waseGibhithe nalokuhwebiwe kwaseKushe, kanye nalawo maSeba, bantfu labadze, kuyawuta kuwe kube kwakho, Siyoni, bayawuhamba badzembuluka emvakwakho, bete kuwe baboshwe ngetinketane. Bayawukhotsama embikwakho bakuncenge, batsi: ‘Ngempela Nkulunkulu unani, futsi kute lomunye, kute lomunye Nkulunkulu.’ ”

Isaya 47:1

Simakadze utsi: “Yehla, uhlale elutfulini, wena Ndvodzakati yaseBhabhulona. Hlala emhlabatsini, ungasahlali esihlalweni sebukhosi, Ndvodzakati yebaseBhabhulona. Awusayikubitwa ngekutsi ungulobutsakatsaka nalotsambile.

Isaya 49:10

Abaseyikulamba, abaseyikoma; nekushisa kwaselugwadvule nekwelilanga akuseyikubashaya. Lowo lonesihawu nabo uyakubahola, abahambise ngasemitfonjeni yemanti.

Isaya 49:13

Memetani ngenjabulo, mazulu! Tsakasa, nawe mhlaba! Klabalazani nihlabele, nani tintsaba! Ngobe Simakadze uyabadvudvuta bantfu bakhe, futsi uyawuba nesihawu kulabo labadzabukisiwe bakhe.

Isaya 49:15

“Umfati angalukhohlwa yini luswane lolusesebeleni lakhe nekutsi abete sihawu kumntfwana lamtalako? Nome angakhohlwa, kodvwa mine ngingeke ngikukhohlwe wena.

Isaya 49:25

Kodvwa naku lokushiwo nguSimakadze, utsi: “Yebo, emabutfo ayakwemukwa labatfunjiwe, nalabanelunya bemukwe imphango. Kodvwa ngiyakulwa nalabo labalwa nawe, ngibasindzise bantfwabakho.

Isaya 49:7

Naku lokushiwo nguSimakadze, uMhlengi, naLongcwele waka-Israyeli, kuye lowake wedzelelwa wenyanywa sive, kuyo inceku yebabusi, utsi: “Emakhosi ayawukubona asukume, tikhulu tiyawukubona tikhotsame, ngenca yaSimakadze lowetsembekile, Longcwele waka-Israyeli, lokukhetsile.”

Isaya 54:3

Ngobe utalendlalela ngesekudla nangesancele, titukulwane takho tiyakudla emave etive, tihlale emadolobheni ato latindzala.

Isaya 55:7

Lomubi akayiyekele indlela yakhe lembi, nalokhohlakele ayekele imicabango yakhe lemibi. Akaphendvuke abuyele kuSimakadze, uyawuba nemusa kuye, akabuyele kuNkulunkulu wetfu, ngobe uyawumtsetselela ngenkhululeko.

Isaya 56:3

Akubete wekuhamba losatibophele yena kuSimakadze, lotsi: “Ngempela Simakadze uyakungehlukanisa nesive sakhe.” Akubete nemtsenwa lokhononako, atsi: “Ngisihlahla nje lesomile.”

Isaya 60:10

“Betive bayawutivusa tibondza takho, emakhosi abo ayawuhlehla kuwe. Noko ngakushaya ngenca yekutfukutsela, ngebubele bami ngiyawukuhawukela.

Isaya 60:14

Emadvodzana ebacindzeteli bakho ayawuta kuwe akhotsama, bonkhe laba labakwedzelelako bayawukhotsama etinyaweni takho, bayawukubita batsi uLidolobha laSimakadze, Siyoni waLongcwele waka-Israyeli.

Isaya 66:20

Bayawuletsa bonkhe bomnakenu, babakhipha kuto tonkhe tive, babayise entsabeni yami lengcwele eJerusalema, babe ngumnikelo kuSimakadze. Bayawubetfwala ngemahhashi, nangetincola temphi, nangetinkalishi, nangeminyuzi, nangemakamela,” kusho Simakadze. “Bayawuta nabo njengema-Israyeli nakaletsa iminikelo yawo yalokutinhlavu ngetitja letihlantekile ngekwemtsetfo, ateyetfula ethempelini laSimakadze.

Jeremiya 16:15

kodvwa bayakutsi: ‘Ngifunga kuphila kwaSimakadze, lowakhipha ema-Israyeli eveni lasenyakatfo, nakuwo onkhe emave lapho abebacoshele khona.’ Ngobe ngiyakubabuyisela kulelo live lengalinika boyisemkhulu.”

Jeremiya 29:14

Ngiyawutfolwa ngini nginibuyise ekutfunjweni kwenu,’ kusho Simakadze. ‘Ngiyawunibutsa kuto tonkhe tive netindzawo, lapho benginicoshele khona,’ kusho Simakadze. ‘Ngiyawunilandza nginibuyisele kuyo lendzawo lapho nganitsatsa khona naya ekudzingisweni.’

Jeremiya 30:8

“ ‘Ngalelo langa ngiyawulephula lijoko etintsanyeni tabo, ngitidzabule tibopho tabo; betive abaseyiwubagcilata,’ kusho Simakadze longuSomandla.

Jeremiya 31:4

Ngitawuphindze ngikwakhe kabusha, futsi utakwakheka wena Ntfombi lengu-Israyeli. Uyawuphindze utsatse emafahlawane akho, uphumele ngephandle, uyewugidza nalabajabulako.

Jeremiya 50:33

Naku lokushiwo nguSimakadze longuSomandla, utsi: “Bantfu baka-Israyeli bacindzetelekile, kanye nebantfu bakaJuda futsi. Bonkhe batfumbi babo babankonkoshele, bayala kubayekela bahambe.

Jeremiya 51:51

“Sihlazekile, ngobe setfukiwe, lihlazo lisimbonye buso betfu, ngobe bantfu bekuhamba bangenile etindzaweni letingcwele tendlu yaSimakadze.”

Hezekeli 16:60

Noko ngiyawusikhumbula sivumelwane lengasenta nawe ngesikhatsi sebusha bakho, ngiyawube sengimisa sivumelwane saphakadze nawe.

Hezekeli 47:22

Kufanele nilabe ngenkatho njengelifa lenu nalabo lababetive labahlala emkhatsini wenu, lasebatele nebantfwana. Niyakubatsatsa njengemisinsi yekutimilela yema-Israyeli. Nabo njengani kufanele babelwe lifa emkhatsini wetive tema-Israyeli.

Zakhariya 1:17

“Chubeka umemetele utsi: Naku lokushiwo nguSimakadze Somandla, utsi: ‘Emadolobha ami ayawuphindze aphuphume ngemnotfo, Simakadze aphindze ayidvudvute iSiyoni, akhetse iJerusalema.’ ”

Malakhi 1:11

“Libito lami liyawuba likhulu etiveni kusukela ekuphumeni kwelilanga kuze kube ngusekushoneni kwalo. Kuyo yonkhe indzawo imphepho neminikelo lehlantekile iyawuletfwa kulo Libito lami, ngobe Libito lami liyawuba likhulu etiveni,” kusho Simakadze longuSomandla.

Lukha 1:54

Usite inceku yakhe Israyeli ngekukhumbula umusa wakhe,

Lukha 2:32

lekukhanya lokwembulelwe betive, neludvumo esiveni sakho saka-Israyeli.”