Isaya 13:9 - Siswati 1996 Bible

⁹ Bukani, lilanga laSimakadze liyasondzela, lilanga lelinelulaka, nentfukutselo, nelulaka lolwesabekako; litekwenta live libe lihlane, libuye libhubhise netoni letikulo.

Isaya 13:9 Referencias Cruzadas

Tihlabelelo 104:35

Shangatsi toni tingasishulwa emhlabeni, lababi bangabe basaphushwa nakuphushwa. Mphefumulo wami, dvumisa Simakadze! Dvumisa Simakadze!

Taga 2:22

Kodvwa lababi bayawususwa eveni, nalabanemacebo bayawusishulwa kulo.

Isaya 13:6

“Lilani, ngobe lilanga laSimakadze selisondzele, litawufika liyimbhubhiso levela kuSomandla.

Isaya 2:12

Simakadze longuSomandla umise lilanga, ulibekele bonkhe labatigcabhako nalabatiphakamisako, nako konkhe lokuphakanyisiwe, kuze kutfotjiswe;

Isaya 34:8

Ngobe Simakadze unelilanga lekuphindzisela, umnyaka wekubuyisela ngenca yendzaba yaseSiyoni.

Isaya 63:4

Ngobe lilanga lekuphindzisela belisenhlitiyweni yami; nemnyaka wekuhlenga labangebami sewufikile.

Isaya 66:17

“Labo labatihlambululako, batingcwelisele kungena etivandzini, balandzela lowo losemkhatsini walabo labadla inyama yetingulube, nemagundvwane kanye naletinye tintfo letinengekako, bayawuphelela lapho kanyekanye,” kusho Simakadze.

Isaya 9:19

Ngelulaka lwaSimakadze longuSomandla live liyawugagadzeka, nebantfu bayawuba tinkhuni temlilo; kute loyawuphephisa umnakabo.

Hezekeli 13:5

Anikenyukeli etulu etikhaleni letiselubondzeni lwendlu yaka-Israyeli, kutsi nitivale khona lutakuma lucine lulungele imphi ngelilanga laSimakadze.

Hezekeli 30:3

Ngobe lilanga selisedvute, lilanga laSimakadze selisondzele, lilanga lemafu, sikhatsi sekubhubha kwetive.

Joweli 1:15

Maye, lilanga lelesabekako! Ngobe lilanga laSimakadze lisedvute, lilanga Somandla layawuletsa ngalo imbhubhiso.

Joweli 2:1

Vutselani licilongo eSiyoni, nilikhalise entsabeni yami lengcwele. Bonkhe labahlala eveni abatfutfumele, ngobe lilanga laSimakadze liyeta, yebo, selisondzele.

Joweli 2:31

Lilanga liyawuba mnyama, inyanga ibe bovu njengengati, lingakefiki lilanga lelikhulu nalelesabekako laSimakadze.

Nahume 1:2

Simakadze nguNkulunkulu lonesikhwele nalophindziselako. Simakadze uyabuyisela, futsi ugcwele intfukutselo. Simakadze uyatiphindziselela etitseni takhe, ehlisele njalo lulaka lwakhe kulabo labemelene naye.

Nahume 1:6

Ngubani nje longamelana nentfukutselo yakhe? Ngubani longabhekana nelulaka lwakhe lolwesabeka kangaka? Nakacitsa intfukutselo yakhe lenjengemlilo, emadvwala agayeka phansi abe tincetu embikwakhe.

Nahume 1:8

Ngesikhukhula lesinemandla baseNineve labaphambene naye uyawubacedza, abacoshe baye ebumnyameni.

Zefaniya 1:15

Lelo langa kuyawuba lilanga lelulaka, lilanga lelusizi nebuhlungu, lilanga lenhlupheko nembhubhiso, lilanga lebumnyama nelitfunti, lilanga lemafu nebumnyama lobukhulu,

Zakhariya 14:1

Lilanga laSimakadze liyeta, lapho iyakwehlukaniswa khona embikwemehlo enu imphango letsatfwe kini.

Malakhi 4:1

“Impela lilanga liyeta; liyawushisa njengemlilo lowesabekako nalohhumako. Bonkhe labatigcabhako bangangihloniphi nalabenta lokubi bayawuba tinhlanga, lelo langa lelitako liyawubalumekela ngemlilo,” kusho Simakadze longuSomandla. “Kute imphandze nome ligala leliyawusala kubo.

Sembulo 18:8

Ngako-ke tinhlupheko tayo tiyawufika ngalanga linye: kufa, lusizi, nendlala. Iyawushiswa ngemlilo, ngobe inemandla iNkhosi Nkulunkulu leyehlulelako.”