Isaya 13:20 - Siswati 1996 Bible

²⁰ Kungeke kuphindze kuhlale muntfu kuyo, kute loyawuphindze ahlale kuyo titukulwane ngetitukulwane; kute um-Arabu loyawumisa lithende lakhe lapho, kute nemelusi loyawuphumulisa imihlambi yakhe kuyo.

Isaya 13:20 Referencias Cruzadas

2 Tikhronike 17:11

Lamanye emaFilisti aletsa kuJehoshafati tipho nesiliva lekwakutetfulo; ema-Arabu amupha imihlambi yetihhanca letatiti-7 700, netimbuti letatiti-7 700.

Jobe 3:7

Shangatsi lobo busuku bungabate namunye umuntfu lowemitfwa ngabo, nekujabula kungevakali kubo.

Ingoma Yetingoma 1:7

Ngitjele-ke, wena lengikutsandzako, ngukuphi lapho udlisa khona umhlambi wakho, nalapho tihlabulela khona timvu takho emini. Kudzingeke ngani kutsi ngifanane nemfati longaphansi kweveyili, ngehle ngenyuka ngasemihlambini yebangani bakho?

Isaya 14:23

“Ngiyawuyenta ibe yindzawo yetikhova, kube yindzawo lelichaphoti. Ngiyawuyishanyela ngemshanyelo wembhubhiso,” usho njalo Simakadze longuSomandla.

Isaya 21:1

Leli livi lesembulo lelimacondzana neBhabhulona, lihlane lelingaselwandle: Njengetiwunguwungwana tihhusha tendlula eveni laseningizimu, kanjalo umhlaseli uchamuka ngasehlane, eveni lelesabekako.

Isaya 25:2

Lidolobha ulente laba yindvundvuma yemfuhlululu, yebo, lidolobha lelibiyelwe laba tindzala; siphephelo sebetive sangabe sisaba ngilo lidolobha, lingeke liphindze lakhiwe kabusha.

Isaya 34:17

Ukunika tabelo tako ngenkatho, sandla sakhe siyakwabela live njengekwesilinganiso, seliyawuba lako kokuphela, kuhlale khona situkulwane ngesitukulwane.

Jeremiya 49:33

“IHasori kuyawuba yindzawo lehlushwa timphungutja, indzawo leyawusala ikhala libhungane kuze kube nguphakadze. Kute muntfu loseyawubuye ahlale kuyo, yebo, kute loyawukwakha kuyo.”

Jeremiya 50:13

Ngenca yentfukutselo yaSimakadze angeke asahlalwa bantfu, kodvwa sewuyawusala ayedvwa. Bonkhe labendlula eBhabhulona bayakwetfuka bafe, bahleke lusulu, ngenca yawo onkhe emanceba ayo.

Jeremiya 50:21

“Hlasela live laseMerathayimu nalabo labahlala ePhekodi. Bacoshe, ubabulale, ubabhubhise ubacedze. Wente konkhe lengikuyale ngako,” kusho Simakadze.

Jeremiya 50:3

Sive lesichamuka enyakatfo siyawuyihlasela, live layo silishiye lingenalutfo. Kute muntfu loyawuhlala kulo, bantfu netilwane kuyawulibalekela.”

Jeremiya 50:39

“Ngako-ke tidalwa tasehlane netimphisi kuyawuhlala khona lapho, nesahhukulu siyakwakhela khona. Akusayiwuphindze kwakhe muntfu, nome ahlale khona, titukulwane ngetitukulwane.

Jeremiya 50:45

Ngako-ke, vanini losekulungiswe nguSimakadze engcondvweni yakhe ngeBhabhulona, loko lasatimisele kukwenta kulabo labahlala eBhabhulona: Ematfole emhlambi ayawuhudvulwa, uyakuwabhubhisa awacedze emadlelo abo ngenca yabo.

Jeremiya 51:25

“Ngimelene nawe, wena ntsaba lebhubhisako, wena lobhubhisa umhlaba wonkhe,” kusho Simakadze. “Ngiyakwelula sandla sami silwe nawe, ngikugicite ngikwehlise eticongweni, ngikwente ube yintsaba leshisiwe.

Jeremiya 51:29

Live liyatfutfumela ligidzitele, ngobe injongo yaSimakadze ngeBhabhulona imile, kutsi abhubhise live laseBhabhulona, kuze kutsi kubete namunye longahlala kulo.

Jeremiya 51:37

IBhabhulona iyawuba yindvundvuma yematje, kube ngumgedze wetimphungutja, sesabiso nentfo yekuphukutwa, yebo, indzawo lengahlalwa ngumuntfu.

Jeremiya 51:43

Emadolobha ayo ayawusala akhala libhungane, ibe live lelomile nalelilihlane, live lapho kungahlali muntfu khona, lapho kungahambi muntfu khona.