Isaya 13:1 - Siswati 1996 Bible

¹ Leli livi lesembulo ngeBhabhulona, lelefika ku-Isaya, umsa wa-Amose, ngembono:

Isaya 13:1 Referencias Cruzadas

2 Emakhosi 9:25

Jehu wakhuluma kuBidkari, umshayeli wencola yakhe, watsi: “Tsatsa lesidvumbu sakhe usijike lapha kulesivini lebesisaNabothi waseJezreyeli. Khumbula kutsi tsine nawe sasihamba sobabili sigibele incola yinye sidledlemuka emvakwa-Ahabi, uyise, ngesikhatsi Simakadze akhuluma lesiphrofetho ngaye, watsi:

Isaya 1:1

Lona ngumbono lowabonwa ngu-Isaya, umsa wa-Amose, ngebakaJuda nangebaseJerusalema ngesikhatsi kusabusa bo-Uziya, naJothamu, na-Ahazi, naHezekiya, emakhosi akaJuda.

Isaya 13:19

IBhabhulona ligugu lemibuso, ibuhle beligcabho lemaBhabhulona, Nkulunkulu uyakuyiketula iwe njengeSodoma neGomora.

Isaya 14:28

Leli livi lesembulo lelefika ngemnyaka wekufa kwenkhosi Ahazi, latsi:

Isaya 15:1

Leli livi lesembulo lelimacondzana neMowabi: Ngebusuku lekwabhujiswa ngabo i-Ari, live lonkhe lakaMowabi laphela laba tindzala. Ngebusuku lekwabhujiswa ngabo iKhiri, live lonkhe lakaMowabi lasala selitindzala.

Isaya 17:1

Livi lesembulo lelimacondzana neDamaseko: “Buka la, iDamaseko ingeke isaba lidolobha, kodvwa seyitawuba yindvundvuma nje yetindzala.

Isaya 19:1

Livi lesembulo lelimacondzana nelive laseGibhithe: Buka la, Simakadze ugibela lifu leligijima kakhulu, ubange kulaseGibhithe. Tithico taseGibhithe tiyawutfutfumela embikwakhe, netinhlitiyo tebantfu baseGibhithe tiyancibilika ngekhatsi kwabo.

Isaya 20:2

ngaleso sikhatsi Simakadze wakhuluma nga-Isaya, umsa wa-Amose. Wakhuluma kuye, watsi: “Khumula lamasaka emtimbeni wakho, naletincabule lapha etinyaweni takho.” Wakwenta loko Isaya, wahamba asangcunu, angakafaki lutfo nasetinyaweni.

Isaya 21:13

Leli livi lesembulo lelimacondzana ne-Arabiya lelitsi: Nine ludvwendvwe lwemakamela akaDedani, nine lenimisa emavungwini ase-Arabiya,

Isaya 22:1

Leli livi lesembulo lelimacondzana neSigodzi Sembono lelitsi: Kwentiwa yini kutsi bonkhe bantfu bakho bakhwele baye etulu etingcongwaneni tetindlu?

Isaya 22:25

Simakadze longuSomandla uyakhuluma utsi: “Ngalelo langa lesipikili besiyawushayelwa sishone sisime, siyawuphuma siwe, bese kutsi lomtfwalo bewuphanyekwe kuso udzilikele phansi emhlabatsini.” Simakadze ukhulumile.

Isaya 43:14

Naku lokushiwo nguSimakadze, uMhlengi wenu, Longcwele waka-Israyeli, utsi: “Ngenca yenu ngitawutfumela eBhabhulona, ngibabuyise njengemambuka bonkhe baseBhabhulona, ngibabuyise ngemikhumbi lababetigabatisa ngayo.

Jeremiya 24:1

Emvakwekutsi Jehoyakhini, umsa waJehoyakimu, inkhosi yakaJuda, netindvuna, nebakhandzi betinsimbi kanye nebabati labatingcweti kaJuda sebatfunjiwe eJerusalema bayiswa eBhabhulona nguNebukhadnezari, inkhosi yaseBhabhulona, Simakadze wangibonisa titja letimbili temakhiwa tibekwe embikwelithempeli laSimakadze.

Jeremiya 28:8

Kusukela etikhatsini takucala, baphrofethi labangembili kwetfu, bake baphrofetha ngemphi, nangesehlakalo, nangesifo lesibulalanako, bamelana nemave lamanyenti nanemibuso lemikhulu.

Jeremiya 50:1

Leli livi Simakadze lalikhuluma ngemlomo waJeremiya, umphrofethi, macondzana neBhabhulona nangelive lemaBhabhulona, litsi:

Jeremiya 51:51

“Sihlazekile, ngobe setfukiwe, lihlazo lisimbonye buso betfu, ngobe bantfu bekuhamba bangenile etindzaweni letingcwele tendlu yaSimakadze.”

Hezekeli 12:10

“Khuluma kubo, utsi: ‘Naku lokushiwo yiNkhosi Simakadze, itsi: Lelivi lesiphrofetho limacondzana nenkhosi leseJerusalema kanye nayo yonkhe indlu yaka-Israyeli lelapho.’

Danyela 5:28

Pharisini: Umbuso wakho wehlukanisiwe wanikwa emaMede nemaPheresiya.”

Danyela 5:6

Buso bayo bagucuka baphaphatseka, yatfutfumela kangangekutsi kwaze kwagedletela emadvolo ayo, kwatsamba nemilente yayo.

Nahume 1:1

Leli livi lesembulo macondzana neNineve, yincwadzi yembono waNahume wase-Elkhoshi.

Habakhuki 1:1

Leli livi lelembulelwa Habakhuki, umphrofethi.

Zakhariya 12:1

Livi lesembulo: Leli livi laSimakadze nga-Israyeli. Simakadze, lowendlale emazulu, lobeke tisekelo temhlaba, nalowabumba umoya wemuntfu ekhatsi kuye, utsi:

Zakhariya 9:1

Livi lesembulo: Livi laSimakadze limelene nelive lakaHadraki; nayo iDamaseko iyawuba yindzawo yekuhlala kwalelivi, ngobe emehlo aSimakadze asetikwabo bonkhe bantfu nakuto tonkhe tive tema-Israyeli,

Malakhi 1:1

Sembulo: Livi laSimakadze lelefika kuma-Israyeli ngemphrofethi Malakhi.

Matewu 1:11

Josaya watala Jekhoniya nabomnakabo, ngesikhatsi bantfu baka-Israyeli batfunjwa bayiswa eBhabhulona.

Sembulo 14:8

Ingilosi yesibili yalandzela yatsi: “Iwile, iwile iBhabhulona lenkhulu, leyenta tonkhe tive tinatse liwayini lebugwadla bayo!”