Isaya 12:5 - Siswati 1996 Bible

⁵ Hlabelani kuSimakadze, ngobe wente tintfo letincomekako; loku akwatiwe emhlabeni wonkhe.

Isaya 12:5 Referencias Cruzadas

Tihlabelelo 105:2

Hlabelani kuye, nimdvumise, nibalise ngetimangaliso takhe tonkhe.

Tihlabelelo 72:19

Alibongwe libito lakhe lenkhatimulo, libongwe kuze kube phakadze, shangatsi umhlaba wonkhe ungagcwala inkhatimulo yakhe. Amen! Yebo, Amen!

Tihlabelelo 98:1

Sihlabelelo. Hlabelani ingoma lensha kuSimakadze, ngobe wente tintfo letinkhulu; wancoba ngesandla sakhe sekudla nangengalo yakhe lengcwele.

Eksodusi 15:1

Mosi nema-Israyeli bahlabela kuSimakadze nansi ingoma, batsi: “Ngiyawuhlabela kuSimakadze, ngobe uphakanyiswe kakhulu, lihhashi nemgibeli walo ukujikijele elwandle.

Eksodusi 15:21

Miriyamu wabahlabelela watsi: “Hlabelani kuSimakadze, ngobe uphakanyiswe kakhulu, lihhashi nemgibeli walo ukujikijele elwandle.”

Isaya 24:14

Bantfu baphakamisa emaphimbo abo, bamemeta ngenjabulo; kusukela ngasenshonalanga badvumisa bukhosi baSimakadze.

Isaya 40:9

Wena loletsa tindzaba letimnandzi eSiyoni, khuphukela entsabeni lephakeme. Wena loletse tindzaba letimnandzi eJerusalema, phakamisa livi lakho, umemete, liphakamise, ungesabi. Tsanini kuwo emadolobha akaJuda: “Nangu Nkulunkulu wenu!”

Isaya 42:10

Hlabelani ingoma lensha kuSimakadze, netibongo takhe kusukela emikhawulweni yemhlaba, nine lenintjweza ngemikhumbi elwandle, nako konkhe lokukulo, nine tichingi, nani nonkhe lenihlala kuto.

Isaya 42:11

Lihlane nemadolobha alo akuphakamise emaphimbo ako; tabelo, lapho kuhlala khona bakaKhedari, atijabule. Bantfu baseSela abahlabele ngekujabula, abamemete baseticongweni tetintsaba.

Isaya 44:23

Hlabelani ngekujabula, nine mazulu, ngobe loku kwentiwe nguSimakadze; memetani kakhulu, nine tindzawo temhlaba letijulile. Hlokomani ngengoma, nine tintsaba, nine mahlatsi, nato tonkhe tihlahla tenu. ngobe Simakadze sewuhlenge Jakobe, ubonakalisa bukhosi bakhe ka-Israyeli.

Habakhuki 2:14

Ngobe umhlaba uyawugcwala kwati bukhosi baSimakadze, njengaloku emanti asibekela lwandle.

Malakhi 1:11

“Libito lami liyawuba likhulu etiveni kusukela ekuphumeni kwelilanga kuze kube ngusekushoneni kwalo. Kuyo yonkhe indzawo imphepho neminikelo lehlantekile iyawuletfwa kulo Libito lami, ngobe Libito lami liyawuba likhulu etiveni,” kusho Simakadze longuSomandla.

Sembulo 15:3

Babehlabela ingoma yaMosi, sisebenti saNkulunkulu, nengoma yeliWundlu, batsi: “Tinkhulu tiyamangalisa tento takho, Nkhosi, Nkulunkulu, Somandla! Tilungile tiliciniso tindlela takho, Nkhosi yetive tonkhe.