Isaya 12:2 - Siswati 1996 Bible

² Impela, Nkulunkulu uyinsindziso yami; ngiyakumetsemba ngingesabi, Simakadze, Simakadze ungemandla ami nengoma yami; nguye loyinsindziso yami.”

Isaya 12:2 Referencias Cruzadas

2 Samuweli 7:24

Umise sive sakho, ema-Israyeli, sibe sive lesingusona sisakho phakadze naphakadze, wena-ke Simakadze, sewaba nguNkulunkulu waso.

Jobe 13:16

Ngempela, loko kungahle kunginike siciniseko semphumelelo yami, ngobe kute umuntfu longamesabi Nkulunkulu longahle asondzele kuye.

Tihlabelelo 112:8

Unesibindzi, angeke esabe, aze abone kujabhiswa kwetitsa takhe.

Tihlabelelo 118:14

Simakadze ungemandla ami nengoma yami, sewuyinsindziso yami.

Tihlabelelo 118:21

Ngiyawukubonga ngobe ungiphendvulile, waba yinsindziso yami.

Tihlabelelo 27:1

Simakadze usibane sami nensindziso yami. Ngiyakwesaba bani? Simakadze uyinqaba yami yekufihla kuphila kwami. Pho, ngubani lengingamesaba?

Tihlabelelo 65:6

Wena lowamisa tintsaba ngemandla akho, watimisa uvunule emandla.

Tihlabelelo 68:20

Nkulunkulu, longuNkulunkulu wetfu, unguNkulunkulu wensindziso, emandla ekubalekela kufa ngewaSimakadze iNkhosi.

Tihlabelelo 68:21

Empeleni, Nkulunkulu uyawutiphohlota, tinhloko tetitsa takhe, aphihlite netinkhakhayi talabaphikelela etonweni.

Tihlabelelo 83:18

Shangatsi bangati kutsi nguwe wedvwa lolibito lakhe linguSimakadze, nguwe Losetikwako Konkhe, lophakeme abuse umhlaba wonkhe.

Eksodusi 15:2

Simakadze uyingoma yami, nemandla ami, yena sewuyinsindziso yami. Nguye longuNkulunkulu wami, ngiyawudvumisa yena. Yena unguNkulunkulu wabobabemkhulu, ngiyawudvumisa bukhulu bakhe.

Isaya 10:24

Ngako-ke naku lokushiwo yiNkhosi, Simakadze lenguSomandla, itsi: “Awu, sive sami lesihlala eSiyoni, ningawesabi ema-Asiriya wona lanishaya ngendvuku aniphakamisele sagila, njengobe kwakwenta baseGibhithe.

Isaya 17:10

Umkhohliwe Nkulunkulu uMsindzisi wakho; awukalikhumbuli lidvwala lelisiphephelo sakho. Ngako-ke nome ungahlanyelela tithico takho titfombo letinhle kakhulu, uhlanyele tivini letiphuma kulamanye emave,

Isaya 27:5

Nome-ke wona abaleke atewubhaca kimi, akabuyisane nami, yebo, akabuyisane nami.”

Isaya 32:2

Ngulowo nalowo wabo uyawufanana nesiphephelo emoyeni, abe ngumkhoselisi kuso sivunguvungu, abe njengemifula yemanti ehlane, afanane nelitfunti lelidvwala lelikhulu eveni lelomele emanti.

Isaya 33:22

Ngobe Simakadze ngumehluleli wetfu; Simakadze nguyena sishayamtsetfo setfu, Simakadze yinkhosi yetfu, nguye lotasisindzisa.

Isaya 38:20

Simakadze utangisindzisa; siyawuhlabela ngetingubhu letinetintsambo onkhe emalanga emphilo yetfu sisethempelini laSimakadze.

Isaya 45:17

Kodvwa Israyeli uyawusindziswa nguSimakadze ngensindziso yaphakadze; ningeke nidliwe ngemahloni nome nihlazeke phakadze naphakadze.

Isaya 49:5

Manje-ke utsi Simakadze, lowo lowangibumba esiswini kutsi ngibe yinceku yakhe, kuze ngitewubuyisela Jakobe kuye, ngibutsele ema-Israyeli kuye, ngobe ngihloniphekile emehlweni aSimakadze, naNkulunkulu wami waba ngemandla ami,

Isaya 50:10

Ngubani emkhatsini wenu lowesaba Simakadze nalolalela livi lenceku yakhe? Lowo lohamba ebumnyameni, longenako kukhanya, aketsembele kulo Libito laSimakadze, asime kuNkulunkulu wakhe.

Isaya 51:12

“Mine, mine ngekwami, nginguye lonidvudvutako. Benibobani-ke nine kutsi ningesaba bantfu lababhubhako, emadvodzana ebantfu, latjani nje,

Isaya 61:10

Ngiyajabula kakhulu ngaSimakadze; umphefumulo wami uyajabula ngaNkulunkulu wami. Ngobe ungembatsise ngetingubo tensindziso, wangihlobisa ngemjiva wekulunga, njengemyeni ahlobisa inhloko yakhe njengemphristi, nanjengamakoti lotihlobise ngebuhlalu bakhe.

Isaya 62:11

Lalelani la: Simakadze sewente simemetelo lesiya emikhawulweni yonkhe yemhlaba, lesitsi: “Tjela iNdvodzakati yaseSiyoni, utsi: ‘Buka, nanguya uMsindzisi wakho uyeta! Bukela, umvuzo wakhe ukuye, nenkhokhelo yakhe ihamba embikwakhe.’ ”

Isaya 65:18

Kodvwa jabulani nitfokote phakadze naphakadze ngaloko lengiyawukudala, ngobe iJerusalema ngiyawuyidala ibe yintfokoto, nebantfu bayo babe yinjabulo.

Isaya 7:14

Ngako-ke, Nkulunkulu, yena cobo lwakhe, utawuninika sibonakaliso: Intfombi iyawukhulelwa itale indvodzana, yetsiwe libito kutsiwe ngu-Imanyuweli.

Jeremiya 23:6

Ngalawo malanga ayo Juda uyawusindziswa, na-Israyeli uyawuhlala aphephile. Leli libito lakhe layawubitwa ngalo, kutsiwe: Simakadze Kulunga Kwetfu.”

Jeremiya 3:23

Impela, kukhonta kwetfu tithico, yebo, kuyaluka emagcumeni nasetintsabeni kutiyenga nje. Impela insindziso yaka-Israyeli ikuSimakadze Nkulunkulu wetfu.

Danyela 3:28

Nebukhadnezari-ke wakhuluma watsi: “Akadvunyiswe Nkulunkulu waboShadraki, naMeshaki, na-Abednego lotfume ingilosi yakhe kutsi itewulamlela tinceku takhe! Babemetsembile bangete bawutsatsa umyalo wenkhosi, batimisela kulahlekelwa nakuphila kwabo kunekutsi bakhonte nome bakhotsamele lomunye nkulunkulu ngaphandle kwaNkulunkulu wabo.

Hoseya 1:7

Noko ngiyakuyihawukela indlu yakaJuda; ngiyakubasindzisa, kodvwa hhayi ngebutjoki, nangenkemba, nangemphi, nangemahhashi, nangebagibeli bemahhashi, kodvwa ngiyakubasindzisa mine, Simakadze longuNkulunkulu wabo.”

Joweli 2:23

Jabulani, nine sive saseSiyoni, tfokotani kuSimakadze Nkulunkulu wenu, ngobe sewuniphe umfundzisi wekulunga. Unitfumela imvula lenyenti, imvula yasekwindla neyasentfwasahlobo njengakucala.

Jona 2:9

Kepha mine ngiyawuhlabela kuwe ngelivi lekubonga, nginikele ngemihlatjelo; loko lengikufungele ngiyawukufeza. Insindziso ivela kuSimakadze.”

Habakhuki 3:18

noko ngitawujabula ngaSimakadze, ngijabulele Nkulunkulu, uMsindzisi wami.

KubaseRoma 1:16

Anginamahloni ngeliVangeli, ngobe lingemandla aNkulunkulu ekusindzisa bonkhe bantfu labakholwako, kucala emaJuda, kulandzele emaGriki.

1 kuThimothi 3:16

Siyavuma kutsi yinkhulu kakhulu imfihlakalo yenkholo yetfu yekutsi: Wabonakaliswa angumuntfu, wafakazelwa nguMoya, wabonwa tingilosi, washunyayelwa kubetive, wakholeka emhlabeni, wenyukela enkhatimulweni.

Sembulo 7:10

Sakhala ngelivi lelikhulu satsi: “Insindziso yaNkulunkulu wetfu, lohleti esihlalweni sebukhosi, neyeliWundlu.”

1 Samuweli 2:1

Hana wachubeka wathandaza watsi: “Inhlitiyo yami iyajabula kuSimakadze; Simakadze ungemandla ami. Umlomo wami uyaticoloshela titsa tami, ngobe ngiyajabula ekusindziseni kwakhe.