Isaya 11:11 - Siswati 1996 Bible

¹¹ Ngalelo langa Simakadze uyakwelula sandla sakhe kwesibili atibutsele imisalela yesive sakhe leyawube isasele e-Asiriya, naseGibhithe Lengentansi, neGibhithe Lengenhla, naseKushe, nase-Elamu, naseBhabhulona, naseHamathi, nasemaveni langaselwandle.

Isaya 11:11 Referencias Cruzadas

Genesisi 10:10

Umbuso wakhe wacala ngeBhabheli, nase-Ereki, nase-Akhadi, konkhe kwakuseveni laseShinari.

Genesisi 10:22

Emadvodzana aShemi bekubo-Elamu, na-Ashuri, na-Aphakshadi, naLudi, na-Aramu.

Genesisi 11:2

Batsi basahambahamba ngasemphumalanga, bakhandza litsafa eveni laseShinari, bafike bahlala khona.

Genesisi 14:1

Emakhosi lamane: Amrafeli, inkhosi yaseShinari, na-Ariyoki, inkhosi yase-Elasare, naKhedolawomere, inkhosi yase-Elamu, naThidali, inkhosi yetive,

Genesisi 2:13

Umfula wesibili yiGihoni; ngiwo logeleta utungelete lonkhe live laseKushe.

2 Emakhosi 17:24

Inkhosi yase-Asiriya yaletsa bantfu baseBhabhulona nebaseKutha, nebase-Ava, nebaseHamathi, nebaseSefavayimu, yabahlalisa emadolobheni aseSamariya, esikhundleni sema-Israyeli. Bayitsatsa-ke iSamariya, bahlala emadolobheni ayo.

Esta 10:1

Bantfu lababeselugwini lwembuso kanye nalabo labebakhe ekhatsi kwelive, inkhosi Ahashiveroshi wabaphocelela kutsi bamsebentele kamatima.

Tihlabelelo 68:22

Simakadze wakhuluma watsi: “Titsa takho ngiyawutibuyisa naseBhashani, ngibuyise naletisekujuleni kwelwandle,

Isaya 1:9

Kube Simakadze longuSomandla akasishiyelanga insali, ngabe sesifanana neSodoma, yebo, ngabe sesifanana neGomora.

Isaya 10:20

Ngalelo langa insali yaka-Israyeli, ngisho labo labasasele bendlu yakaJakobe, bangeke basetsembela kuye lowo lowabashaya balahleka phansi; kodvwa bayakwetsembela ngeliciniso kuSimakadze, Longcwele waka-Israyeli.

Isaya 10:9

IKhalno ayikafanani yini neKhakhemishi? IHamathi ayifanani yini ne-Aphadi? ISamariya yona ayifanani yini neDamaseko?

Isaya 11:16

Kuyawuba nemgwaco lomkhulu wemisalela yesive sakhe leyawube isele e-Asiriya, njengobe wawukhona nakubaka-Israyeli ngesikhatsi baphuma eGibhithe.

Isaya 19:21

Ngako Simakadze uyakwenta kutsi emaGibhithe amati; ngalelo langa bayawumhlonipha Simakadze. Bayawumkhonta ngemihlatjelo nangeminikelo yalokutinhlavu, bayakwenta tetsembiso kuSimakadze, futsi bayawutigcina.

Isaya 19:22

Simakadze uyawushaya iGibhithe ngesifo lesibulalanako; uyawubashaya ngaso, aphindze abaphilise. Bayawuphendvukela kuSimakadze, naye uyawukuva kuncusa kwabo, bese uyabaphilisa.

Isaya 21:2

Ngikhonjiswe umbono lowesabekako: Bantfu labangemambuka bayatsengisana, baphangi batsatsa imphango. Hlaselani, nine ma-Elamu! Vimbetelani, nani maMede! “Ngitakucedza konkhe loko kububula lobekubangwa baseBhabhulona.”

Isaya 22:6

Elamu utsatsa umgodla wemicibisholo, utseleka nebagibeli bakhe betincola kanye nemahhashi; emadvodza aseKhiri agwabula emahawu.

Isaya 24:15

Ngako-ke nine basemphumalanga, nikani Simakadze ludvumo, niphakamise Libito laSimakadze, longuNkulunkulu wema-Israyeli, nimphakamise etichingini taselwandle.

Isaya 37:31

Insali yendlu yakaJuda iyawuphindza futsi ifake timphandze tayo phansi, ngetulu itsele titselo tayo.

Isaya 42:10

Hlabelani ingoma lensha kuSimakadze, netibongo takhe kusukela emikhawulweni yemhlaba, nine lenintjweza ngemikhumbi elwandle, nako konkhe lokukulo, nine tichingi, nani nonkhe lenihlala kuto.

Isaya 42:12

Abanike Simakadze ludvumo, bamemetele ludvumo lwakhe etichingini.

Isaya 42:4

ngeke angabate nome ajabhiswe, aze emise umtsetfocotfo wami emhlabeni. Tichingi tiyawubeka litsemba lato kulomtsetfo wakhe.”

Isaya 45:14

Naku lokushiwo nguSimakadze, utsi: “Umkhicito waseGibhithe nalokuhwebiwe kwaseKushe, kanye nalawo maSeba, bantfu labadze, kuyawuta kuwe kube kwakho, Siyoni, bayawuhamba badzembuluka emvakwakho, bete kuwe baboshwe ngetinketane. Bayawukhotsama embikwakho bakuncenge, batsi: ‘Ngempela Nkulunkulu unani, futsi kute lomunye, kute lomunye Nkulunkulu.’ ”

Isaya 49:12

Buka la: Bayawuchamuka khashane, labanye enyakatfo, labanye enshonalanga, labanye etigodzini taseSinimu.”

Isaya 66:19

“Ngiyawubeka sibonakaliso emkhatsini wabo, bese ngitfumela labanye balabo labaphephile etiveni: eThashishi, nakumaLibhiya, nemaLudi, labadvume ngekuba banembi ngebutjoki, naseThubhali, naseGrisi, nasetichingini letikhashane letingazange setive ngeludvumo lwami nome tibone bukhosi bami. Bayawumemetela bukhosi bami kubetive.

Jeremiya 25:25

nawo onkhe emakhosi aseZimri, newase-Elamu, newaseMediya;

Jeremiya 31:10

“Vanini livi laSimakadze, nine tive; limemeteleni etichingini letikhashane, nitsi: ‘Lowo lowasakata Israyeli uyawumbutsa futsi, uyakwelusa umhlambi wakhe njengemelusi.’

Jeremiya 44:1

Leli livi lelefika kuJeremiya macondzana nawo onkhe emaJuda labehlala eGibhithe Lengentansi, eMigdoli, naseThaphanesi, naseMemfisi, naseGibhithe Lengenhla, litsi:

Jeremiya 49:23

Macondzana neDamaseko: “IHamathi ne-Aphadi kujabhile, ngobe kuve tindzaba letimbi. Kuphelelwe tinhlitiyo, kugubhutele njengemagagasi elwandle.

Hezekeli 27:6

Ngema-okhi aseBhashani bakwentela emaphini ekugwedla. Ngetigodvo temsayipuresi lesuka elusentseni lwaseSiphrosi benta indzawo yakho yekuhambahamba emkhunjini, yahlotjiswa ngematinyo etindlovu.

Hezekeli 29:14

Ngiyawubabuyisa ekutfunjweni, ngibabuyisele ePhathrosi, live labokhokho babo. Lapho-ke bayawuba ngumbuso lotfobekile.

Hezekeli 30:14

IPhathrosi ngiyakuyenta ibe lihlane, iSoyani ngiyilumeke ngemlilo, iThebesi ngiyehlisele sijeziso.

Hezekeli 32:24

“I-Elamu ilapho, kanye nato tonkhe ticumbi tebantfu bayo labatungelete lithuna layo. Bonkhe bagwaziwe, balahlwa phansi ngenkemba. Bonkhe labo lababange kutfutfumela eveni lalabaphilako behla bangakasoki baya ngaphansi kwemhlaba. Betfwele lihlazo labo kanye nalabo labehlela emgodzini.

Hezekeli 38:8

Emvakwemalanga lamanyenti utawubitelwa embutfweni. Kuleminyaka letako utawuhlasela live leselibuyiswe emphini, lelibantfu balo babutfwa etiveni letinyenti, bayiswa etintsabeni taka-Israyeli letase tikhala libhungane kadzenidzeni. Bakhishwe etiveni ngetive, kodvwa nyalo bonkhe sebahlala bavikelekile.

Danyela 1:2

Simakadze wanikela Jehoyakimu, inkhosi yakaJuda, kanye naletinye timphahla tasethempelini laNkulunkulu esandleni saNebukhadnezari. Letimphahla watetfwala watiyisa ethempelini lankulunkulu wakhe kulaseBhabhulona, wafike watibeka endlini yengcebo yankulunkulu wakhe.

Danyela 11:18

Uyawujikisa ingcondvo yakhe ayibhekise emaveni lagudla tilwandle atsatse lamanyenti awo, kodvwa umkhuteli wemphi uyawucedza kutigabatisa kwakhe, akugucule lokutigabatisa kwakhe abuyisele lihlazo kuye.

Danyela 8:2

Embonweni wami ngatibona mine ngisenqabeni yaseSusa esifundzeni sase-Elamu; kulombono ngangiseceleni kwemfula, i-Ulayi.

Hoseya 1:11

Bantfu bakaJuda nebantfu baka-Israyeli bayawuphindze bahlanganiswe, bese babeka umholi wabo abe munye, bahlume eveni labo, ngobe liyawuba likhulu lelo langa lakaJezreyeli.

Hoseya 11:10

Bayawulandzela Simakadze; uyawubhodla njengelibhubesi. Nakabhodla, bantfwabakhe bayawuta batfutfumela, bachamuka ngasenshonalanga.

Hoseya 11:11

Bayawuta batfutfumela njengetinyoni tiphuma eGibhithe, nanjengematuba aphuma e-Asiriya. Ngiyawubahlalisa emakhaya abo,” kusho Simakadze.

Mikha 7:12

Bantfu bakini bayawubuya, baphuma yonkhe indzawo; e-Asiriya emphumalanga, eGibhithe eningizimu, etifundzeni teYufrathe, nasetilwandle letikhashane, nasetintsabeni letikhashane.

Zefaniya 2:11

Simakadze uyakwesabeka kubo, nase abhubhisa bonkhe bonkulunkulu balelo live. Tive letikulo lonkhe lusentse lwelwandle tiyakumkhonta, nguleso naleso sive eveni laso.

Zakhariya 5:11

Yangiphendvula, yatsi: “Baliyisa eveni laseBhabhulona, bayakulakhela indlu khona. Itakutsi nase ilungile lendlu, bese balibeka khona lapho endzaweni yalo.”

Zakhariya 8:7

Naku lokushiwo nguSimakadze longuSomandla, utsi: “Ngiyawubasindzisa bantfu bami eveni langasemphumalanga nakulo langasenshonalanga.

Zakhariya 9:2

nasetikweHamathi futsi lengumnyele wabo, nasetikweThire kanye neSidoni, nome bona bahlakaniphe kakhulu.

KubaseRoma 11:15

Ngobe nangabe kulahlwa kwabo bekukubuyisana kwaNkulunkulu nemhlaba wonkhe, pho, kwemukelwa kwabo kungaba yini, nakungesiko kuphila kulabafile?

KubaseRoma 11:26

Onkhe ema-Israyeli ayawusindziswa kanjalo-ke, njengobe kubhaliwe kutsi: “UMkhululi uyawuvela eSiyoni loyawususa konkhe konakala kuJakobe.

2 kubaseKorinthe 3:16

Kodvwa “umuntfu nakaphendvukela kuNkulunkulu, indvwangu iyesuswa.”

Dutheronomi 9:29

Empeleni basive sakho lesilifa lakho, lowalikhipha ngemandla akho lamakhulu nangengalo yakho leyelulekile.’ ”