Isaya 11:1 - Siswati 1996 Bible

¹ Kuyawuhluma lihlumela esiphuntini sakaJese; ligala lelimila etimphandzeni takhe liyawutsela titselo.

Isaya 11:1 Referencias Cruzadas

2 Samuweli 23:3

Nkulunkulu wema-Israyeli wakhuluma, Lidvwala laka-Israyeli latsi kimi: ‘Nangabe umuntfu ahola sive ngekulunga, asibuse ngekwesaba Nkulunkulu,

1 Tikhronike 2:12

Bowazi abenguyise wa-Obedi, Obedi anguyise waJese.

Tihlabelelo 145:11

Bayawudvumisa ngenkhatimulo yebukhosi bakho, bashumayele ngemandla akho;

Isaya 11:10

Ngalelo langa iMphandze yaJese iyakuma ibe siboniso kubetive, tive tiyawuhlangana kuyo, indzawo yayo yekuphumula ibe neludvumo.

Isaya 4:2

Ngalelo langa Ligala laSimakadze liyawuba lihle likhatimule, netitselo talelo live tiyawuba ludvumo nebuhle betinsali taka-Israyeli.

Isaya 53:2

Inceku yakhe yakhula embikwakhe njengelihlumela lelitsambile, nanjengemphandze emhlabatsini lowomile. Yayite buhle nome bukhosi kuze isikhange kutsi sisondzele kuyo, kute lebeyibonakala inako lokwakungenta kutsi siyilangatelele, siye kuyo.

Isaya 6:13

Nome ngabe kusekhona kwelishumi lokusasele kulo live, nako futsi kuyawulahlwa kungabi namsebenti. Kodvwa-ke njengobe umtherebinte nem-okhi kushiya tiphunti nakugawuliwe, kanjalo nenhlanyelo lengcwele iyawuba siphunti eveni.”

Isaya 9:6

Ngobe tsine sitalelwe umntfwana, siphiwe indvodzana. Umbuso uyawubasemahlombe akhe. Uyawutsiwa nguMeluleki Lomangalisako, nguNkulunkulu Lonemandla, nguBabe Waphakadze, yiNkhosi Yekuthula.

Isaya 9:7

Umbuso wakhe uyawukhula, kuthula nenhlalakahle kungeke kuphele. Uyawubusa esihlalweni sebukhosi saDavide, nasembusweni wakhe. Uyakuwumisa awusekele ngekwemtsetfocotfo nangekulunga, kusukela kuleso sikhatsi kuze kube nguphakadze naphakadze. Inshisekelo yaSimakadze longuSomandla iyawukwenta loko.

Jeremiya 23:5

Simakadze utsi: “Ayeta emalanga, lapho ngiyawukuvusela khona Davide Ligala lelilungile, iNkhosi leyawubusa ngekuhlakanipha, yente lokucotfo nalokulungile eveni.

Jeremiya 33:15

“ ‘Kulawo malanga nangaleso sikhatsi ngiyawuhlumisa Ligala Lelilungile leliyawuhluma elusendvweni lwendlu yakaDavide. Uyakwenta lokubucotfo bemtsetfo nalokulungile eveni.

Hezekeli 17:22

“ ‘Naku lokushiwo yiNkhosi Simakadze, itsi: Mine, cobo lwami, ngiyawusincamula etulu sihloko semsedari ngisihlanyele. Ngiyawuhlutfula umdvumba wesihloko sawo losetulu kakhulu ngiwuhlanyele entsabeni lephakeme nalendze,

Hezekeli 37:25

Bayawuhlala eveni lengalipha inceku yami Jakobe, live lapho kwakuhlala khona boyihlomkhulu. Bona kanye nebantfwababo, kanye nebantfwana bebantfwababo, bayawuhlala lapho phakadze naphakadze; naDavide, inceku yami, uyawuba yinkhosi yabo phakadze naphakadze.

Mikha 5:2

Simakadze utsi: “Betlehema Efratha, nome ungulomunye wemiti lemincane yakaJuda, kodvwa ngiyawuveta kuwe umbusi loyawubusa sive saka-Israyeli. Lusendvo lwakhe luyawusukela kulolo lwaluvele lukhona kwasekucaleni.”

Zakhariya 3:8

“ ‘Lalela, wena mPhristi Lomkhulu Jeshuwa, kanye nalabo bangani bakho labahleti embikwakho, labangemadvodza lasibonakaliso setintfo letitako: Ngitawuletsa inceku yami, Ligala.

Zakhariya 6:12

Ufike umtjele kutsi naku lokushiwo nguSimakadze longuSomandla, utsi: ‘Nangu umuntfu lolibito lakhe nguLigala, futsi uyawuhluma akhule endzaweni yakhe, akhe lithempeli laSimakadze.

Matewu 1:1

Lona ngumlandvo wekutalwa kwaJesu Khristu, labesitukulwane saDavide, naye abesitukulwane sa-Abrahama.

KubaseRoma 15:12

Kantsi na-Isaya utsi: “Kuyawufika umliba waJese, lowo uyawuvukela kubusa tive, tive tiyakwetsembela kuwo.”

KumaHebheru 7:14

Ngobe kuyakhanya kutsi iNkhosi yetfu yatalwa esiveni sakaJuda, kunjalo nje naMosi akazange akhulume ngebaphristi bakuleso sive.

Sembulo 22:16

“Mine, Jesu, nginitfumele ingilosi yami kutsi itewuvakalisa letindzaba emabandleni. Ngisitukulwane nentalo yaDavide. Ngiyinkhanyeti yekusa lecwebetelako.”

Sembulo 5:5

Lelinye lalamalunga latsi kimi: “Ungakhali! Asubuke! INgwenyama yesive sakaJuda, lengumliba waDavide incobile. Yona-ke ingaticatulula letimphawu letisikhombisa ivule lencwadzi.”

Ruthe 4:17

Bafati lababebomakhelwane bametsa libito lakhe batsi ngu-Obedi. Phela bonkhe babekhuluma batsi: “Kutelwe indvodzana kaNawomi.” Obedi watala Jese; Jese watala Davide.

1 Samuweli 17:58

Sawula wambuta watsi: “Ungumsa wabani, mfana?” Davide waphendvula watsi: “Ngitalwa yinceku yakho lenguJese waseBhetlehema.”