Isaya 10:34 - Siswati 1996 Bible

³⁴ Uyawugawula tihlahla telihlatsi ngelizembe; iLebanoni iyakuwa embikwakhe Lonemandla Onkhe.

Isaya 10:34 Referencias Cruzadas

Tihlabelelo 103:20

Dvumisani Simakadze, nine tingilosi takhe, nani machawe lanemandla, nine labenta livi lakhe, nilalele kukhuluma kwelivi lakhe.

Isaya 10:18

Uyawucedza buhle bemahlatsi akhe, nemasimi akhe lavundzile, kuphele umtimba nemphefumulo, kube njengekuphela kwemuntfu logulako.

Isaya 2:13

lilanga lelibekelwe yonkhe imisedari yaseLebanoni, lephakeme naletiphakamisako, futsi libekelwe onkhe ema-okhi aseBhashani;

Isaya 31:8

“Ema-Asiriya ayawubhujiswa ngenkemba, inkemba lengesiyo yendvodza, inkemba lengesiyo yebantfu lababhubhako, itawagwinya. Ayakuyibalekela lenkemba, nemajaha awo ayawusetjentiswa kamatima.

Isaya 33:9

Live liyalila ligedvuke, iLebanoni ihlazekile, iyabuna; iSharoni ifanana nelihlane i-Arabha, iBhashani neKhameli kuhhohlota emacembe ayo.

Isaya 37:24

Ngetigijimi takho umpongise tindvundvuma tetinhlamba kuSimakadze, futsi watsi: ‘Ngetincola tami temphi letinyenti ngigibele ticongo tetintsaba, ticongo letiphakeme kakhulu taseLebanoni. Ngijube imisedari yakhona lemidze kakhulu, kanye netipheshula telikhetselo. Ngifinyelele kuletikhashane tindzawo takhona, emahlatsi akhona elikhetselo.

Isaya 37:36

Ngako ingilosi yaSimakadze yaphuma yabhubhisa emadvodza lati-185 000, labesenkambu yema-Asiriya. Batsi bantfu nabavuka ekuseni ngakusasa, bakhangwa lucaca lwetidvumbu!

Jeremiya 22:7

Ngiyawutfumela babhubhisi batekulwa nawe, lowo nalowo ngetikhali takhe, bayakuwageca lamakabha akho lamahle emsedari bawalahle emlilweni.

Jeremiya 48:2

IMowabi ayisayiwuphindza idvunyiswe; eHeshboni emadvodza ayawuyakhela emasu ekuyiwisa atsi: ‘Buyani sitewusicedza lesive, singaphindzi sibe sive.’ Nawe futsi wena Madmeni, uyawubindziswa, uyawuvalwa umlomo, uyawube ucoshwa yinkemba.

Hezekeli 31:3

Cabanga nge-Asiriya, leyake yaba ngumsedari waseLebanoni, lewawunemagala lamahle wengamele lihlatsi; waphakamela etulu kakhulu, sihloko sawo sasingetulu kwemacembe lahlangene.

Danyela 4:23

“Wena, nkhosi, ubone sitfunywa, lesingcwele, sehla siphuma ezulwini, sitsi: ‘Sijube leso sihlahla usibhubhise, kodvwa ushiye siphunti saso, siboshwe ngensimbi nangelitfusi etjanini besiganga, timphandze taso tisesele phansi emhlabatsini. Lomuntfu akanetfwe ngematolo asezulwini; akahlale njengetilwane tesiganga, kuze kwendlule tikhatsi letisikhombisa ngakuye.’

Nahume 1:12

Naku lokushiwo nguSimakadze, utsi: “Nome ema-Asiriya anemandla futsi amanyenti, ayakubhujiswa aphele. Nome senginihluphe nganishaya kangaka, nine maJuda, ngingeke ngisachubeka nekunihlupha.

2 kubaseThesalonika 1:7

bese uletsa kuphumula kini nine lenihluphekako, kanye nakitsi ngesikhatsi iNkhosi Jesu yembulwa ivela ezulwini, ikanye netingilosi tayo letinemandla.

2 yaPhetro 2:11

kantsi ngisho netingilosi, letinkhulu kakhulu kunabo ngebuchawe nangemandla, atibahlambalati labo bantfu ngekubamangalela embikweNkhosi.

Sembulo 10:1

Ngase ngibona lenye ingilosi lenemandla lamakhulu yehla ezulwini yehlela phansi, yembetse lifu, inemushi wenkosazana etikwenhloko yayo, buso bayo bunjengelilanga, imilente yayo injengetinsika temlilo.

Sembulo 18:21

Kwase kusuka ingilosi lenemandla yatsatsa inguzanguza yelitje lelingangelekusila, yalijikijela elwandle, ikhuluma itsi: “Iyakwentiwa njalo-ke neBhabhulona, lidolobha lelikhulu, iyawujikijelwa phansi ngemandla lamakhulu, ilahlwe, ingaphindzi ibonakale.