Isaya 10:2 - Siswati 1996 Bible

² bentele kwemuka labamphofu emalungelo abo, badlelele bantfu bami labacindzetelekile emalungelo abo emtsetfocotfo, batsatse imphango kubafelokati, badlelele labangenaboyise.

Isaya 10:2 Referencias Cruzadas

Jobe 31:16

“Nangabe angikahlangabetani neticelo talabamphofu, nome-ke ngenta emehlo emfelokati aphophota tinyembeti,

Tihlabelelo 94:6

Babulala bafelokati, netihambi, basontse netintsandzane, ngobe tite boyise.

Eksodusi 23:6

“Umuntfu lomphofu ungamlahli ngelicala ngalokungasimtsetfo.

Taga 22:22

Umuntfu loweswele ungamphatsi dlephu ngobe abukeka eswele, nalomphofu ungamdleleli ecaleni;

Taga 30:14

Labanye bantfu banematinyo latinkemba, nemihlatsi lengimikhwa; yebo, babukhali. Baloshela bamite tonkhe timphuya emhlabeni.

Isaya 1:17

nifundze kwenta lokulungile! Funani umtsetfocotfo, nikhutsate labacindzetelwe. Vikelani labo labate boyise, niyimele indzaba yemfelokati.”

Isaya 1:23

Babusi benu babahlubuki, babangani bemasela; bonkhe batsandza imidizo, balandzelana netipho. Ababavikeli labo labate boyise; ngisho nendzaba yemfelokati abayinaki.

Isaya 29:21

labo labenta umuntfu adliwe licala ngeligama linye nje, bambekele lugibe lowo lotsetsa emacala enkhundleni, ngebufakazi bemanga baphambukise umtsetfocotfo, badlelele longenacala.

Isaya 3:14

Simakadze ungena ekwehluleleni, wehlulela labadzala nebaholi besive sakhe, utsi: “Ngini lenicedze sivini sami, imphango leniyitsetse kulabamphofu igcwele etindlini tenu.

Isaya 3:15

Nisho kutsini ngalokupitjita sive sami, nigaye buso balabamphofu?” kusho iNkhosi, Simakadze longuSomandla.

Isaya 32:6

Ngobe silima sikhuluma bulima, ingcondvo yaso ishikaneka ngalokubi, siphila ngekungamesabi Nkulunkulu, sisakate emanga ngaSimakadze; lolambile simshiya angenalutfo, kutsi nalowomile singamniki emanti.

Isaya 5:23

labemukela umdizo, khona batawukhulula labo labanelicala, kuze babalahle ngelicala labo labate licala.

Isaya 5:7

Phela, sivini saSimakadze longuSomandla yindlu yaka-Israyeli, kantsi sive sakaJuda sona sititfombo tekujabula kwakhe. Abebheke umtsetfocotfo, kodvwa wakhandza kucitfwa kwengati, wabheka kulunga, kodvwa weva kukhala kwelusizi.

Isaya 59:15

Liciniso alisatfolakali ndzawo. Bonkhe lababalekela bubi batingelwa njengetinyamatane. Simakadze wabuka wangete wajabula, ngenca yekutsi sekute kulandzela umtsetfocotfo.

Jeremiya 7:6

naningabacindzeteli labo bekuhamba, nalabangenaboyise, nebafelokati, ningayicitsi nengati lengenacala kulendzawo, ningabalandzeli labanye bonkulunkulu kutsi nitilimate nine,

Sililo 3:35

nekudlelela umuntfu emalungelo akhe embikwaSimakadze Longetulu Kwako Konkhe,

Hezekeli 22:7

Kuwe tikhulu tabaphatsa kabi boyise, nabonina tabedzelela; ekhatsi kuwe tabacindzetela betive, taphatsa kabi intsandzane nemfelokati.

Amose 2:6

Naku lokushiwo nguSimakadze, utsi: “Bantfu baka-Israyeli bone kwaze kwengca, ngaleso sizatfu ngingeke ngihlale ngingabajezisi. Labalungile babatsengisa ngesiliva, bese kutsi labeswele babatsengise ngetincabule letimbili.

Amose 2:7

Bagcobagcoba tinhloko talabamphofu kube shangatsi bagcobagcoba lutfuli lwemhlaba, bese kutsi labacindzetelwe bangababoneleli. Indvodza nemsa wayo balala nentfombatana yinye, ngaloko bahlazise Libito lami lelingcwele.

Amose 5:19

Kuyawuba shangatsi ngumuntfu lobalekele libhubesi, wase utitsela etikwelibhele; kube shangatsi ngumuntfu longene endlini yakhe wabeka tandla takhe elubondzeni, kusuke inyoka imlume.

Mikha 3:1

Lalelani, nine baholi baka-Israyeli! Bekufanele ngabe ninakekela kutsi esiveni sakini konkhe kwentiwe ngendlela lefanele;

Malakhi 3:5

“Ngako, ngiyawusondzela kini kutakwehlulela. Ngiyawushesha kutsi ngifakaze ngimelane netangoma, netiphingi, nabofakazi bemanga, ngimelane nalabo labadlelela tisebenti emaholo ato, labo labacindzetela bafelokati netintsandzane, bemuke betive emalungelo abo, kodvwa bangangesabi mine,” kusho Simakadze longuSomandla.

Matewu 23:13

“Maye kini, bafundzisi bemtsetfo nebaFarisi! Batentisi! Nivimbela bantfu umbuso welizulu, nibe nine ningangeni, nebantfu labafuna kungena anibavumeli kutsi bangene. [