Isaya 1:6 - Siswati 1996 Bible

⁶ Kusukela elutwaneni lwelunyawo lwenu kuze kuyewufika enhloko yenu, kute nakunye lokukahle, kugcwele emanceba, nemihuzuko, netilondza letikhamisile, lekungazange kugezwe nome kuboshwe kubuye kugcotjiswe ngemafutsa.

Isaya 1:6 Referencias Cruzadas

2 Samuweli 14:25

Kulo lonkhe laka-Israyeli kute indvodza leyayidvume ngebuhle kwendlula Absalomu. Abemuhle kusuka etulu enhloko kuye phansi elunyaweni, ate ngisho nalesincane sici.

Jobe 5:18

Ngobe yena nome angamilisa tilondza, uphindze atipholise, uyalimata aphindze aphilise ngetandla takhe.

Tihlabelelo 77:2

Nangiselusizini ngifuna Simakadze, nasebusuku ngiphakamisa tandla tami, ngikhuleke ngingadzinwa, umphefumulo wami wale kudvudvuteka.

Isaya 30:26

Inyanga iyawukhanya njengelilanga, nekukhanya kwelilanga kuyawuphindvwa kasikhombisa, ngangekukhanya kwemalanga lagcwele lasikhombisa, ngesikhatsi Simakadze nakabopha emanceba esive sakhe, elapha tilondza letavetwa nguye.

Jeremiya 17:9

Inhlitiyo iyayengana ngetulu kwato tonkhe tintfo, futsi yonakele ngalokwengcile. Ngubani nje longayicondza?

Jeremiya 30:12

“Naku lokushiwo nguSimakadze, utsi: “ ‘Linceba lakho alelapheki, yebo, silondza sakho sesingale kwekuphola.

Jeremiya 30:15

Manje, ukhalelani ngalelinceba lakho, ngalobuhlungu bakho lobungenakwelapheka? Ngenca yelicala lakho lelikhulu netono takho letinyenti, ngikwentile loku kuwe.

Jeremiya 33:6

“ ‘Noko, lelidolobha ngiyawuliletsela kuphila nekuphiliswa. Labantfu bami ngiyawubaphilisa, ngibente bativele banekuthula nekuphepha lokuphuphumako.

Jeremiya 6:14

Babopha emanceba ebantfu bami kube shangatsi yintfo nje lengenamsebenti, babe batsi: ‘Kuthula, kuthula,’ kube kantsi kute nalokuthula.

Jeremiya 6:7

Njengemtfombo umpompota emanti awo, nalo liwukhafula kanjalo-ke umonakalo walo. Budlwangudlwangu nembhubhiso kuhokoma kulo, kugula kwalo nemanceba alo asembikwami njalo.

Nahume 3:19

Kute lokungelapha lesilondza sakho, lelinceba lakho linengati yekufa. Bonkhe labo labeva letindzaba takho bagidza batibetsele. Utsi ukhona nje lowase waphunyula wasindza kulolunya lwakho lolungenamkhawulo?

Malakhi 4:2

Kodvwa kini lenilesabako Libito lami, lilanga lekulunga liyawuphuma linekuphilisa etimphikweni talo. Niyawuphuma nitjakadvule njengemankhonyane lakhululwe etisingeni tawo.

Matewu 9:12

Jesu nakuva loko, wabaphendvula watsi: “Bantfu labaphilako abayidzingi inyanga, kodvwa ngulabagulako kuphela labayidzingako.

Lukha 10:34

Waya kuye, wamtsela ngeliwayini amgcobisa nangemafutsa emancebeni, wawabopha ngendvwangu, wase umgibelisa embongolweni yakhe, wamyisa endlini yetihambi lapho amongela khona.