Isaya 1:5 - Siswati 1996 Bible

⁵ Kona nisashayelwani nje? Nisachubekelani nekuhlubuka? Inhloko yenu yonkhe ilimele, nenhlitiyo yenu yonkhe ishayiwe.

Isaya 1:5 Referencias Cruzadas

2 Emakhosi 1:13

Inkhosi yaphindze yatfumela kwesitsatfu indvuna nemadvodza langema-50. Lendvuna yesitsatfu yenyuka, yafike yaguca embikwa-Elija, yamncenga yatsi: “Awu, muntfu waNkulunkulu, ngicela umane uhawukele mine, uphephise mine ekufeni kanye nalaba lengihamba nabo, emadvodza langema-50, tinceku takho!

2 Tikhronike 28:22

Ahazi akazange etsembeke ngisho nakancane nje kuSimakadze ngesikhatsi sekuhlupheka kwakhe.

Nehemiya 9:34

Emakhosi etfu, nebaholi betfu, nebaphristi betfu kanye nabobabe betfu abazange bawulandzele umtsetfo wakho; abazange bayinake imiyalo yakho kanye neteluleko takho lowabanika tona.

Isaya 1:23

Babusi benu babahlubuki, babangani bemasela; bonkhe batsandza imidizo, balandzelana netipho. Ababavikeli labo labate boyise; ngisho nendzaba yemfelokati abayinaki.

Isaya 31:6

Buyelani kuNkulunkulu, nine ma-Israyeli, nine lesenimhlubuke kangaka.

Isaya 33:24

Kute lohlala eSiyoni loyakutsi: “Ngiyagula,” netono talabo labahlala khona tiyawutsetselelwa.

Isaya 9:13

Kodvwa bantfu abakaphendvukeli kuye lowo lowabashaya, futsi abakamfunisisi Simakadze longuSomandla.

Isaya 9:21

bakaManase bayawutondla ngebaka-Efrayimu, nebaka-Efrayimu batondle ngebakaManase, bonkhe bayawugucukela bakaJuda. Noko ngako konkhe loku, lulaka lwakhe alukagucuki, sandla sakhe sisephakeme.

Jeremiya 13:23

UmTopiya angasigucula yini sikhumba sakhe nome ingwe emabala ayo? Nani ningeke nikwente lokuhle, ngobe senetayele kwenta lokubi.

Jeremiya 17:9

Inhlitiyo iyayengana ngetulu kwato tonkhe tintfo, futsi yonakele ngalokwengcile. Ngubani nje longayicondza?

Jeremiya 2:30

“Ngajezisa bantfu bakini, kodvwa akukanisiti, abakaphendvuki nasekujezisweni kwabo. Inkemba yenu ishwabudzele baphrofethi benu, njengelibhubesi lelifukutsako.

Jeremiya 44:15

Kwabe sekutsi onkhe emadvodza labati kutsi bomkawo batfuncisa imphepho kulabanye bonkulunkulu, akanye nabo bonkhe bafati bebalapho, yonkhe lenhlangano lenkhulu, ngisho bonkhe bantfu lababehlala eGibhithe Lengentansi naLengenhla, bakhuluma kuJeremiya batsi:

Jeremiya 5:3

Awu Simakadze, emehlo akho akafuni lona yini liciniso? Wabashaya, kodvwa abazange babuve buhlungu, wabapitjita, kodvwa bakwala kucondziswa. Benta buso babo baba lukhuni kunelitje, bala kuphendvuka.

Jeremiya 5:31

Baphrofethi baphrofetha emanga, baphristi baphetse ngeligunya labo, nebantfu bami bakutsandza ngaleyo ndlela. Kodvwa nitakwenta njani ekupheleni?”

Jeremiya 5:5

Ngako ngiyakuya kubaholi, ngikhulume kubo, ngempela, bayayati indlela yaSimakadze, imiyalo lefunwa nguNkulunkulu wabo, kubo.” Kodvwa nabo futsi nganhlitiyonye balephula lijoko, batidzabula netibopho.

Jeremiya 9:3

“Balola tilwimi tabo njengebutjoki, bentele kudubula emanga. Abaphumeleli ngalo liciniso eveni. Besuka esonweni baye esonweni, abanginaki nekunginaka,” kusho Simakadze.

Sililo 5:17

Ngenca yako konkhe loku tinhlitiyo tetfu tidzabukile, nangenca yato tonkhe letintfo emehlo etfu ayadvumba,

Hezekeli 24:13

“ ‘Manje kungcola kwakho luntjingintjingi lwenkhanuko yakho. Ngobe ngetama kukugeza, kodvwa wangete wavuma kugezwa kulokungcola kwakho, ungeke uphindze uhlanteke, luze lubotje lulaka lwami kuwe.

Hezekeli 34:16

Ngiyakutifuna letilahlekile, naletedukile ngitibuyise. Letilimele ngiyawutibopha emanceba, ngiticinise emadvolo letibutsakatsaka, kodvwa letesulekile naleticinile ngiyawutibhubhisa. Ngiyakwelusa umhlambi ngemtsetfocotfo.

Hezekeli 34:4

Anikaticinisi letibutsakatsaka naletigulako, anikatelaphi nabopha nemanceba aletilimele. Letedukile anikatifuni natibuyisa, nangete natifuna naletilahlekile. Nitibuse ngelunya, natiphatsa ngesihluku.