Isaya 1:21 - Siswati 1996 Bible

²¹ Ase nibuke kutsi lelidolobha lebeletsembekile seligucuke laba yingwadla kanjani! Lona lake lagcwala umtsetfocotfo, belilikhaya lekulunga, kodvwa manje seligcwele babulali!

Isaya 1:21 Referencias Cruzadas

2 Samuweli 8:15

Davide wawabusa onkhe ema-Israyeli, enta loko lokulungile kubo bonkhe bantfu bakhe.

2 Tikhronike 19:9

Wabanika umyalo watsi: “Lomsebenti wenu kufanele niwente ngekwesaba Simakadze, konkhe lenikwentako nikwente ngekwetsembeka nangenhlitiyo yenu yonkhe.

Nehemiya 11:1

Baholi besive bakha eJerusalema, kwatsi laba labanye nje besive base benta inkatho kutsi bakhetse munye kulabo nalabo labalishumi kutsi ayewuhlala eJerusalema, lidolobha lelingcwele, bese kutsi laba labanye labayimfica babuyele emadolobheni akubo.

Tihlabelelo 46:4

Kukhona umfula lonemifudlana lejabulisa labo labasekhaya laNkulunkulu, endlini lengcwele yaLosetikwako Konkhe.

Tihlabelelo 48:1

Simakadze mukhulu, ufanele kubongwa kakhulu, ubongeka ekhaya laNkulunkulu wetfu, lekuyintsaba yakhe lengcwele.

Tihlabelelo 48:8

Njengobe sivile ngemisebenti layentile Nkulunkulu, namanje sesitibonele ekhaya laNkulunkulu Somandla, ekhaya laNkulunkulu wetfu. Lelo khaya Nkulunkulu uyawulakha, alicinise phakadze naphakadze. Cabanga.

Isaya 1:22

Isiliva yenu seyigucuke yaba ngemanyela, liwayini lenu selidvungwe ngemanti.

Isaya 26:10

Naloku umusa sewuphiwe lababi, bona solo abakufundzi kulunga; ngisho naseveni lebucotfo bachubeka benta lokubi, bangabunaki bukhosi baSimakadze.

Isaya 48:2

nine lenitibita ngekutsi nitakhamiti tasedolobheni lelingcwele, netsembele kuNkulunkulu wema-Israyeli, Simakadze longuSomandla libito lakhe, lalelani naku:

Isaya 5:7

Phela, sivini saSimakadze longuSomandla yindlu yaka-Israyeli, kantsi sive sakaJuda sona sititfombo tekujabula kwakhe. Abebheke umtsetfocotfo, kodvwa wakhandza kucitfwa kwengati, wabheka kulunga, kodvwa weva kukhala kwelusizi.

Isaya 59:14

Ngako kwehlulela ngebucotfo kukhweshiselwe emuva, nekulunga kume khashane, liciniso likhubatele etindleleni, kwetsembeka akusangeni ndzawo.

Isaya 59:15

Liciniso alisatfolakali ndzawo. Bonkhe lababalekela bubi batingelwa njengetinyamatane. Simakadze wabuka wangete wajabula, ngenca yekutsi sekute kulandzela umtsetfocotfo.

Isaya 59:3

Ngobe tandla tenu tingcoliswe yingati, nemino yenu igcwele emacala. Imilomo yenu ikhulume emanga, netilwimi tenu tihebeta tintfo letimbi.

Jeremiya 3:1

“Nangabe indvodza ilahla umkayo, bese lomfati wendza kulenye indvodza, lendvodza ingabuyela yini kulomfati? Utsi kepha lelive lingete langcola lonkhe? Kodvwa utiphatsise kwengwababane ngekuphinga nemadvodza lamanyenti; manje sewungabuyela njani kimi?” kusho Simakadze.

Hoseya 11:12

Efrayimu ungitungelete ngemanga, indlu yaka-Israyeli yangitungeleta ngenkhohliso. Juda naye usichomoketi lesimelene naNkulunkulu, yebo, umelene naLongcwele lowetsembekile.

Hoseya 2:5

Unina abengaketsembeki, wabemitsa ngekwelihlazo, watsi: ‘Ngitawulandzela emashende ami, labo labangipha kudla kwami nemanti ami, insontfo yami, nelineni yami, emafutsa ami kanye nesinatfo sami.’

Habakhuki 1:4

Ngako-ke umtsetfo sewuchwale waze waba butsakatsaka, akusehlulelwa ngebucotfo. Lababi behlula labalungile, kuze kutsi bucotfo bemtsetfo buphanjukiswe.

Zakhariya 8:3

Naku lokushiwo nguSimakadze, utsi: “Ngiyawubuyela eSiyoni, ngihlale eJerusalema. Lapho-ke iJerusalema sekuyawutsiwa Lidolobha Lekwetsembeka, nentsaba yaSimakadze longuSomandla iyawubitwa ngekutsi yiNtsaba Lengcwele.”

Lukha 13:34

“Jerusalema, Jerusalema! Ubulala baphrofethi, ugcobe ngematje titfunywa taNkulunkulu letitfunyelwe kuwe! Sekukangaki ngifuna kufukamela bonkhe bantfu bakho, njengesikhukhukati sifukamela emantjwele ngaphansi kwemaphiko aso, kodvwa awuzange ungivumele!

Imisebenti yebaPhostoli 7:52

Ukhona nje yena munye umphrofethi longazange ahlushwe bokhokho benu? Babulala titfunywa taNkulunkulu, letatimemetela ngembili ngekufika kweSisebenti sakhe lesilungile. Manje senimtsengisile nambulala.

KumaHebheru 12:22

Kodvwa, esikhundleni saloko, nite entsabeni, Siyoni, ekhaya laNkulunkulu lophilako, eJerusalema yasezulwini, esibhimbini setingilosi letingenawubalwa,

Sembulo 11:2

Kodvwa ungasilinganisi sibuya lesingephandle kwalelithempeli, ngobe siniketwe betive labayakuwugcobagcoba lomuti longcwele tinyanga letingema-42.

Sembulo 11:8

Tidvumbu tabo tiyawulala esitaladini selidolobha lelikhulu lelibitwa ngekufanekisa kutsi yiSodoma neGibhithe, lapho iNkhosi yabo yabetselwa khona.

Sembulo 17:1

Lenye ingilosi kuleti letisikhombisa letatinetitja letisikhombisa yeta kimi, yefike yatsi: “Kota, ngitekukhombisa kwehlulelwa kwalengwadla leyatiwa kakhulu, lehleti emantini lamanyenti.