Imisebenti yebaPhostoli 9:8 - Siswati 1996 Bible

⁸ Sawula wasukuma phansi, wavula emehlo, kodvwa emehlo ehluleka kubona. Ngako base bambamba ngesandla bamhola baze bayawungena naye eDamaseko.

Imisebenti yebaPhostoli 9:8 Referencias Cruzadas

Genesisi 14:15

Kwatsi ebusuku wahlelembisa libutfo lakhe ngeticheme talo. Wawahlasela wawehlula, wawacosha waze wawabeka eHoba, enyakatfo neDamaseko.

Genesisi 19:11

Ashaya lamadvodza labesemnyango ngebumphumphutse onkhe lawo labengaphandle kwendlu, lamancane nalamadzala, kangangekutsi abatse ayawufuna umnyango angete awutfola.

Eksodusi 4:11

Simakadze watsi kuye: “Ngubani lowanika umuntfu umlomo? Ngubani lowenta umuntfu abe simungulu, nome sihhulu? Ngubani lowenta umuntfu abone nome abe yimphumphutse? Akusimi yini, mine Simakadze?

Imisebenti yebaPhostoli 13:11

Sandla seNkhosi sitakwehlela etikwakho nyalo; utawuba yimphumphutse, awunakubona kukhanya kwelilanga sikhatsi lesitsite.” Khona lapho Elimasi wehlelwa yinkhungu yebumnyama yavala emehlo akhe, wahambahamba ajikeleta afuna longamhola amdvonse ngesandla.

Imisebenti yebaPhostoli 22:11

“Njengobe ngase ngiyimphumphutse ngiphandlwe ngulokukhanya, lamadvodza bengihamba nawo angidvonsa ngesandla saze sayawungena eDamaseko.

Imisebenti yebaPhostoli 9:18

Masinyane kwawa tincwencwe letatifanana nenkhwetfu tisuka emehlweni aSawula, waphindze wabona futsi. Wasukuma wabhajatiswa.

Imisebenti yebaPhostoli 9:9

Kwaphela emalanga lamatsatfu angakwati kubona, ngaleso sikhatsi abengadli anganatsi lutfo.

2 kubaseKorinthe 11:32

EDamaseko Lusibalukhulu labengaphansi kwenkhosi Arethasi wagadza lidolobha lonkhe afuna kungibamba angibophe,

KubaseGalathiya 1:17

Angizange ngenyukele ngisho naseJerusalema kulabo babebaphostoli kucala kunami; kodvwa ngesuka ngekushesha ngaya e-Arabiya, ngase ngiyancandzeka ngiya eDamaseko.