Imisebenti yebaPhostoli 9:36 - Siswati 1996 Bible

³⁶ EJopha kwakunemfati labelikholwa anguThabitha. Libito lakhe ngesiGriki kwakunguDokhasi, (lokusho kutsi “inyamatane”), abecitsa sonkhe sikhatsi sakhe ngekwenta lokuhle ngekusita timphuya.

Imisebenti yebaPhostoli 9:36 Referencias Cruzadas

2 Tikhronike 2:16

Tsine sitatigawula tonkhe tingodvo lotifunako taseLebanoni, bese sitintantisa ngeminyaba yato lapha elwandle tiye eJopha. Nine-ke nitabe senitenyula lapho nitimikise eJerusalema.”

Ezra 3:7

Base bakhipha imali bayinika bakhi nebabati, bapha bantfu baseSidoni naseThire kudla, nesinatfo kanye nemafutsa; babentela kutsi khona batekubaletsela tingodvo temisedari ngelwandle, kusuka eLebanoni kuye eJopha, njengobe bekusho Khuresi, inkhosi yasePheresiya.

Taga 5:19

Muhle, uyabukeka njengenhlangu, utsandzeka njengemphala; shangatsi emabele akhe angakwenelisa ngaso sonkhe sikhatsi, shangatsi nelutsandvo lwakhe lungakuhaca.

Ingoma Yetingoma 2:9

Longitsandzako unjengemphala nanjengelitfole lemgankla. Bukela! Nango phela aseme emvakwelubondza lwakitsi, uhlola ngemafasitelo, alungute ngetikhala telutsango.

Ingoma Yetingoma 3:5

Ngiyaniyala, madvodzakati aseJerusalema, ngetimphala nangetinyamatane letinsikati tesiganga, ngitsi: Ningaluvusi lutsandvo, futsi ningalunyakatisi, luze lutivukele lona.

Ingoma Yetingoma 8:14

Phumela ebaleni, wena longitsandzako, bani njengemgankla, nome-ke njengelizinyane lenyamatane, etintsabeni letigcwele emakha.

Jona 1:3

Kepha Jona wesuka wacondza eThashishi. Wehlela eJopha, lapho afike wakhokha imali yekwekhwela, wagibela umkhumbi, waya eThashishi, abalekela Simakadze.

Matewu 25:17

Kanjalo futsi nalesi lesemukela emathalenta lamabili sawatalisa, atala lamanye lamabili.

Johane 15:5

“Mine ngingumvini, nine ningemagala. Lowo lohlala kimi nami kuye, uyawutsela titselo letinyenti, ngobe kute leningakwenta ngaphandle kwami.

Johane 15:8

Ludvumo lwaBabe lubonakaliswa ngaloko kutsi nitsele titselo letinyenti, nibe bafundzi bami.

Imisebenti yebaPhostoli 10:23

Phetro wabacela labantfu kutsi sale balala, ngobe lase lishonile. Ngakusasa watilungiselela kuhamba nabo; labanye bazalwane baseJopha bamphekeletela.

Imisebenti yebaPhostoli 10:31

itsi: ‘Khoneliyuse, Nkulunkulu uwuvile umthandazo wakho, uyikhumbulile imisebenti yakho yesihawu.

Imisebenti yebaPhostoli 10:8

Wabatjela konkhe lokwase kwentekile, wase ubatfumela eJopha.

Imisebenti yebaPhostoli 11:13

Wasitjela ngekubona kwakhe ingilosi ime endlini yakhe itsi kuye: ‘Tfumela emadvodza eJopha ayekubitela Simoni lokutsiwa nguPhetro.

Imisebenti yebaPhostoli 11:5

“Bengithandaza emtini eJopha, ngatsatseka, ngabona umbono. Ngabona kwehla intfo leyayibukeka njengendvwangu lenkhulu yehla ezulwini kusengatsi ibanjwe ngemakona ayo omane yehliselwa kimi.

Imisebenti yebaPhostoli 9:38

IJopha yayisedvute naseLida, kwatsi bafundzi nabeva kutsi Phetro abeseLida, batfumela emadvodza lamabili nemlayeto lotsi: “Sicela unonophe ute lapha kitsi.”

Imisebenti yebaPhostoli 9:42

Lendzaba yasakateka neJopha yonkhe, bantfu labanyenti bakholwa eNkhosini.

Kubase-Efesu 2:10

Ngobe tsine singumsebenti waNkulunkulu. Sidalwe ngaJesu Khristu kutsi sente imisebenti lemihle, Nkulunkulu layilungisa kucala.

KubaseFiliphi 1:11

Nitsele inala yetitselo tekulunga letingaye Jesu Khristu, kube yinkhatimulo neludvumo kuNkulunkulu.

KubaseKholose 1:10

Sinicelela nekutsi niphile imphilo lefanele naletsandzekako eNkhosini, nitsele titselo emsebentini wonkhe lolungile, futsi nikhule nasekumatini Nkulunkulu.

1 kubaseThesalonika 4:10

Empeleni loko senikubonakalisile kubo bonkhe bazalwane labaseMasedoniya. Kodvwa siyanikhutsata, bazalwane, kutsi chubekani nikwente loko.

1 kuThimothi 5:10

Kufanele atiwe ngetento takhe letinhle, njengemuntfu lowake wondla wakhulisa bantfwana, waphatsa kahle tihambi, wageza tinyawo talabangcwele, wasita labahluphekile, futsi kufanele abe ngulabetinikele kwenta lokuhle nome ngayiphi indlela.

kuThithusi 2:14

Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.

kuThithusi 2:7

Wena-ke ube sibonelo lesihle ngato tonkhe tindlela. Ufundzise ngebucotfo nangekutimisela,

kuThithusi 3:8

Lelivi licinisile. Ngifisa kutsi ukugcizelele loku, kuze labo labakholwe kuNkulunkulu bakhutsalele kwenta imisebenti lemihle. Loku kuhle, futsi kunelusito kubantfu.

KumaHebheru 13:21

anganiphelelisa kuko konkhe lokuhle, kuze nente intsandvo yakhe, asebente kini ente ngaJesu Khristu loko lokujabulisako emehlweni akhe. Ludvumo alube kuKhristu phakadze naphakadze. Amen.

YaJakobe 1:27

Kukholwa lokumsulwa lokungenasici embikwaNkulunkulu longuBabe ngunaku: kuhambela tintsandzane nebafelokati elusizini lwabo, nekutigcina ungangcoliswa live.

Joshuwa 19:46

neMe Jakhoni, neRakhoni, kanye nalendzawo lebhekene neJopha.