Imisebenti yebaPhostoli 9:33 - Siswati 1996 Bible

³³ Kulapho akhandza khona indvodza leyayingu-Ayeneyasi, leyayife luhlangotsi ingakwati nekuvuka embhedzeni iminyaka lesiphohlongo.

Imisebenti yebaPhostoli 9:33 Referencias Cruzadas

Matewu 4:24

Ludvumo ngaye lwandza nalo lonkhe laseSiriya, kangangekutsi kwaletfwa kuye bonkhe bantfu lababegula, baphetfwe tinhlobonhlobo tekufa, nalababekhatsatwe tinhlobonhlobo tetinhlupheko: lababenemadimoni, nalababenesitfutfwane, nalababefe tinhlangotsi; Jesu wabaphilisa bonkhe.

Makho 5:25

Bekukhona umfati labegula, aphetfwe sifo sekopha, lesase sicedze iminyaka leli-12 simphetse.

Makho 9:21

Jesu wabuta uyise walomfana watsi: “Selinesikhatsi lesingakanani limphetse?” Uyise wamphendvula watsi: “Kusukela ebuntfwaneni bakhe.

Lukha 13:16

Manje-ke nansi lendvodzakati lesitukulwane sa-Abrahama lebeseyiboshwe nguSathane iminyaka leli-18, akukafaneli yini kutsi ikhululwe ekuboshweni kwayo ngeliSabatha?”

Johane 5:5

Bekunendvodza lapho leyase igule iminyaka lengema-38.

Johane 9:1

Jesu watsi endlula nje, wabona umuntfu labeyimphumphutse seloku atalwa.

Johane 9:21

Kepha kutsi sewubona njani nyalo, nekutsi ngubani lovule emehlo akhe, asati. Butani yena, sewukhulile utatiphendvulela.”

Imisebenti yebaPhostoli 14:8

EListra batfolana nendvodza ihleti, beyisishosha kusukela ekutalweni kwayo, yayingazange seyihambe.

Imisebenti yebaPhostoli 3:2

Kwakukhona indvodza letsite leyayisishosha seloku yatalwa. Yayihleti endzaweni lekutsiwa “Intfunja Lenhle”. Yayetfwalwa onkhe emalanga ibekwe ngasentfunjeni yentele kucela kubantfu lababengena ethempelini.

Imisebenti yebaPhostoli 4:22

Lendvodza lebekwentiwe kuyo lesibonakaliso sekuphiliswa yayineminyaka lengetulu kwema-40 budzala.

Imisebenti yebaPhostoli 9:32

Phetro asahambahamba emkhatsini wabo bonkhe, waze wehlela kulabangcwele lababehlala eLida.

Imisebenti yebaPhostoli 9:34

Phetro watsi kuye: “Ayeneyasi, Jesu Khristu uyakuphilisa. Sukuma ugcebe umbhedze wakho!” Ayeneyasi wasukuma ngekushesha.