Imisebenti yebaPhostoli 9:31 - Siswati 1996 Bible

³¹ Ngako-ke libandla kulo lonkhe laseJudiya naseGalile naseSamariya laba nesikhatsi sekuthula. Lakhiwa, lakhula ngebunyenti ngekusitwa nguMoya Longcwele liphila imphilo yekwesaba iNkhosi.

Imisebenti yebaPhostoli 9:31 Referencias Cruzadas

1 Tikhronike 22:18

Watsi kubo: “Simakadze Nkulunkulu wenu akekho ngakini yini? Akaniniki yini kuthula kuyo yonkhe indzawo? Ubanikele kimi bonkhe labakhile kulelive, lelive liphetfwe nguSimakadze kanye nesive sakhe.

1 Tikhronike 22:9

Kodvwa noko utawutala indvodzana letawuba ngumuntfu wekuthula newekuphumula, futsi ngitamnika kuthula kuto tonkhe titsa takhe letibomakhelwane bakhe. Libito lakhe kuyawuba nguSolomoni. Ngiyawunika ema-Israyeli kuthula nenhlalakahle ekubuseni kwakhe.

Nehemiya 5:15

Bonkhe babusi lababephetse ngembili kwami babengumtfwalo kubantfu, futsi babephocelela kutsi bantfu bakhiphe kudla neliwayini kanye netinhlavu tesiliva letingema-40 ngelilanga. Ngisho netisebenti tabo tatingumtfwalo kubantfu. Noko mine angikwentanga loko ngenca yekwesaba Nkulunkulu.

Nehemiya 5:9

Ngachubeka, ngatsi: “Loku lenikwentako kubi! Kufanele nesabe Nkulunkulu wetfu, khona ningetikunika betive labatitsa tetfu litfuba lekusihhalatisa.

Jobe 28:28

Wase ukhuluma kumuntfu, watsi: ‘Buka la, kwesaba Nkulunkulu libito lako kuhlakanipha. Kubalekela lokubi loko kukucondza.’ ”

Tihlabelelo 111:10

Kwesaba Nkulunkulu sicalo sekuhlakanipha. Bonkhe labahamba ngemitsetfo yakhe banengcondvo lenhle. Umelwe kudvunyiswa phakadze naphakadze.

Tihlabelelo 86:11

Ngifundzise indlela yakho, Simakadze, ngiyawuhamba ecinisweni lakho; yenta inhlitiyo yami ihlose intfo yinye: kutsi ilesabe libito lakho.

Tihlabelelo 94:13

umuphe kuthula ngesikhatsi sebumatima, kusambiwa umgodzi wekuchilitela lababi.

Taga 1:7

Kwesaba Simakadze kusicalo selwati, tilima tiyakwedzelela kuhlakanipha nemiyalo.

Taga 23:17

Ungahawukeli lutfo etonini, kodvwa yesaba Simakadze ngetikhatsi tonkhe;

Taga 8:13

Kwesaba Simakadze kukutondza lokubi. Ngiyakutondza kutigcabha, neluchuku, nekutiphatsa dlephu, nebumbulu.

Isaya 11:10

Ngalelo langa iMphandze yaJese iyakuma ibe siboniso kubetive, tive tiyawuhlangana kuyo, indzawo yayo yekuphumula ibe neludvumo.

Isaya 33:6

Utawuba sisekelo sakho lesingusonasona ngawo onkhe emalanga akho, abe lifa lakho lensindziso, nelekuhlakanipha, nelwati. Kwesaba Simakadze kungumcebo wakhe.

Zakhariya 8:20

Naku lokushiwo nguSimakadze longuSomandla, utsi: “Tive letinyenti nalabahlala emadolobheni lamanyenti basetawuta;

Imisebenti yebaPhostoli 12:24

Livi leNkhosi lachubeka landza.

Imisebenti yebaPhostoli 16:5

Ngako-ke emabandla acinisela ekukholweni, bengeteka ngebunyenti emalanga ngemalanga.

Imisebenti yebaPhostoli 2:47

badvumisa Nkulunkulu, babetsandzeka kubo bonkhe bantfu. Onkhe emalanga iNkhosi yayibengetela ngalabo babesindziswa.

Imisebenti yebaPhostoli 20:32

Manje-ke senginibeka esandleni seNkhosi kanye nasevini lemusa wayo, yona lenemandla ekunakha inikhulise ininike lifa labo bonkhe labahlantiwe.

Imisebenti yebaPhostoli 5:11

Libandla lonkhe nalabanye bonkhe nabeva loku bafikelwa kwesaba lokukhulu.

Imisebenti yebaPhostoli 6:7

Ngako-ke livi laNkulunkulu lachubeka landza kakhulu. Nebunyenti bebafundzi eJerusalema bandza kakhulu, kantsi nelinyenti lebaphristi lakwemukela kukholwa.

Imisebenti yebaPhostoli 8:1

Sawula abevumelene nabo kutsi abulawe loStefano. Ngalo lelo langa libandla laseJerusalema lacala lahlupheka ngekutingelwa kabuhlungu. Onkhe emakholwa, ngaphandle kwebaphostoli, asakateka netigodzi tonkhe taseJudiya naseSamariya.

KubaseRoma 14:17

Ngobe umbuso waNkulunkulu awusiko kudla nekunatsa, kepha ukulunga, nekuthula, nekujabula kuMoya Longcwele.

KubaseRoma 14:19

Ngako-ke, asilangatelele lokuletsa kuthula nekwakhana.

KubaseRoma 15:13

Shangatsi Nkulunkulu, longumtfombo welitsemba, anganigcwalisa ngako konkhe kujabula nekuthula ekukholweni, kuze niphuphume etsembeni ngemandla aMoya Longcwele.

KubaseRoma 5:5

Litsemba alijabhisi, ngobe lutsandvo lwaNkulunkulu selutselwe etinhlitiyweni tetfu ngaMoya Longcwele, lesinikwe yena.

1 kubaseKorinthe 14:12

Ngako-ke njengobe nani ninemdlandla ngetiphiwo taMoya, shisekelani kutsi nibe nato kakhulu, kuze kwakheke libandla.

1 kubaseKorinthe 14:26

Ngako-ke, bazalwane, nanibutsanele kukhonta, nibonikana ematfuba: Lomunye akacale liculo, lomunye afundzise, lomunye etfule sembulo, lomunye akhulume ngetilimi, lomunye atihumushe. Konkhe kwenteleni kutsi kwakheke libandla.

2 kubaseKorinthe 10:8

Mhlawumbe ngitigabatisa kakhulu ngalamandla neligunya lami lenganikwa lona nguNkulunkulu, kutsi nginakhe nginganibulali. Kodvwa ngite emahloni ngaloko.

2 kubaseKorinthe 12:19

Beningacabangi yini kutsi sonkhe lesikhatsi besitivikela kini? Batsandzekako, konkhe loku besikukhuluma kuKhristu embikwaNkulunkulu, kuze nitekwakheka.

2 kubaseKorinthe 13:10

Loku ngikubhala ngisengakefiki kini, kuze kutsi nangifika lapho kungadzingeki kutsi nginiphatse ngesandla lesimatima lenginikwe sona yiNkhosi, kutsi ngakhe, ngingahliphiti.

2 kubaseKorinthe 7:1

Bazalwane, njengobe letetsembiso titetfu, asitihlante kuko konkhe lokungcolisa umtimba nemoya, siphile imphilo yebungcwele lobuphelele ngekwesaba Nkulunkulu.

Kubase-Efesu 4:12

Loko wakwentela kutsi labangcwele bahlonyiselwe umsebenti wabo wekukhonta, kuze kwakheke umtimba waKhristu,

Kubase-Efesu 4:16

Umtimba wonkhe uhlanganiswe ngaye, ubambene ngekwelekelelana kwemalunga onkhe awo, njengekusebenta lokulinganiselwe lelo nalelo lunga kukhuliswe umtimba, wakhelwe elutsandvweni.

Kubase-Efesu 4:29

Akungabe kusaphuma nalinye livi lelibolile emlonyeni wenu, kodvwa kube ngulelilungele kwakha njengalokuswelekile, kuze libavetele umusa labevako.

Kubase-Efesu 5:21

Nitfobelane ngenca yekwesaba Khristu.

Dutheronomi 12:10

Kodvwa niyakwewela iJordane nakhe kulelive Simakadze Nkulunkulu wenu lanipha lona kutsi libe lifa lenu, uyawunipha kuthula kuto tonkhe titsa tenu letinitungeletile, nihlale ngekuphepha.

KubaseFiliphi 2:1

Ngako-ke, naninendvudvuto kuKhristu, naninekudvudvuteka kwelutsandvo, naninebudlelwane baMoya, naninesisa nesihawu,

KubaseKholose 1:10

Sinicelela nekutsi niphile imphilo lefanele naletsandzekako eNkhosini, nitsele titselo emsebentini wonkhe lolungile, futsi nikhule nasekumatini Nkulunkulu.

1 kubaseThesalonika 5:11

Ngako-ke dvudvutanani nakhane, njengobe nenta nje manje.

1 kuThimothi 1:4

Ubayale nekutsi bangatinaki tinganekwane nemilandvo lengapheli yetitukulwane. Konkhe loku kubanga kuphikisana lokungasiti lutfo esikhundleni sekutsi kuphumelelise kusebentela Nkulunkulu ngekukholwa.

KumaHebheru 4:9

Ngako-ke kuphumula kweliSabatha kusabasalele bantfu baNkulunkulu.

Joshuwa 21:44

Simakadze wawapha kuphumula kulelo live, kwaya njengobe abefungile kubokhokho bawo. Kute nome sinye sitsa sawo lesakhona kumelana nawo, ngobe Simakadze tonkhe leto titsa tawo watinikela etandleni tawo.

YaJuda 1:20

Kodvwa nine, bazalwane bami, yakhanani ekukholweni lokungcwele, nikhuleke ngaMoya Longcwele.

Tikhulu 3:30

Kusukela ngalelo langa emaMowabi aba ngaphansi kwesive sema-Israyeli, live laba nekuthula iminyaka lengema-80.