Imisebenti yebaPhostoli 9:15 - Siswati 1996 Bible

¹⁵ INkhosi yatsi kuye: “Hamba, ngobe lowo muntfu usitja sami lengisikhetsile kutsi siphatse libito lami kubetive nakumakhosi, nakubantfu baka-Israyeli.

Imisebenti yebaPhostoli 9:15 Referencias Cruzadas

Jeremiya 1:5

“Ngisengakakubumbi esitalweni senyoko ngakwati, watsi usengakatalwa, ngavele ngakwehlukanisela; ngakubeka kutsi ube ngumphrofethi etiveni.”

Jeremiya 1:7

Kodvwa Simakadze wakhuluma kimi, watsi: “Ungasho kutsi, ‘ngisengumntfwana.’ Kufanele uhambe uye kubo bonkhe bantfu lengikutfuma kubo, ufike usho loko lengikutfuma kona.

Matewu 10:18

Niyawumiswa embikwebabusi nemakhosi ngelibito lami, kuze kube bufakazi kubo nakubetive.

Johane 15:16

Akusini lenangikhetsa, kodvwa ngimi lenganikhetsa nganitfuma kutsi nihambe nitsele titselo letinyenti, leto titselo time futsi, kuze kutsi nobe yini leniyakuyicela kuBabe egameni lami aniphe yona.

Imisebenti yebaPhostoli 13:2

Basakhonta iNkhosi, bazila, Moya Longcwele watsi kubo: “Ngehlukaniseleni boBhanabasi naSawula, nibehlukanisele umsebenti lengibabitele wona.”

Imisebenti yebaPhostoli 21:19

Pawula wababingelela wase ubanika umbiko lophelele mayelana nemsebenti lowentiwe nguNkulunkulu kubantfu betive ngaye.

Imisebenti yebaPhostoli 22:14

Yase itsi kimi: ‘Nkulunkulu wabokhokho betfu ukukhetsile kutsi wati intsandvo yakhe, ubone Lolungile wakhe, umuve akhuluma nawe ngeliphimbo lakhe,

Imisebenti yebaPhostoli 22:21

INkhosi yatsi kimi: ‘Hamba, ngobe ngitakutfumela khashane kubetive.’ ”

Imisebenti yebaPhostoli 25:22

Agripha watsi kuFestusi: “Ngifuna kutivela nayikhuluma lendvodza.” Festusi waphendvula watsi: “Utamuva kusasa.”

Imisebenti yebaPhostoli 26:1

Agripha watsi kuPawula: “Ukhululekile, kutsi ungatikhulumela nawe, utivikele.” Pawula wase uphakamisa sandla sakhe uyatikhulumela ativikela watsi:

Imisebenti yebaPhostoli 26:32

Agripha wase ukhuluma kuFestusi utsi: “Lendvodza bekufanele ikhululwe, kube beyingakaceli kutsi lelicala layo lendluliselwe kuKhesari.”

Imisebenti yebaPhostoli 27:24

yatsi: ‘Ungesabi, Pawula, ufanele ume embikwaKhesari; Nkulunkulu ukunikile bonkhe laba lohamba nabo.’

Imisebenti yebaPhostoli 28:17

Emvakwemalanga lamatsatfu Pawula wabita umhlangano webaholi bemaJuda. Batsi nase baphelele ndzawonye, wabatjela watsi: “Bazalwane bami! Nome ngingazange sengente lutfo loluphambene nebantfu bakitsi, nanemasiko lesawemukela kubokhokho betfu, ngaboshwa eJerusalema nganikelwa etandleni temaRoma.

Imisebenti yebaPhostoli 28:28

Wase uyavalelisa Pawula ngekutsi: “Akwateke kini kutsi lensindziso yaNkulunkulu seyitfunyelwe kubetive, futsi batawuyemukela.” [

KubaseRoma 1:1

Lencwadzi iphuma kuPawula, inceku yaKhristu Jesu, nemphostoli lokhetsiwe wabitwa nguNkulunkulu kutsi ashumayele liVangeli.

KubaseRoma 1:5

Ngaye loJesu semukele umusa nebuphostoli, kuze kutsi egameni lakhe bantfu etiveni tonkhe sibaholele ekukholweni nasekutfobeleni Nkulunkulu.

KubaseRoma 11:13

Sengikhuluma kini betive: Njengobe ngingumphostoli kubetive nje, ngiyawudvumisa umsebenti wami.

1 kubaseKorinthe 15:10

Kepha ngemusa waNkulunkulu nginguloku lengingiko, nemusa wakhe kimi awuzange ube lite, kodvwa ngasebenta kakhulu kunabo bonkhe, noko kungesimi, kodvwa kungumusa waNkulunkulu lonami.

1 kubaseKorinthe 9:16

Nangishumayela liVangeli, angikafaneli kutigabatisa, ngobe vele ngimelwe kulishumayela. Kodvwa maye kimi, nangingalishumayeli liVangeli!

KubaseGalathiya 1:1

Lencwadzi iphuma kuPawula umphostoli, longatfunywanga bantfu nome ngemuntfu, kodvwa ngaJesu Khristu naNkulunkulu longuYise lowamvusa kulabafile.

Kubase-Efesu 3:1

Ngalesizatfu ngiyanithandazela mine, Pawula, lengisiboshwa saKhristu Jesu ngenca yenu, nine betive.

1 kuThimothi 2:7

Ngiko lengakhetselwa kuba ngummemeteli nemphostoli wako, ngifundzise betive kukholwa neliciniso; ngikhuluma liciniso, hhayi emanga.

2 kuThimothi 1:11

Ngamiselwa kutsi ngibe ngummemeteli, nemphostoli, nemfundzisi waleliVangeli,

2 kuThimothi 2:4

Kute lisotja lelisemphini lelibuye litikhatsate ngetintfo letingesito tebusotja; phela injongo yalo kwenelisa lowo lolibutsile.

Sembulo 17:14

Ayawulwa neliWundlu; kodvwa liyakuwehlula, ngobe liyiNkhosi yemakhosi neMbusi webabusi. Liyawuwancoba likanye nalababitiwe balo, labakhetsiwe nalabetsembekile.”