Imisebenti yebaPhostoli 9:10 - Siswati 1996 Bible

¹⁰ Kwakukhona umfundzi lapha eDamaseko libito lakhe kungu-Ananiyase. Wabona umbono lapho iNkhosi yatsi kuye: “Ananiyase!” Wasabela watsi: “Ngilapha, Nkhosi.”

Imisebenti yebaPhostoli 9:10 Referencias Cruzadas

Genesisi 14:15

Kwatsi ebusuku wahlelembisa libutfo lakhe ngeticheme talo. Wawahlasela wawehlula, wawacosha waze wawabeka eHoba, enyakatfo neDamaseko.

Genesisi 22:1

Emvakwaloko Nkulunkulu wavivinya Abrahama, watsi kuye: “Abrahama! Ye, Abrahama!” Waphendvula watsi: “Ngilapha, Nkhosi!”

Genesisi 31:11

Ingilosi yaNkulunkulu yangibita ephusheni yatsi: ‘Jakobe!’ Ngasabela ngatsi: ‘Ngilapha.’

2 Samuweli 15:26

Kodvwa nangabe utsi: ‘Angijabuli ngawe,’ sengikulungele loko; akente kimi loko lakubona kumlungele.”

Eksodusi 3:4

Simakadze watsi kube abone kutsi Mosi uyaphambukela kutewubona, wamemeta watsi: “Mosi! Ye Mosi!” Mosi wasabela watsi: “Ngilapha!”

Isaya 6:8

Ngase ngiva livi laSimakadze litsi: “Ngitawutfuma bani? Ngubani lotasiyela?” Ngase ngitsi: “Nangu mine, tfuma mine!”

Danyela 2:19

Kwatsi ebusuku lemfihlakalo yembulwa kuDanyela ngembono. Danyela wadvumisa Nkulunkulu welizulu,

Numeri 12:6

Simakadze watsi kubo: “Lalelani la kimi: Nakunemphrofethi lapha emkhatsini wenu, ngimi Simakadze lengitibonakalisa ngemibono kuye ngikhulume naye ngemaphupho.

Imisebenti yebaPhostoli 10:3

Kwakungeli-awa lesitsatfu entsambama, lapho abona ngalokusebaleni embonweni ingilosi yaNkulunkulu ingena kuye itsi: “Khoneliyuse!”

Imisebenti yebaPhostoli 11:5

“Bengithandaza emtini eJopha, ngatsatseka, ngabona umbono. Ngabona kwehla intfo leyayibukeka njengendvwangu lenkhulu yehla ezulwini kusengatsi ibanjwe ngemakona ayo omane yehliselwa kimi.

Imisebenti yebaPhostoli 12:9

Phetro waphuma ejele wayilandzela. Noko akatanga kutsi loku lokwentiwa yingilosi kwenteka ngempela yini; wacabanga kutsi ubona umbono.

Imisebenti yebaPhostoli 16:10

Kwatsi Pawula asawubonile lombono satilungiselela masinyane kuwelela eMasedoniya, ngobe sase sibonile kutsi Nkulunkulu usibitele kutsi siyewushumayela liVangeli kubo.

Imisebenti yebaPhostoli 16:9

Ebusuku Pawula wabona umbono, wabona indvodza yaseMasedoniya imile imncenga itsi: “Yewelela eMasedoniya utesisita!”

Imisebenti yebaPhostoli 18:9

Kepha kwatsi ngalelinye lilanga ebusuku Pawula wabona umbono, iNkhosi yatsi kuye: “Ungesabi, chubeka ukhulume ungabindzi,

Imisebenti yebaPhostoli 2:17

“ ‘Utsi Nkulunkulu: “Naku lengiyawukwenta ngetikhatsi tekugcina: Ngiyakutfululela Moya wami etikwabo bonkhe bantfu. Emadvodzana nemadvodzakati enu ayawuphrofetha, emajaha enu ayawubona imibono, emakhehla ayawuphupha emaphupho.

Imisebenti yebaPhostoli 22:12

Kwakukhona indvodza, leyayingu-Ananiyase libito layo; yayikholwa, iwuhlonipha umtsetfo yatiswa ngiwo onkhe emaJuda labehlala eDamaseko,

Imisebenti yebaPhostoli 9:12

Ekwembulelweni kwakhe ubone indvodza lengu-Ananiyase ingena ibeka tandla etikwakhe kuze aphindze abone.”

Imisebenti yebaPhostoli 9:9

Kwaphela emalanga lamatsatfu angakwati kubona, ngaleso sikhatsi abengadli anganatsi lutfo.

2 kubaseKorinthe 11:32

EDamaseko Lusibalukhulu labengaphansi kwenkhosi Arethasi wagadza lidolobha lonkhe afuna kungibamba angibophe,

KubaseGalathiya 1:17

Angizange ngenyukele ngisho naseJerusalema kulabo babebaphostoli kucala kunami; kodvwa ngesuka ngekushesha ngaya e-Arabiya, ngase ngiyancandzeka ngiya eDamaseko.

1 Samuweli 3:4

Simakadze wabita Samuweli. Wasabela watsi: “Ngilapha.”