Imisebenti yebaPhostoli 8:37 - Siswati 1996 Bible

³⁷ Filiphu watsi kuso: “Nawukholwa ngenhlitiyo yakho yonkhe, kungentiwa.” Saphendvula satsi: “Ngiyakholwa kutsi Jesu Khristu yiNdvodzana yaNkulunkulu.”]

Imisebenti yebaPhostoli 8:37 Referencias Cruzadas

Matewu 16:16

Simoni Phetro waphendvula watsi: “UnguKhristu, iNdvodzana yaNkulunkulu lophilako.”

Matewu 28:19

Ngako-ke hambani, nente tive tonkhe tibe bafundzi bami, nibabhabhatise egameni leYise, neleNdvodzana, nelaMoya Longcwele,

Makho 16:16

“Lowo lokholwako abhajatiswe, uyawusindziswa; kodvwa lowo longakholwa, uyawulahlwa.

Johane 11:27

Waphendvula watsi: “Yebo, Nkhosi, ngiyakholwa kutsi wena unguKhristu, iNdvodzana yaNkulunkulu, labetakuta emhlabeni.”

Johane 20:31

Leti tibhalelwe kutsi nitewukholwa kutsi Jesu unguKhristu, iNdvodzana yaNkulunkulu, nekutsi ngekukholwa kwenu nibe nekuphila ngelibito lakhe.

Johane 6:68

Simoni Phetro wamphendvula watsi: “Nkhosi, singasuka kuwe siyephi? Ngobe emavi ekuphila lokuphakadze akuwe.

Johane 9:35

Jesu weva kutsi bayincumile. Wahlangana nayo watsi kuyo: “Uyakholwa yini eNdvodzaneni yeMuntfu?”

Imisebenti yebaPhostoli 2:38

Phetro wabaphendvula watsi: “Phendvukani nibhajatiswe nonkhe ngamunye ngamunye egameni laJesu Khristu, kuze nitsetselelwe tono tenu nemukeliswe nesipho lesinguMoya Longcwele.

Imisebenti yebaPhostoli 8:12

Kodvwa kwatsi nase bakholwa yinshumayelo yaFiliphu ngeliVangeli lembuso waNkulunkulu nangelibito laJesu Khristu, babhajatiswa, labadvuna nalabasikati.

Imisebenti yebaPhostoli 8:21

Awunasabelo nalifa kulomsebenti, ngobe inhlitiyo yakho ayikalungi emehlweni aNkulunkulu.

Imisebenti yebaPhostoli 8:36

Basachubeka nendlela yabo befika lapho kunemanti khona siphatsimandla satsi: “Ingani nankha emanti, kwalani kutsi ngibhajatiswe?” [

Imisebenti yebaPhostoli 8:38

Wase utsi akumiswe inkalishi yakhe, behla bobabili, baya emantini, siphatsimandla naFiliphu, wase uyasibhabhatisa.

Imisebenti yebaPhostoli 9:20

Masinyane wacala kushumayela emasinagogeni ngaJesu atsi: “UyiNdvodzana yaNkulunkulu.”

KubaseRoma 10:10

Ngobe umuntfu uyakholwa ngenhlitiyo entiwe emukeleke kuNkulunkulu kutsi ulungile, avume ngemlomo wakhe kube kusindziswa kwakhe.

1 kubaseKorinthe 12:3

Ngako-ke ngitsandza kutsi nati kutsi, kute umuntfu lokhuluma ngaMoya waNkulunkulu longatsi: “Jesu akacalekiswe!” Futsi kute umuntfu longatsi: “Jesu uyiNkhosi!” ngaphandle kwemuntfu lonaMoya Longcwele.

1 yaPhetro 3:21

Emanti wona emele umbhabhatiso. Umbhabhatiso awusiwo wekususa insila yemtimba, kodvwa wekucela nembeza lomsulwa kuNkulunkulu. Lombhabhatiso uyanisindzisa ngekuvuka kwaJesu Khristu ekufeni.

1 yaJohane 4:15

Lowo lovuma kutsi Jesu uyiNdvodzana yaNkulunkulu, Nkulunkulu uhlala kuye, naye uhlala kuNkulunkulu.

1 yaJohane 5:1

Wonkhe umuntfu lokholwa kutsi Jesu unguKhristu, ungumntfwana waNkulunkulu; umuntfu lotsandza umtali, utsandza nemntfwanakhe futsi.

1 yaJohane 5:10

Nome ngubani lokholwa yiNdvodzana yaNkulunkulu, unebufakazi kuye; kodvwa umuntfu longakholwa kuNkulunkulu, umente localemanga, ngobe angakholwa ebufakazini lobubekwe nguNkulunkulu ngeNdvodzana yakhe.

1 yaJohane 5:5

Ngubani umuntfu longancoba live ngaphandle kwalowo lokholwa kutsi Jesu uyiNdvodzana yaNkulunkulu?